Itan 7:1 - Edo Bible (E Baibol Ẹdo) Version 1996

¹ Ovbi mwẹ, ye ẹmwẹ ne I tae rre, ghẹ vbe mianmian ẹmwẹ ne I tama ruẹn, wẹ ne u ru.

Itan 7:1 ပူးပေါင်းရင်းမြစ်များ

Job 22:22

Gha ya emwi ne ọ ma ruẹn re ru emwi rhie ẹmwẹ ọnrẹn mwẹ vbe ekhọe ruẹ.

Itan 1:8

Ovbi mwẹ, u ghi gha danmwehọ ẹmwẹ ne erhaa kevbe iyuẹ tama ruẹn.

Itan 10:14

Ọmwa ne ọ wan ghi viọ irẹnmwi ne ọ miẹn hia, sokpan, akpa gha guan, u ghi rẹn ighe olighi ra la evba.

Itan 3:1

Ovbi mwẹ, ghẹ mianmian emwi ne I ma ruẹn re. Gha ye emwi ne I tama ruẹn ne u gha ru rre vbe ẹghẹ hia.

Itan 4:21

Ghẹ gie iran fuẹ. Ye iran rre ne u vbe rhie iran mwẹ vbe ekhọe ruẹ.

Itan 5:5

Te ọ ra siọ la ẹvbo iran ni wulo nẹ, odẹ ne ọ la khian nii, ehe ne ọ rrie uwu ẹre nọ.

Itan 6:20

Ovbi mwẹ, gha ru vbene erha a tama an, ghẹ mianmian emwi ne iye uẹ ma ruẹn re.

Itan 6:35

Ẹ i kue ne a ha irẹn osa ya khiẹ ọre, ẹ i mwẹ emwi ne a gha rhie ne ẹẹn ne a gha ya fu ẹre aro rre.

Iyẹn ne ọ Maan Ọghe Luk 11:28

Sokpan Jesu wanniẹn wẹẹ, “Gie ta ẹe vbe nian wẹẹ, umiẹn egie ne iran ye ighe iran ni họn ẹmwẹ Osanobua iran na vbe ya ẹe ru emwi.”

Iyẹn ne ọ Maan Ọghe Luk 8:15

Emwiokọ ni dele ye otọ ne ọ maa mudia ye iran ni họn ẹmwẹ ni, iran keghi ye ekhọe esi nọ họn ẹmwẹ dae yi, iran na gha ya ẹe khian rhinrin ọ te do mọ.

Iyẹn ne ọ Maan Ọghe Jọn 14:23

Jesu wanniẹn wẹẹ, “Ọmwa ne ọ rhirhi ho ẹmwẹ mwẹ gha ru vbene I khare, Erha mwẹ gha ho ẹmwẹ ọnrẹn, kevbe imẹ kevbe Erha mwẹ ghi bu ẹre gha dee, ma ghi do di owa ẹre ya.

Iyẹn ne ọ Maan Ọghe Jọn 15:20

Wa ye ẹmwẹ ne I tama uwa rre, ‘Ọviẹn i sẹ enarẹn,’ Deghẹ iran zẹ mwẹ owẹ, iran gha vbe zẹ uwa owẹ. Adeghẹ iran miẹn ẹmwẹ mwẹ ye ehọ, iran gha vbe miẹn ọghe uwa ye ehọ.

Diuteronomi 11:28

sokpan ihẹn a deghẹ wa ma ya avbe uhi na ruemwi, wa na fi iyeke werriẹ ne uwa ya gha ga avbe ẹbọ ọvbehe ne uwa ma he ka ga ẹdẹ.

Arhie Maan 1:3

Ẹwerẹ ọmwa ne ọ tie ẹre, ẹwerẹ emwa hia ni vbe danmwehọ ẹmwẹ ne a ya urhu akhasẹ gie rre na, ọ na vbe gha ru vbene a gbẹn ye uwu ebe na. Rhunmwuda ẹghẹ ne emwi na hia ra na sunu sẹ otọ fo nẹ.

Arhie Maan 22:9

Sokpan rẹn keghi tama mwẹ wẹ, “Ghe danmwẹ ọẹn ghe, ọguọmwadia nii ihua, kevbe ọghe avbe akhasẹ ne etuẹn, ọre imẹ khin, kevbe ọ ghe emwa hia ni ya ẹmwẹ ni rre ebe ne ru emwi ya uhunmwu rhanmwẹ otọ ne Osanobua!”