Itan 4:24 - Edo Bible (E Baibol Ẹdo) Version 1996

²⁴ Ghẹ guan ẹmwẹ ne ẹ i re ẹmwata ẹdẹ, ghẹ mwẹ obọ vbe ohoghe kevbe avbe ẹmwẹ ne ọ ye ọmwa bibi odẹ.

Itan 4:24 ပူးပေါင်းရင်းမြစ်များ

Job 11:14

Viọ avbe emwi dan kevbe ni la ihan hin owa ruẹ rre.

Psalm 34:14

Fi iyeke gbe emwi dan, gha ru emwi esi, ye ekhọe kekhọe ruẹ hia, gha gbinna ye emwi ẹmwata.

Itan 10:32

Emwa ẹmwata rẹn ẹmwẹ itohan ne iran gha ta, sokpan, ẹmwẹ ne ọ kan ọmwa egbe ọ re emwa dan ta vbe ẹghẹ hia.

Itan 17:20

Ọmwa ne ọ zẹ iro dan, ne ọ vbe ta ẹmwẹ dan, wẹ ne ọ ghẹ rhie aro ye emwi ne ọ maa okpa gberra ọfuan.

Itan 19:1

Ọmwa re ovbiogue ne adazẹ, ọ re ọ maa sẹẹ ne a gha re ọzuọ ne ọhọn ohoghe.

Itan 4:25

Ye ekhọe ne ẹ i mwẹ ero kevbe ne ọ sotọ gha ghe odaro, ghẹ ya ekhue gha khua uhunmwu.

Itan 6:12

Avbe ẹwobi emwa ne emwa dan ghi gha ta ohoghe lele ehe hia khian.

Itan 8:13

Ne a gha ho ẹmwẹ e Nọyaẹnmwa, ọrọre ne a gha khuiwu emwi dan. I i ho ẹmwẹ itengbemu kevbe uhiomwẹ, odẹ dan kevbe ẹmwẹ ohoghe.

Itan 8:8

Emwata ọre ẹmwẹ ne I tae hia khin, ẹmwẹ ohoghe ra ne ọ bibi ọmwa odẹ irrọọ.

Ezikiẹl 18:31

Wa sẹ avbe emwi dan ne uwa te ka ru de yi rae, ne uwa gie iro ọgbọn kevbe ekhọe ọgbọn la uwa orhiọn. Vbọzẹ ne uwa na ho ne uwa wulo yi, wa ne ivbi Izrẹl.”

Kọlose 3:8

Banbanna nian, te uwa gha sẹ avbe emwi na hia rae, ohu orriarria kevbe ẹko ọmwa khọ ọmwa. Ghẹ tie ihẹn ra ne u gha ta ẹmwẹ ihin ladian vbe unu.

I Timoti 6:5

Igbeagbanmwẹ ne iran muhẹn ighẹ emwa ne ekhọe ẹre sohie nẹ, ẹmwata i ghi vbe rre iran unu. Iran ro ighẹ iyayi, emwi ne a ya gualọ igho ọre nọ.

Jems 1:21

Rhunmwuda ọnii nian, wa zobọ vbe avbe uyinmwẹ iruẹn, ne ọ maghan ọmwa kevbe uyinmwẹ dan hia, wa zẹ egbe obọ ne Osanobua, ne uwa vbe rhan obọ miẹn ẹmwẹ ne ọ kọ ye uwa ekhọe, ne ọ gha sẹtin miẹn uwa fan.

Jems 1:26

Deghẹ ọmwaikọmwa ro ighẹ ọmwa ne ọ mwẹ iyayi rẹn khin, a deghẹ ẹ i rhie aranmwẹ kọ ẹho guan, iyayi ẹre i mwẹ esa.

I Pita 2:1

Rhunmwuda ọnii nian, wa gie a wabọ emwi dan hin ehe ne uwa ye rre, ohoghe ne a ta fo, kevbe ẹkẹ vbe iwẹnwẹn kevbe oya ọmwa da ọmwa, kevbe ẹmwẹ obi unu.