Itan 4:5 - Edo Bible (E Baibol Ẹdo) Version 1996

⁵ Gha mwẹ ẹwaẹn kevbe a ghe umian emwi! Ghẹ mianmian, ra ne u fi iyeke gbe ẹmwẹ ne I tae.

Itan 4:5 ပူးပေါင်းရင်းမြစ်များ

II Krọnikol 34:2

Ọ keghi ru emwi ne ọ yẹ e Nọyaẹnmwa, ọ na lele igiemwi e Devid ne erha ẹe odede, ọ na wa gha lele uhi Osanobua vbe ẹghẹ hia.

Job 23:11

Odẹ ne ọ zẹ ye otọ ọ re I wa lele I i vbe ghe obọ na ra obọ nii.

Psalm 119:157

Eghian mwẹ kevbe iran ni kpokpo mwẹ bun, sokpan mẹ i de iyi ruẹ.

Psalm 119:51

Ẹghẹ hia iran ni tọn egbe mu ya zan mwẹ, sokpan, mẹ ma he beghe lahin uhi ruẹ rre.

Psalm 44:18

Ma ma he fi owẹ dọn ghe ruẹ ma ma he rra iyi ne u yi.

Itan 16:16

Ọ maa sẹ ukhukhu uri ukhukhu ọgban ne a gha mwẹ ẹwaẹn kevbe irẹnmwi sẹ ne a gha mwẹ igoru kevbe esiliva.

Itan 17:16

Ẹ i mwẹ ọ maa okpa ne ọ ra la evba sẹ ọre egbe dẹghe a lo igho ya gha ma ọzuọ ebe, ẹ i mwẹ isan ẹwaẹn ọkpa.

Itan 18:1

Emwa ne ẹ i gu emwa ọvbehe ro, enegbe iran okpa ọ re iran rẹnrẹn; emwa hia gha rhe rẹn wẹ emwi ne ọ gbae nene emwi khin, iran ghi wẹ, ẹn o.

Itan 19:8

Ru iyobọ ne egbe ruẹ, vbene u gha na hia ne u ruẹ emwi hia ne u gha sẹtin ruẹ, u ghi vbe gha ye emwi ne u ruẹe rre, agbọn gha ma ruẹn.

Itan 23:23

Emwata, ẹwaẹn, iruẹemwi, kevbe ẹwaẹn esi, ehia wa sẹ ne a ha osa yi, sokpan, emwi ighobioye ne ọ ma kei ne a khiẹn nọ.

Itan 3:1

Ovbi mwẹ, ghẹ mianmian emwi ne I ma ruẹn re. Gha ye emwi ne I tama ruẹn ne u gha ru rre vbe ẹghẹ hia.

Itan 4:7

Ne a gha mwẹ ẹwaẹn ọrọre emwi kpataki ne ọ sẹre ne u gha ru, emwi ọvbehe hia ne ọ khọn ruẹn ne u gha mwẹ, vbe gha mwẹ a sẹtin ghe umian emwi ba ẹre.

Itan 8:5

Wa ma he ye si uwan ra? Wa ruẹ ne uwa si uwan. Akpa wa khin ra. Wa ruẹ ne uwa gha wan.

Jems 1:5

Sokpan deghẹ a miẹn ne ẹ i mwẹ ẹwaẹn vbe uwu uwa, wẹ ne ọ na erhunmwu ghe Osanobua, ne ọ gha rhie ẹre nẹẹn, rhunmwuda, ọwọrhọwọrhọ ọre Osanobua viọ emwi ne emwa hia.