Itan 6:6 - Edo Bible (E Baibol Ẹdo) Version 1996

⁶ Ọ kere ne avbe avbiẹrẹ gha miẹn avbe iranmwẹ wan vbene iran ru emwi hẹ,

Itan 6:6 ပူးပေါင်းရင်းမြစ်များ

Itan 1:17

Ẹ i mwẹ esa ne a gha rhuẹ ifi ahianmwẹ vbe ne ahianmwẹ ne a rhuẹ ọ re khẹ ghe ọmwa.

Itan 10:26

Ghẹ we ne ọmwa oroho ru emwi nuẹn, ọ gha ye egbe balọ ọ gberra okikan vbe akọn ruẹn, ra ighogho vbe aro ruẹ.

Itan 10:4

Ogue ọ re oroho si ye ọmwa egbe, sokpan, a ye obọ mu, ọ re ẹfe la rre.

Itan 13:4

Vbene emwi a ya khọn ọmwa oroho sẹ, ẹ i sẹ ọre obọ. Ọmwa ne ọ mu aro ye iwinna, emwi ne ọ rhirhi a gha ho hia, ọ re ọ sẹ ọre obọ.

Itan 15:19

U gha re ọmwa ne ọ si oroho, ọlọghọmwa ọ re u ra gha miẹn vbe ehe hia; sokpan, adeghẹ ọmwa esi ọ re u khin, u i vbe miẹn orueghe rhọkpa.

Itan 18:9

Ọmwa oroho kevbe ọka ẹrhia, okpa ọ re iran eveva khin.

Itan 19:15

Mu aro yọ ne u gha si oroho khian, gha vbiẹ, sokpan, ohanmwẹ gha fi ẹkun leluẹ.

Itan 19:24

Emwa eso mitan sẹrriọ wẹ, iran i sẹtin fian evbare rhie ye unu.

Itan 20:4

Ọwẹe ne evburriẹ ma gie ẹe gua ye ihe, ẹ i miẹn emwi rhọ.

Itan 21:25

Ọmwa oroho ne ọ wẹ rẹn i winna, te ọ gbe egbe ẹre.

Itan 22:13

Ọmwa oroho ghi tota ye owa, ọ wẹ ughaghe oduma gha mu irẹn deghẹ rẹn ladian vbe owa.

Itan 23:19

Danmwehọ ovbi mwẹ, gha waan, ne u vbe gha hannọ emwi ru.

Itan 30:24

Aranmwẹ enẹ ọ re ọ rrọ ne ọ wa giẹghẹ sokpan te ẹwaẹn gba ne iran:

Itan 30:25

Avbe iranmwẹ: iran ma wegbe sokpan iran si evbare iran koko hin rre vbe uyunmwu.

Itan 6:9

Inu ẹghẹ ọ re avbiẹrẹ ra ya vbe ukpo? De ẹghẹ ne ọ ra ya kpaegbe?

Aizaia 1:3

Avbe ẹmila rẹn emwa ni yan iran, avbe ekẹtẹkẹtẹ vbe rẹn ehe ne nọyan iran na rhie evbare ne iran. Sokpan, Izrẹl ne emwa mwẹ ma rẹn sẹ vberriọ. Iran ma zẹdẹ rẹn otọe ẹre hiehiere.”

Jerimaia 8:7

Avbe olọkọmwọrhu rẹn ẹghẹ ne ọ kere ne iran ya werriegbe, avbe uhaiso kevbe ivbianumẹ rẹn ẹghẹ ne iran ya hẹ kpao, sokpan, wa ne emwa mwẹ, wa ma rẹn uhi ne I lele ya khaemwisẹ yan uwa.

Matiu 25:26

Arowa ẹre keghi wanniẹn tama rẹn wẹẹ, ‘Wẹ ne ọguọmwadia dan, ne emitan, ugbẹn vbe u ghi rẹn ighẹ I rhọ emwiokọ vbe ehe ne I ma kọ yi, I vbe si koko vbe ehe ne I ma zagha emwiokọ kui.

Matiu 6:26

Wa ghe avbe ahianmwẹ ni tin yo tin rre. Iran i kọ, iran i rhọ, iran i mwẹ erru. Erha uwa ne ọ rre ẹrinmwi ọre ọ koko iran. Ive ne ọ rre uwa uhunmwu ma ye ọgbin igho sẹ ọghe ahianmwẹ ra!

Ebe ne Pọl gbẹẹn gie emwa Rom 12:11

Wa kakabọ gha winna, wa ghẹ so oroho, wa gha ya ekhọe ne ọ vuọn ne oyọnyọn ga Nọyaẹnmwa.

Hibru 6:12

Ma i ho ne uwa gha si oroho, sokpan ne uwa gha ye vbe emwa ni yayi ni vbe mwẹ iziengbe, ne emwi ne Osanobua ve sẹtin sẹ uwa obọ.