Itan 4:23 - Edo Bible (E Baibol Ẹdo) Version 1996

²³ Ye egbe vbekpa iro ne u zẹ, iro ne u zẹ ọ re ọ ta vbene ẹdẹ agbọn ruẹn ra gha ye hẹ.

Itan 4:23 ပူးပေါင်းရင်းမြစ်များ

II Ọba 10:31

Sokpan, e Jehu ma ye ekhọe lele uhi ne Nọyaẹnmwa ne Osanobua yi ne ẹẹn, sokpan, ọ keghi lele igiemwi e Jeroboam ne ọ si ivbi Izrẹl la orukhọ.

Itan 11:16

Emwa hia ọ re ọ yọghọ ne okhuo ne ọ rẹn enegbe, sokpan, efaa ọ re okhuo ne ẹ i mwẹ uyimwẹ khin. Okpia ne ọ mitan i sẹtin gha mwẹ igho, sokpan okpia ne obọ ẹre tọn gha fe.

Itan 13:3

Gha rhie aranmwẹ kọ ehọ guan ne u rhie uhunmwu ẹn hin ẹbe rre. Ọmwa ne ọ mu ẹmwẹ fua gha khian rhie.

Itan 16:17

Odẹ ne ẹbe i ye ọ re emwa esi la, rhunmwuda ọnii, gha rhuan egbe vbe ehe ne u yo, ọnii sẹtin da uhunmwu ẹn yi ye agbọn.

Itan 22:5

Adeghẹ u ho ẹmwẹ ẹdagbọn ruẹn, biegbe ne ifi ne ọ mu ọmwa dan vbe odẹ.

Itan 23:19

Danmwehọ ovbi mwẹ, gha waan, ne u vbe gha hannọ emwi ru.

Itan 28:26

Ukọnmwẹ nọ ne u wa gha ye ẹwaẹn obọ ruẹ okpa ru emwi. Gha ya emwi ne emwa ni wan sẹẹ ma ọmwa re ru emwi ne u gha rrọọ vbe a i mwẹ ẹbe.

Itan 3:21

Ovbi mwẹ, da ẹwaẹn ruẹn yi, deba a ghe umian emwi. Ghẹ gie iran wi ruẹ.

Itan 4:7

Ne a gha mwẹ ẹwaẹn ọrọre emwi kpataki ne ọ sẹre ne u gha ru, emwi ọvbehe hia ne ọ khọn ruẹn ne u gha mwẹ, vbe gha mwẹ a sẹtin ghe umian emwi ba ẹre.

Asan-Ibo 5:13

Vbe ghe emwiọkpa ne ọ mu ọmwa ohan ne I vbe miẹn vbe agbọn na: emwa ghi gha si igho koko hinrre khẹ ẹdẹ ne a gha ho sẹ ọre egbe.

Jerimaia 17:9

Gha ọ gha sẹtin rẹn otọ vbene ekhọe ọmwa nagbọn ye hẹ? Emwi ọvbehe ne ọ rẹrẹ ọmwa vbe ne irẹn ye i rrọ ọ khuọnmwi gberra ne ọ gie sinmwi nẹ.

Matiu 15:18

Sokpan, emwi ne ọ ke uwu unu ladian, uwu ekhọe ọre ọ ke rre, ọ ghi ya ọmwa khian ne ọ ma huan.

Matiu 15:19

Uwu ekhọe ọre iro nọ ya ọmwa ru emwi hia ke rre: izigha, oghẹ, uyinmwẹ ohọhọ hia, oyi, ohoghe, ọtakhọ.

Iyẹn ne ọ Maan Ọghe Mak 14:38

Ọ tama iran wẹẹ, “Wa gha ba odẹ, wa gha na erhunmwu, ne uwa ghẹ miẹn ehe na de fi edanmwẹ. Orhiọn te wa ho sokpan ikinnegbe khuẹrhẹ.”

Iyẹn ne ọ Maan Ọghe Luk 6:45

Aza emwi esi ne Ọ rre ọmwa esi ẹko, ọre ọ ke viọ emwi esi ladian, aza emwi dan ne ọ rre ọmwa dan ẹko, ọre ọ ke viọ emwi dan ladian. Rhunmwuda emwi ne ọ re ọmwa ekhọe ọre unu ẹnrẹn ta ladian.

Diuteronomi 4:9

Wa khẹ yegbe! Wa gie a miẹn wẹ wa ma mianmian emwi ne aro uwa sẹe wa te ya wu. Wa kpa itan rẹn ma ivbi uwa kevbe ivbi ivbi uwa.

Hibru 12:15

Wa khẹ ye egbe, ne ọmwaikọmwa ghẹ ya fi iyeke gbe ẹsọhẹ Osanobua. Wa mwẹ ẹwaẹn, ne ọmwaikọmwa ghẹ ya khian utẹzi ne ọ gha wan nẹ, ọ ghi ye obi ẹre gha kpokpo emwa ni bun.