Itan 6:3 - Edo Bible (E Baibol Ẹdo) Version 1996

³ A deghẹ erriọ nọ, ovbi mwẹ, u rre ọmwa ni obọ nẹ, sokpan, ghe vbene u gha ya do ẹe fe hẹ. Zẹgiẹgiẹ bu ẹre gha khin, rinmwian ẹẹn wẹ ne ọ zẹ uẹ vbe aban.

Itan 6:3 ပူးပေါင်းရင်းမြစ်များ

II Samuẹl 24:14

E Devid keghi wanniẹn, “Te I la ẹmwẹ na! Sokpan, I i ho ne emwa nagbọn rriọmwẹ oya. Gie Nọyaẹnmwa tobọ ẹre rri ima oya, rhunmwuda, ọ mwẹ itohan.”

II Krọnikol 12:5

E Siemaia ne akhasẹ keghi bu e Rehoboam ne ọba kevbe avbe olotu e Juda ni lẹ fe Sisiak gha die Jerusalẹm, ọ tama iran wẹẹ, “Uhunmwu ne Nọyaẹnmwa gie gie uwa ọ re ọ na khin: ‘Wa fi iyeke gbe mwẹ nẹ, banbanna nian, mẹ vbe sẹ uwa rae ne Sisiak.’ ”

II Krọnikol 36:12

Ọ keghi sẹmwẹ e Nọyaẹnmwa ọ ma ya amuegberriotọ danmwehọ e Jerimaia ne Akhasẹ ne ọ gha ta ẹmwẹ e Nọyaẹnmwa ma rẹn.

Psalm 31:8

U ma gie obọ eghian mwẹ gba mwẹ. U rhie ẹtin mẹ, ne I khian sẹ ehe ne ọ khọn mwẹ.

Ẹksọdọs 10:3

Ẹre Mosis kevbe Errọn na bu ọba, iran ke tama rẹn wẹẹ, “Vbe nian ọre Nọyaẹnmwa ne Osanobua ivbi e Hibru khare, ‘De ẹghẹ ne uwa gha fieghe uhunmwu ye ẹmwẹ ne I khama uwa la? Gie emwa mwẹ kpao ne iran ya ga mwẹ.

Itan 6:2

Ẹmwẹ ne unu ruẹn ginna an ra, ra ne emwi ne u ve vbe degbuẹ?

Itan 6:4

Ghẹ gie ovbe rhie ruẹ ra ne u dekọ wẹ u ra hẹwẹ.

Jems 4:10

Wa mu egbe uwa rriotọ vbe odaro Osanobua, rẹn gha vbe tọn uwa mu.