Itan 6:26 - Edo Bible (E Baibol Ẹdo) Version 1996

²⁶ Ọmwa gha sẹtin ya igho ne a ya de ohoho ebrẹd okpa mu igberagia rrie owa, sokpan, ọ gha miẹn amwẹ ẹrrẹe, emwi ne ọ mwẹ hia ọ re ọ ra ya ha osa.

Itan 6:26 ပူးပေါင်းရင်းမြစ်များ

Gẹnẹsis 39:14

Ọ keghi tie ikpia ni rre owa ẹre wẹẹ, “Wa ghe o! Ọdafẹn mwẹ ọ re ọ mu ovbi e Hibru na ye owa, eban nian mẹ ọre ọ ghi yagha. Ọ bu mwẹ la ughugha ọ na wẹ ne I gie irẹn gun mwẹ ru emwi, ọ re I na rhie so zẹ vbe ne ẹho mwẹ sẹe.

Gẹnẹsis 39:7

Ọ ma ghi he kpẹe, amwẹ arowa Josẹf kegha ye aro ta ọta vbe egbe ẹre. Okhuo nii keghi tama rẹn wẹẹ, “Do gunmwẹ lovbiẹ.”

Itan 23:28

Iran gba khẹ ọmwa vbe oyi, iran ghi gha gie ikpia nibun khian ni sakaan.

Itan 29:3

Adeghẹ ẹwaẹn yẹ ruẹ, ẹko ghi gha sẹ erha a ọyẹnmwẹ ghe ruẹ. Ẹki omurhia nọ ne a gha lo igho ne avbe igberagia.

Itan 29:8

Emwa ne ẹ i da ne emwa ọvbehe sẹtin wa fian otighi fi ẹvbo. Emwa ni wan, te iran ye ehe hia furre.

Itan 5:10

Vbe ne ẹmwata, ẹrrẹe ọ re ọ ra viọ emwi ruẹn, emwi ne u miẹn ẹsọn yi hia ghi laghe obọ ọmwa ọvbehe.

Itan 5:9

U gha danmwẹ ọẹn, ọghọ ne ọ te ka rre uwẹ egbe gha gberra la obọ emwa ọvbehe, emwa ne ẹ i mwẹ itohan ọ re ọ ra vbe gbe ua ye isẹrre.

Itan 6:27

U gha sẹtin mu erhẹn ba ẹwẹe vbe ne ukpọn ruẹn i ma giẹn ra?

Itan 7:23

ehe ne ifẹnmwẹ gha na ha ẹre ẹkoko udu gberra. Ọ keghi yevbe ahianmwẹ ne ọ ra tin la ifi, ọ ma rẹn wẹ te irẹn rhie uhunmwu mwẹ atataobọ.

Ezikiẹl 13:18

Ne u vbe tama iran ẹmwẹ ne Nọyaẹnmwa ne Udazi tama iran wẹẹ: “Wa ne ikhuo na, ọghe uwa fo. Wa ru emwiobọ ẹbo ne emwa, wa ghi vbe gha sele ukhiọnfọ ẹyaẹn ẹbo ne emwa gha rri ye urhu ne iran sẹtin gha mwẹ ẹtin vbe uhunmwu ẹdagbọn emwa ọvbehe. Wa ho ne uwa gha mwẹ asẹ uwu kevbe ẹfe vbe uhunmwu emwa mwẹ, ne uwa miẹn ehe na gha ya iran ru enegbe uwa.

Ezikiẹl 13:8

Rhunmwuda ọnii, e Nọyaẹnmwa ne Udazi tama iran wẹẹ, “Emwi ne a zẹ ta ọ re ẹmwẹ uwa khin, ohoghe ọ re umian uwa vbe khin, rhunmwuda ọnii, ohu uwa wa mu mwẹ.

Iyẹn ne ọ Maan Ọghe Luk 15:30

Sokpan ovbi uẹ na ne ọ ya duẹ igho ẹre ua ne avbe ebabotu ghi rre nian, u gbe ẹmila abẹgbe nẹẹn!’

I Samuẹl 2:36

Iran ni ghi miẹn uhunmwu vbe avbe ivbi uẹ, iran ghi ya gha nọ ohẹn igho kevbe evbare, iran ghi vbe rinmwian ne a gie iran gha ye avbe ohẹn obọ ne iran ma kue miẹn evbare unu gha re.”