Itan 5:21 - Edo Bible (E Baibol Ẹdo) Version 1996

²¹ E Nọyaẹnmwa bẹghe emwi ne u ru hia, ehe ne u a rhirhi la, ọ ghe ruẹ.

Itan 5:21 ပူးပေါင်းရင်းမြစ်များ

II Krọnikol 16:9

Te Nọyaẹnmwa wa rhie aro sẹ otọ vbe agbọn na hia ne ọ miẹn ehe na rhie ẹtin ne iran ne ekhọe ẹre mudia ẹse vbe ehe ne ọ ye. Emwi ukọnmwẹ ọ re u wa ru ni rhunmwuda ọnii nian, ke eban kpao, okuọ ọ re u ghi ra gha khọn ẹghẹ hia.”

Job 14:16

Ẹghẹ nii, u ghi gha baba owẹ ne I rhirhi a zẹ, sokpan, u i ghi ra zọ uhio orukhọ mwẹ.

Job 24:23

Osanobua sẹtin giee gha rrọọ vbe a i mwẹ ẹbe, sokpan ọ wa baba ẹe vbe ẹghẹ hia.

Job 31:4

Osanobua rẹn emwi ne I ru hia, ọ rẹn dọmwadẹ owẹ nẹ I zẹ vbe otọ.

Job 34:21

Ọ wa ghe owẹ hia ne dọmwadẹ ọghọe zẹ.

Psalm 11:4

E Nọyaẹnmwa rre uwu Ọgua Osa ẹre ne ọ huanrẹn, ẹkete ẹre rre ẹrinmwi. Ọ gha ghe emwa hia vbe ehe hia. Ọ rẹn emwi ne iran ru.

Psalm 119:168

Mẹ lele iyi kevbe igiodẹ ruẹ, wẹ vbe bẹghe emwi hia ne I ru.

Psalm 17:3

U gba ekhọe mwẹ. Wẹ ka bu mwẹ rre yi vbe asọn, u gualọ otọ mwẹ fo fẹẹrẹ. U ma vbe miẹn iho emwi dan vbe uwu ekhọe mwẹ, I ma ta ẹmwẹ dan.

Itan 15:3

E Nọyaẹnmwa bẹghe emwi ni sunu vbe ehe hia, rẹn gha ghe ima, deghẹ emwi esi ma ru ra emwi dan.

Itan 4:26

Kakahọ gha gbe ekhọe kotọ mwamwa emwi ne u khian ru, emwi ne u ru hia gha wa dunna.

Itan 5:6

Ẹ i vbe mudia ye odẹ ne ọ rrie arrọọ, ọ ghi bibi odẹ, vbe ne ẹ i na vbe rẹn emwi ne ọ sunu.

Jerimaia 16:17

I bẹghe emwi ne iran ru hia. Emwi okpa ma rhie egbe lẹre mẹ, orukhọ ne iran ru ma sẹtin rhie egbe lẹre ne aro mwẹ.

Jerimaia 17:10

Mẹ ne Nọyaẹnmwa ọ re ọ gualọ otọ ẹko ghe, I vbe gualọ otọ ekhọe ọmwa, vbe ne dọmwadẹ ọghọe ru emwi, ọ re I vbe ya ye ohọ mu ẹẹn. Zẹ vbene emwi ne ọ ru vbe ye.”

Jerimaia 23:24

Orhiọnkpa ne ọ gha sẹtin lẹre ye ehe ne imẹ i ra na bẹghe ẹre i rrọọ. Wẹ ma rẹn ighe ehe hia ọ re imẹ ye vbe ẹrinmwi kevbe agbọn?

Jerimaia 29:23

Emwi ne ọ ra rruan iran ọ re ọnii khin rhunmwuda, iran ru orukhọ ne ọ mu ọmwa ohan, iran rhie amwẹ ẹrrẹe, iran kevbe ye eni e Nọyaẹnmwa ta ohoghe. Emwi ne Nọyaẹnmwa i zẹdẹ ho ọ re ọna khin, ọ rẹn emwi ne iran ru, rẹn ọ re ọ vbe re ne ọ ra sẹ osẹe gbe iran. E Nọyaẹnmwa tae nẹ.’ ”

Jerimaia 32:19

Wẹ ru emwamwa ẹwaẹn, u keghi vbe winna iwinna ẹtin, u bẹghe emwi ne emwa hia ru, u keghi vbe hae ne iran zẹ vbene uyinmwẹ iran khare.

Hozia 7:2

Ọ ma vbe la iran uhunmwu wẹ, I gha ye avbe emwi na rre, sokpan orukhọ iran gba ogba ga iran, ẹ i mwẹ mẹ ma bẹghe ẹre.”

Hibru 4:13

Emwi ọkpa ne a sẹtin rhie lẹre ne Osanobua ẹ i rrọọ. Emwi hia ni rre ehe ne agbọn sẹe ehe ne ọ rhanmwẹ, te a fannọ ehia a, a na vbe wa ẹre ye otọ vbe odaro ẹre. Rọẹn ni ọre ima ra ya ye unu mwa na iyẹn egbe mwa ma.

Arhie Maan 2:18

“Gbẹn ebe gie odibosa esọsi ne ọ rre Tiatira wẹ: “Uhunmwu ne ọ gie rre ọre ọ na khin ighẹ Ovbi Osanobua ne aro ẹre kpannọ kua vbe Ogiọnmwẹ erhẹn, ne owẹ ọre fi wainwain, zẹ vbe ẹrọnmwọ ne a kpee.

Arhie Maan 2:23

I gha vbe gbele ẹre emọ, ẹghẹ nii, avbe esọsi hia ghi do rẹn wẹ, mẹ ọrọre ọmwa ne ọ rẹn iro ne ọmwa zẹ vbe ekhọe ẹre kevbe emwi ne ọ hoo. I gha do hae ne edọmwadẹ ọghọe vbe uwu uwa zẹ vbe iwinna ne uwa winnaẹn.