Itan 6:16 - Edo Bible (E Baibol Ẹdo) Version 1996

^16-19 Emwi ihinrọn ọre Nọyaẹnmwa i ho, ẹ i vbe rhie otọ ne iran hiehiere: Ekhọe itengbemu, aranmwẹ ne ọ ta ohoghe, obọ ne ọ gbe ọmwa ne ọ ma rukhọ, ekhọe ne ọ mwamwa emwi dan, owẹ ne ọ rhulẹ ye ọkhọ ne a ru, osẹe ne ọ wa ta ohoghe yan ohoghe, kevbe ọmwa ne ọ si ẹti fi ẹkpo avbe ẹse.

Itan 6:16 ပူးပေါင်းရင်းမြစ်များ

II Ọba 21:16

E Manasẹ gbele emwa ni ma rriabe nibun sẹrriọ wẹ esagiẹn na gha lẹ okpokpo vbe ore Jerusalẹm, ọ keghi ru ọna ba ne ọ na vbe si ivbi e Juda fi ẹbọ ne a ga, ọ na ye iran sẹ ẹmwẹ e Nọyaẹnmwa.

Job 5:19

Kugbakẹghẹrẹ ọ re ọ ya miẹn ruẹn fan hin ikuan egbe rre.

Psalm 11:5

Rẹn ọ re ọ ghe ọmwa esi, ke ọmwa dan vbe abọ ọkpa ni. Ọ kakabọ khuiwu iran ne ẹi mu uhi sẹ.

Psalm 5:7

Sokpan, rhunmwuda ahoẹmwọmwa ruẹn nọkhua, mẹ gha sẹtin gha die uwu owa ruẹ. I gha sẹtin ga, vbe uwu ọgua Osa ruẹ ne ọ huanrẹn, mẹ ghi vbe ya ọghọ ghughẹrre nuẹn.

Itan 11:1

Osanobua i ho ẹmwẹ emwa ni ya esike omuru mwa emwi. emwi ne a mwa ẹse ọ re ọ ye ọre.

Itan 11:20

E Nọyaẹnmwa i ho ẹmwẹ ọmwa ne ọ mwẹ ekhọe ibisi, sokpan, ọ ho ẹmwẹ ọmwa ne ọ ru emwi ẹse.

Itan 12:22

E Nọyaẹnmwa khuiwu avbe ọhọn ohoghe, sokpan, ẹko ẹre ghi gha rhiẹnrhiẹn iran ni mu ẹmwẹ iran sẹ.

Itan 17:15

Na a bu abe gbe ne ọ ma rria abe kevbe ne a fan ne ọ rria abe fua, osọnnọ ehia khin vbe odaro e Nọyaẹnmwa.

Itan 20:10

E Nọyaẹnmwa i ho ẹmwẹ ọmwa ne ọ ye emwi omuru mwa emwi, ọghe ubunmwẹ ra ukhuamwẹ.

Itan 20:23

E Nọyaẹnmwa i ho ẹmwẹ emwa ni ya omwa omuru mwa emwi ọghe ubunmwẹ ra ukhuamwẹ.

Itan 21:4

Emwa dan; a ma he miẹn egbe mwẹ ẹdẹ, kevbe itengbemu, ọ re ọ ye iran ru emwi. Orukhọ ọ re ena khin.

Itan 3:32

rhunmwuda, e Nọyaẹnmwa khuiwu iran ni ru emwi dan, sokpan, ọ mu iro ma emwa ẹmwata.

Itan 30:18

Emwi enẹ ọ re ọ rrọ ne ọ kpan mwẹ odin, ne ẹ i gunmwẹ rẹn otọ ẹre:

Itan 30:21

Emwi enẹ ọre ọ rrọ ne otọe tobọ ẹre i sẹtin ya egbe miẹn:

Itan 30:24

Aranmwẹ enẹ ọ re ọ rrọ ne ọ wa giẹghẹ sokpan te ẹwaẹn gba ne iran:

Itan 30:29

Emwi enẹ ọ re ọ rrọ ne ọ sẹ ọmwa ughe vbe iran a gha khian.

Itan 6:15

Rhunmwuda ọna, ẹbe gha rruan iran vbe udomwurri, a gha vbe fian iran ẹwẹn ne ọ da.

Itan 8:13

Ne a gha ho ẹmwẹ e Nọyaẹnmwa, ọrọre ne a gha khuiwu emwi dan. I i ho ẹmwẹ itengbemu kevbe uhiomwẹ, odẹ dan kevbe ẹmwẹ ohoghe.

Jerimaia 26:15

Sokpan, wa gie ọna gha rre uwa ekhọe wẹ adeghẹ wa gbe mwẹ uan, wa gha rria abe, kevbe emwa ni rre ẹvbo na wẹ wa gbe ọmwa ne ọ ma rukhọ ua, rhunmwuda, e Nọyaẹnmwa ọ re ọ gie mwẹ ne I do ta ẹmwẹ na yotọ ma uwa.”

