Itan 5:6 - Edo Bible (E Baibol Ẹdo) Version 1996

⁶ Ẹ i vbe mudia ye odẹ ne ọ rrie arrọọ, ọ ghi bibi odẹ, vbe ne ẹ i na vbe rẹn emwi ne ọ sunu.

Itan 5:6 ပူးပေါင်းရင်းမြစ်များ

Psalm 119:59

I mu ẹmwẹ uyinmwẹ mwẹ ro nẹ, mẹ yan rẹn ighe I gha lele igiodẹ ruẹ.

Psalm 16:11

Wẹ gha ma mwẹ odẹ ne ọ rriẹ arrọọ, I vuọn ne ọyẹnmwẹ rhunmwuda ighe u rre emwa na, u vbe rhie oghọghọ mẹ ẹdẹdẹmwẹdẹ.

Itan 11:19

Ọmwa ne ọ mu aro yọ ne irẹn gha ru emwi esi, ọ gha rre agbọn, sokpan, ọmwa ne ọ wẹ emwi dan rẹn ra gha ru khian, ọ gha wu.

Itan 2:19

Ai miẹn ọmwa ne ọ yo owa ẹre ne ọ miẹn uhunmwu ya ke ẹe rre. Ẹ i ghi dọlegbe ye owẹ kan odẹ ne ọ rrie agbọn.

Itan 30:20

Emwi ne okhuo ne ọ ma gua obọ ọdọ ru ọ re ọna khin: ọ ghi ya ghẹ, iyeke ọnii, ọ ghi ya khuẹ, ọ ghi kha wẹẹ, “I ma ru a i ghẹ ru!”

Itan 4:26

Kakahọ gha gbe ekhọe kotọ mwamwa emwi ne u khian ru, emwi ne u ru hia gha wa dunna.

Itan 5:21

E Nọyaẹnmwa bẹghe emwi ne u ru hia, ehe ne u a rhirhi la, ọ ghe ruẹ.

Itan 9:13

Ukọnmwẹ yevbe okhuo ne ọ talọ, ne ọ ma rẹn ne a ye, kevbe ne awa lala ẹre aro.

II Pita 2:14

Iran i ho ne iran bẹghe emwi ọvbehe gberra ikhuo ni ku ogboi, ẹko i sẹtin vuọn ohanmwẹ orukhọ iran ẹdẹ. Iran ghi gha sua ọmwa ne ọ ma wo vbe egbe fi ifi. Te a wa ma ekhọe iran ẹre ne iran gha zuan. Te Osanobua fi iran unu.