Itan 5:20 - Edo Bible (E Baibol Ẹdo) Version 1996

²⁰ Ovbi mwẹ, vbọzẹ ne u gha na rhie ahoẹmwọmwa ruẹn ne okhuo ọvbehe yi? Vbọzẹ ne ose amwẹ ẹrrẹe gha na viẹn ye uwe aro sẹẹ?

Itan 5:20 ပူးပေါင်းရင်းမြစ်များ

I Ọba 11:1

E Solomọn kegha ho ẹmwẹ ikhuo eghọẹn ni bun. Ye vbe gberra ovbi ọba Igipt, ọ kevbe viọ ikhuo e Hiti, e Moab, Amọn, Idọm kevbe Saidọn.

Itan 22:14

Ifi ọ re ọghe khin, emwa ne ohu ẹre mu e Nọyaẹnmwa ọ re ọ mu.

Itan 23:33

Aro ruẹ ghi gha bẹghe otutu, u i ghi sẹtin roro emwi ẹse ra ne u guan ẹse.

Itan 5:3

Akhuarhamwunu amwẹ ẹrrẹe sẹtin gha miẹnmiẹn vbe owọn, isosonu ẹnrẹn sẹtin vbe ye rọkhọ vbe ofigbọn oliv,

Itan 6:24

Ọ gha sẹtin siọ hin ehe ne avbe ikhuo dan ye rre, kevbe hin ẹmwẹ erẹrẹ iba ọghe avbe amwẹ ẹrrẹe.

Itan 7:5

Iran gha mu ẹẹn hin ehe ne amwẹ ẹrrẹe ye rre, hin ehe ne avbe ikhuo ni rhẹrhẹ ọmwa la ẹmwẹ ye.

Malakai 2:14

Wa nọ emwi ne ọ zẹẹ ne ẹi ghi na rhan obọ miẹn rẹn. Emwi ne ọ sii ẹe ọrọre wẹ ọ rẹnrẹn wẹ, wa ma ghi mu eyan nii sẹ, ne uwa yan ma okhuo ne uwa rhiere ẹkpo ne uwa na rre igbama. Egbakhian ruẹn ọ re irẹn gha khin, u ma mu eyan ne u yaan ma rẹn sẹ egbe ne a ya miẹn wẹ odaro Osanobua ọ re u na yan wẹ wẹ i ra rhie aro ghe ehe ọvbehe.

Malakai 2:16

E Nọyaẹnmwa Osanobua Izrẹl khare wẹẹ, “Ne a gha khu okhuo wa sọnnọ mwẹ. Te ọ wa sọnnọ mwẹ vbe ọmwaikọmwa vbe uwu uwa a ru amwẹ ọnrẹn emwi dan vberriọ. Gia miẹn wẹ, u ma rhie obọ gberra eyan ne u yaan ma amwọn wẹ u i ra rhie aro ye okhuo ọvbehe aro.”