Itan 7:26 - Edo Bible (E Baibol Ẹdo) Version 1996

²⁶ Ikpia nibun ọ re ẹbe he la ekpa ẹre rruan, ikpia ni he ya uhunmwu khiọ ẹmwẹ ọnrẹn bun gbe.

Itan 7:26 ပူးပေါင်းရင်းမြစ်များ

II Samuẹl 3:27

Abna ghi sẹ Hibrọn, e Joab keghi rhie ẹre ghe efẹn ọkpa vbe onurho ẹvbo vbe ne a miẹn wẹ te ọ ra si ẹre uma, ọ keghi bi agbada ye ọre ẹko vbe evba. Rhunmwuda ọnii, iran keghi gbe Abna an, rhunmwuda ne ọ na gbe Asahẹl ne ọtẹn Joab.

Nehimaia 13:26

I keghi tama iran wẹẹ, “Ikhuo ẹvbo ọvbehe ọ re ọ si e Solomọn la orukhọ na ru. Ghe okpia na ne ọ te kpọlọ sẹ avbe ọba ẹvbo ọvbehe hia fẹẹrẹ. Osanobua ho ẹmwẹ ọnrẹn ọ kevbe ya ẹe rrioba yan ivbi Izrẹl, sẹ evba ọ keghi ye de ye orukhọ na.

Itan 2:18

U gha la owa ẹre, odẹ uwu ọre ugbẹn nii. Ọmwa gha wẹ rẹn rrie evba, ẹvbo emwa ni wulo nẹ ọ re ọ rrie nii.

Itan 23:28

Iran gba khẹ ọmwa vbe oyi, iran ghi gha gie ikpia nibun khian ni sakaan.

Itan 6:33

A gha fa ẹre ua, a ghi vbe gbe ẹe, a ghi rhie efaa ne amẹ otiẹn ne ẹẹn.

Itan 7:27

U gha yo owa ẹre, odẹ ẹrinmwi ọre u gbẹn. Odẹ ne a na fian uwu re.

Itan 9:18

Iran ne obọ ẹre vbare, ma vbe rẹn wẹ, emwa ni la owa ẹre, uhunmwu ọ re iran ya khiẹ ọre kevbe wẹ iran ni ka la owa ẹre yi, wa rre ehe ni dinmwi nian vbe ẹvbo emwa ni wulo nẹ.

I Kọrinti 10:8

Ne ima ghẹ ru awua oghẹ, vbene eso vbe uwu iran ru ne iran arriaisẹn eha yan ugie na wulo edẹ ọkpa.

II Kọrinti 12:21

Afianma fian mwẹ I gha ghi dọlegbe rre, Osanobua mwẹ gha wa sirra uwa hia fa mwẹ uan, I ghi gha viẹ egbe ba ẹmwẹ emwa ni bun ni ru orukhọ vbe ẹghẹ ne ọ gberra, ne ọma he ye ro iro fi uyinmwẹ werriẹ, vbe uyinmwẹ osọnnọ ne iran yin, alama oghẹ kevbe orriarria.

I Pita 2:11

I rinmwian uwa, wa ne avbe ọse mwẹ, zẹ vbe avbe erhunmwuyẹn kevbe emwa ne ọlọghọmwa werrie ẹre owa vbe agbọn na! Wa ghẹ rhie otọ ne orriarria egbe, emwi ne ọ gu orhiọn gbinna vbe ẹghẹ hia.

Giọgis 16:21

Ivbi e Filistia, keghi mu ẹẹn, iran na wọlọ ẹre aro hẹ kua. Iran na mu ẹẹn gha rrie Gaza, iran na ye ọgiọrọ oze rro ẹre. Iran na mu iwinna emwi ne a ya olọ lọ nẹ vbe uwu eghan.