Itan 6:12 - Edo Bible (E Baibol Ẹdo) Version 1996

¹² Avbe ẹwobi emwa ne emwa dan ghi gha ta ohoghe lele ehe hia khian.

Itan 6:12 ပူးပေါင်းရင်းမြစ်များ

Psalm 10:3

Ọmwa dan ya emwi dan ne ọ khọnrẹn ghagha. Ọmwa uzuanmwẹ kpa unu ghe Osanobua, ọ keghi vbe he ẹe ye otọ.

Psalm 10:7

Ihẹn ne a tie, ọ re ẹmwẹ ne ọ ta hia khin, kevbe ohoghe deba ne a na yan gie ọmwa. Obọ wa kẹ ọre vbe ẹmwẹ ikhuiwu dan ne a ta.

Psalm 101:3

Mẹ i ra vbe rhie otọ ne emwi ọkhọ, I khuiwu uyinmwẹ emwa ni fi iyeke gbe Osanobua me i ra gu iran mu obọ.

Psalm 36:3

Ẹmwẹ dan ọ re ọ ke unu ẹnrẹn rre, ohoghe ọ re ehia vbe khin. Ẹi ghi ru emwi ẹwaẹn ra ne ọ maa.

Psalm 59:7

Gha họn vbene iran tie ihẹn kevbe vbene iran vbe yanma hẹ. Aranmwẹ iran yevbe umozo vbe unu iran. Sevba te iran ye ro wẹ, ọmwa rhọkpa ma rẹn ne iran ye.

Itan 10:32

Emwa ẹmwata rẹn ẹmwẹ itohan ne iran gha ta, sokpan, ẹmwẹ ne ọ kan ọmwa egbe ọ re emwa dan ta vbe ẹghẹ hia.

Itan 11:6

Uyinmwẹ ẹmwata sẹtin fan ọmwa ẹmwata vbe irri, sokpan, ọmwa ne ẹ i gia mu ẹtin yan, arovbẹmwẹ ọnrẹn ọ re ọ ra khuẹn ifi mu ẹẹn.

Itan 16:27

Emwa dan ghi gha ho odẹ ne ọ gha na kuan ẹrrẹe, uhin ighe te erhẹn tọn vbe ẹmwẹ ne unu iran rhunmwuda emwi dan ne ọ khin.

Itan 16:30

Gha mwẹ ẹwaẹn vbe egbe emwa ni guẹ yan akọn ni vbe bun ruẹn aro, iro dan ọ re iran zẹe.

Itan 17:4

Emwa dan ghi gha danmwehọ emwa dan, avbe ọhọn ohoghe ghi vbe gha danmwehọ ohoghe.

Itan 2:12

Ẹ i ghi vbe gie uwẹ ya ru emwi ne ọ ma gba. Iran guẹ gha gban egbe ne emwa ni ya ẹmwẹ ne iran ta fian otighi fi emwa egbe.

Itan 3:32

rhunmwuda, e Nọyaẹnmwa khuiwu iran ni ru emwi dan, sokpan, ọ mu iro ma emwa ẹmwata.

Itan 4:24

Ghẹ guan ẹmwẹ ne ẹ i re ẹmwata ẹdẹ, ghẹ mwẹ obọ vbe ohoghe kevbe avbe ẹmwẹ ne ọ ye ọmwa bibi odẹ.

Itan 6:14

Iran ghi gha mwamwa emwi dan vbe ekhọe iran ne ọ mu rhu, iran ghi gbe ẹti lele ehe hia.

Itan 8:13

Ne a gha ho ẹmwẹ e Nọyaẹnmwa, ọrọre ne a gha khuiwu emwi dan. I i ho ẹmwẹ itengbemu kevbe uhiomwẹ, odẹ dan kevbe ẹmwẹ ohoghe.

Jerimaia 24:2

Avbe ohọ ne ọ maa kegha rre okhuae ne okaro, ni wa rherhe vbo vbọ, nọkpa kegha re ne ẹ i maa ye, ne ẹ i gie a re.

Matiu 12:34

Wa ne ẹyẹn ne emwi dan, vbe ẹmwẹ esi ighi te ra ke uwa unu ladian hẹẹ? rhunmwuda, emwi ne ọ rre ekhọe ọre unu na ta ladian.

Iwinna 20:30

Ẹghẹ dee ne emwa eso vbe uwu uwa gha na ta ohoghe ne iran ya bibi emwa ni yayi eso odẹ hẹ ba egbe.

I Timoti 5:13

Iran ghi vbe gha mu ẹghẹ rhia, vbe ne iran na ke owa ọkpa la ọvbehe, ne ọ ghi wa rhia sẹ vbọ ọrọre wẹ, iran ghi gha re ne ọ na iyẹn ẹrrẹe, arraile, iran ghi gha mu ukpẹ ye ẹmwẹ ne ọ ma khẹ ke iran.

Jems 1:21

Rhunmwuda ọnii nian, wa zobọ vbe avbe uyinmwẹ iruẹn, ne ọ maghan ọmwa kevbe uyinmwẹ dan hia, wa zẹ egbe obọ ne Osanobua, ne uwa vbe rhan obọ miẹn ẹmwẹ ne ọ kọ ye uwa ekhọe, ne ọ gha sẹtin miẹn uwa fan.

Jems 3:6

Te aranmwẹ ye vbe erhẹn, agbọn ne ọ kulo nọ, ọ keghi rre ehe ne ọ khẹ kẹe vbe uwu egbe mwa, ọ keghi vbe gha wawa emwi dan gba egbe mwa hia, ọ ghi rhie erhẹn ne ọ ke ẹrinmwi erhẹn tobọ ẹre sẹ irẹn obọ, ya rhu erhẹn ye ehe ne ima ra ya egbe la hia, vbe ẹdẹ agbọn mwa.

I Samuẹl 17:28

Eliab ne ọtẹn e Devid ne ọdiọn keghi họn vbe ọ gu emwa nii guan. Ohu ẹre keghi mu ẹẹn, ọ na tama rẹn wẹẹ, “Vbe u a ru vbe emwa na yi? De ọmwa ne u sẹ avbe ohuan ni rae na vbe uwu oha yi? U ghe ẹre ighẹ gie aro mwẹ sẹ! Ghe ẹhi ẹre, okuo ọ re ọ rre do ghe!”