Itan 6:23 - Edo Bible (E Baibol Ẹdo) Version 1996

²³ Ukpa ne ọ baa ọ re igiodẹ iran khin, vbene iran ya dia ruẹ ye odẹ, gha sẹtin ma ruẹn vbene u gha ya gha yin hẹ.

Itan 6:23 ပူးပေါင်းရင်းမြစ်များ

Gẹnẹsis 39:8

Rẹn keghi he, ọ tama okhuo nii wẹẹ, “Arowa mwẹ i ghi vbe si osi ye emwikemwi ni rre owa na, rhunmwuda ighẹ I rre emwa. Ọ viọ emwi hia mẹ nẹ ne I gha gbearoghe.

Psalm 119:105

Ukpa ne ọ ma mwẹ odẹ ọ re ẹmwẹ ruẹn khin, kevbe uwanmwẹ ne ọ rre odẹ mwẹ.

Psalm 119:130

Irhanotọ iruẹmwi ruẹn rhie uwanmwẹ rre, ọ vbe ma iran ni ma rẹn emwi ẹwaẹn.

Psalm 141:5

Ọmwa esi sẹtin gbe mwẹ hin ọkhọ rre, kevbe ne ọ vbe gunmwẹ gui vbe itohan, sokpan, mẹ i ra rhan obọ miẹn emwi ne emwa dan ya mu ọghọ yọmwẹ egbe, rhunmwuda, ekhọe hia mẹ ya mu erhunmwu kọ emwi dan ne iran ru.

Psalm 19:8

Emwi ne ọ kere ọre uhi e Nọyaẹnmwa khin, te ọyẹnmwẹ sẹ iran ni ya ẹe ru emwi. Emwi ne ọ kere ọre iyi e Nọyaẹnmwa khin te ọ ya ekhọe rẹn emwi.

Itan 10:17

Ọmwa ne ọ rhie ehọ ye otọ vbe a gha gu ẹe gui, ọ gha di agbọn ya, sokpan, emwa ne ẹ i rhie wẹ rẹn gele ba emwi ku, te ọ rhie uhunmwu da ẹbe.

Itan 15:24

Odẹ ne ọ hin odukhunmwu rrie arrọọ ọ re avbe umẹwaẹn la ighẹ ẹ i re odẹ ne ọ tuorre rrie uwu.

Itan 15:31

A gha dia ruẹ ye odẹ, u na gbe ehọ kotọ, umẹwaẹn ọ re u khin.

Itan 29:15

A gu ọmwa gui kevbe a gbe ọmwa hin ọkhọ rre, wa maa ne ibiẹka. Adeghẹ a gie ọmọ wa gha ru emwi ne ọ rhirhi khọn rẹn, te ọ ra gie ekhue ẹre gha mu iye ẹe.

Itan 3:18

Ọ yẹnmwẹ sẹ iran ni khian emwa ni wan, ẹwaẹn gha rhie arrọọ ne iran.

Itan 4:13

Gha ye emwi ne u ruẹ re hia rre. Emwi ne u ruẹ re ọrọre ẹdagbọn ruẹn — dae yi ẹse.

Itan 4:4

erha mwẹ gha ma mwẹ emwi, ọ ghi kha wẹẹ, “Ye ẹmwẹ ne I tae rre ghẹ mianmian ẹẹn. Gha ru vbene I tama ruẹn, u gha diagbọnya.

Itan 5:12

Wẹ ghi do gha kha wẹẹ, “Vbe a na miẹn hẹ wẹ mẹ i zẹdẹ roiro? Vbọzẹ ne I i na gie ọmwaikọmwa dia mwẹ ye odẹ?

Asan-Ibo 7:26

I keghi miẹn emwiọkpa ne ọ rriara sẹẹ uwu — ọnii ọ re okhuo. Ahoẹmwọmwa ne ọ ra mwẹ ghe ruẹ sẹtin wa mu ẹn zẹ vbe ifi ra ọga, obọ ne ọ ya kinnọ ọn ghi gba a mwẹ zẹ vbe eghan. Ọmwa ne ọ ru emwi ne ọ yẹ Osanobua sẹtin lẹfe vbọ, sokpan te obọ ẹre gba ọmworukhọ.

Asan-Ibo 7:5

Ọ kere ne emwa esi gha gu ọmwa gui sẹẹ ne avbe akpa do gha kpe ọbọbọ ne ọmwa.

Aizaia 8:20

Wẹ ghi zẹ wanniẹn iran wẹẹ, “Danmwehọ emwi ne Nọyaẹnmwa ma uwa ẹre! Wa ghẹ danmwehọ avbe iran ni miẹn aro, emwi ne iran ra tama uwa i mwẹ asa ne ọ ye ne uwa.”

Jerimaia 21:8

Ẹre Nọyaẹnmwa na tama mwẹ wẹ ne I tama avbe emwa nii wẹẹ, “Wa danmwehọ! Mẹ ne Nọyaẹnmwa ọ re ọ tama uwa ne uwa zẹ vbe eveva, odẹ ne ọ rrie arrọọ ra odẹ ne ọ rrie uwu.

Ezikiẹl 20:11

I yi iyi mwẹ ma iran, I keghi vbe ma iran uhi mwẹ ne ọ rhie arrọọ ne ọmwaikọmwa ne ọ yae ru emwi.

Levitikọs 19:17

“Ghẹ mwẹ irhiaẹko ghe ọmwarhọkpa, sokpan guẹe dọlọ kugbe ne u ghẹ ya la ekpa ẹre mu orukhọ.

II Pita 1:19

Rhunmwuda ọnii ọre ima na mwẹ amuẹntinyan ẹsẹse vbe ọghe orhu ne avbe akhasẹ do kpee. Emwi ne ọ gha ke ne uwa nọ, ne uwa mu aro ye ẹmwẹ ọnrẹn, rhunmwuda te ọ ye vbe ukpa ne ọ baa vbe ehe ne ọ so ebiebi rhinrin Ẹdẹ te do gbe, ne uwanmwẹ orhọnmwẹ owiẹ wan vbe uwu ekhọe uwa.

Arhie Maan 2:5

Ye ehe ne u he de sẹ ẹro! Zẹ obọ vbe orukhọ ne u ru, ne u gha ru vbene u te ka gha ru vbe ẹghẹ okaro. A deghẹ u ma zẹ obọ vbe orukhọ ne u ru, I gha bu ruẹ gha dee, I ghi do mu erhan ọmukpa ruẹ hin ihe ẹre rre.