Itan 4:16 - Edo Bible (E Baibol Ẹdo) Version 1996

¹⁶ Emwa dan i miẹn ovbe vbiẹ vbe ẹ i re te iran ru emwi eso ne ọ ma gba nẹ. Iran ghi rhan aro ua ye ukpo, sokpan te iran ghi kuan emwa eso nẹ.

Itan 4:16 ပူးပေါင်းရင်းမြစ်များ

Psalm 36:3

Ẹmwẹ dan ọ re ọ ke unu ẹnrẹn rre, ohoghe ọ re ehia vbe khin. Ẹi ghi ru emwi ẹwaẹn ra ne ọ maa.

Psalm 36:4

Ọ ghi gha zẹ iro emwi dan a i ghi miẹn emwiọkpa ne ọ maa ne ọ ru. Rẹn i vbe fieghe uhunmwu ye emwi dan.

Itan 1:16

Iran i sẹtin ziengbe ne iran ghẹ ru emwi dan. Iran wa mu egbe vbe ehe hia ne iran de izigha.

Itan 2:14

Emwa ne iba ne a zẹ wa yẹ, kevbe ne uyinmwẹ ọzuọ ye ẹko ẹre rhiẹnrhiẹn.

Itan 4:15

Ghẹ danmwẹ ọẹn. Lẹ ne emwi dan! Fieghe uhunmwu yọ ne u lele odẹ ruẹ gha khian.

Aizaia 57:20

Sokpan te emwa dan yevbe okun ne ọ hẹ yo hẹ rre, ne ulẹmwẹ ọnrẹn idobọ yi ne ọ na vẹ ladian, ọ ghi ya gha viọ iku kevbe isan ẹmila rre.

Jerimaia 9:4

Wẹ ne dọmwadẹ ọghọe khẹ yegbe ne ọ mwẹ ẹwaẹn vbe egbe ọsiọre a i ghi miẹn ne ọ sẹtin mu ẹtin yan ọtiọnrẹn rhunmwuda, te etẹn hia ghi guẹ erẹrẹ vba e Jekọb, edọmwadẹ ọghọe ta ọtiọnrẹn ọtakhọ.

Maika 2:1

Umiẹn vbe ọ gha ba so iran hẹ ighe iran ne ẹ i miẹn ovbe vbe iran a lovbiẹ rhunmwuda emwi dan ne iran mwamwa vbe ekhọe! Iran gha wa miẹn ẹkpotọ ọwarọkpa vbe owiẹ, iran ghi ru emwi ne iran mwamwaẹn.

Maika 7:3

Te emwi dan ne a ru wa gua iran hia obọ ro. Avbe ekhaẹmwẹ kevbe iran ni bu ohiẹn wa rri igho odieke. Ọmwa ne ọ hin usi ghi tama iran emwi ne irẹn ho, rhunmwuda ọnii, iran ghi gba si uma dan kugbe.

Iyẹn ne ọ Maan Ọghe Luk 22:66

Ẹdẹ ghi gbe, avbe ediọn ọghe Ju, avbe igie ohẹn, kevbe iran ni ma emwa Uhi keghi rrie iko, iran na mu Jesu gha die evba.

Iyẹn ne ọ Maan Ọghe Jọn 18:28

Iran keghi mu Jesu ke owa Kaiafas kpao gha rrie ẹguae Ne ọ khaemwisẹ. Owiẹ vbirrivbirri nọ. Avbe Ju ma ho ne iran la uwu ẹguae rhunmwuda ne iran ghẹ ru awua, ne iran miẹn ehe na rrie evbare Alagberra.

Iwinna 24:7

sokpan Lisias ne ọkaokuo keghi rre, ọ na khiẹn ima obọ miẹn ima ẹre.

II Pita 2:14

Iran i ho ne iran bẹghe emwi ọvbehe gberra ikhuo ni ku ogboi, ẹko i sẹtin vuọn ohanmwẹ orukhọ iran ẹdẹ. Iran ghi gha sua ọmwa ne ọ ma wo vbe egbe fi ifi. Te a wa ma ekhọe iran ẹre ne iran gha zuan. Te Osanobua fi iran unu.