Emọs 1:11

E Nọyaẹnmwa khare wẹẹ, “Te ivbi Idọm wa gha ru orukhọ yan egbe yan egbe, rhunmwuda ọnii, I gha wa rri iran oya. Iran keghi gha ru ọbafi ivbi Izrẹl ne etẹn iran, iran ma ghi vbe mwẹ itohan hiehie ghe iran. Ohu iran i zẹdẹ mwẹ erọkhọrọkhọ, ẹ i vbe fo iran vbe ekhọe.

Emọs 1:3

E Nọyaẹnmwa khare wẹẹ, “Tẹ ivbi e Damaskọs wa gha ru orukhọ yan egbe yan egbe, rhunmwuda ọnii, I gha wa rri iran oya ye emwi na. Ekhọe ababe ọ re iran ya gha ru emwi ne iran ru ivbi e Giliad re.

Emọs 1:6

E Nọyaẹnmwa khare wẹẹ, “Te ivbi e Gaza wa gha ru orukhọ yan egbe yan egbe, rhunmwuda ọnii, I gha wa rri iran oya ye emwi na. Iran kun emwa hia ni wa rre ẹvbo hoho kpao, iran na ya khiẹnnẹ iran eviẹn ne ivbi Idọm.

Emọs 1:9

E Nọyaẹnmwa khare wẹẹ, “Te ivbi e Taia wa gha ru orukhọ yan egbe yan egbe, rhunmwuda ọnii, I gha wa rri iran oya ye emwi na. Iran wa viọ emwa hia ni rre ẹvbo ohoho kpao gha rrie iwe vbe Idọm, ọ ma ghi ye ebe ọseagbakhin ne iran gha rhie obọ yi.

Emọs 2:1

E Nọyaẹnmwa khare wẹẹ, “Te ivbi e Moab wa gha ru orukhọ yan egbe yan egbe, rhunmwuda ọnii, I gha wa rria iran ikhi ye emwi na. Iran wa ye ugboloko avbe Idọm khian ne a ma ya ọghọ na, vbe ekpa ne iran na giẹn iran vbe erhẹn ya khian emuẹn.

Emọs 2:4

E Nọyaẹnmwa khare wẹẹ, “Te ivbi e Juda wa gha ru orukhọ yan egbe yan egbe, rhunmwuda ọnii, I gha wa rri iran oya ye emwi na. Iran zan iruẹmwi mwẹ, iran ma vbe ya iyi mwẹ ru emwi. Ẹbọ ohoghe ne avbe erha iran ghoro, vbe dee iran odẹ nẹ,

Emọs 2:6

E Nọyaẹnmwa khare wẹẹ, “Te ivbi Izrẹl wa gha ru orukhọ yan egbe yan egbe, rhunmwuda ọnii, I gha wa rria iran ikhi ye emwi na. Iran khiẹnnẹ iran eviẹn ighẹ emwa ẹmwata ni ma sẹtin ha osa ne iran re, avbe ivbiogue ne ẹ i ra miẹn igho ya ha osa ibata e esanda.

Zẹkaraia 8:17

Wa ghẹ si uma emwi ne uwa gha ru egbe re. Wa ghẹ vẹn ihen ya sẹ osẹ ohoghe. I i zẹdẹ ho ẹmwẹ ohoghe, ẹkẹ vbe ero kevbe uyinmwẹ ibalegbe.”

Diuteronomi 23:18

A ghẹ vbe rhie igho ne a la odẹ vberriọ khuan la ọgua osa e Nọyaẹnmwa Osanobua uwa wẹ te do ya ha osa emwi ne a ve, te avbe ebabotu ye owa ugamwẹ sọnnọ e Nọyaẹnmwa.

Diuteronomi 24:4

Vbene ọ rhirhi a gha ye hẹ, ọdọ ẹre ne okaro nii ghẹ dọlegbe rhie ẹre rọnmwẹ, ọ kere ne ọ ka ẹe ba ọmwa ne awua gue. Ọ gha dọlegbe rhie ẹre, emwi osọnnọ nọ vbe odaro e Nọyaẹnmwa, wa ghẹ mu orukhọ dan vberriọ la otọe nii ne Nọyaẹnmwa Osanobua uwa ra mu ne uwa.

Diuteronomi 25:16

E Nọyaẹnmwa i ho ẹmwẹ emwa ni mu ọmwa ru vberriọ.

Arhie Maan 21:27

Sokpan emwi awua ọkpa i ra la ẹvbo nii, ra ọmwaikọmwa ne ọ ru emwi emwi ekhue, ra ne ọ ta ohoghe. Emwa ne a gbẹnnẹ eni ẹnrẹn ye ebe enirrọọ ọghe Oteghe Ohuan nii ọkpa, ọre ọ gha la ẹvbo nii.