Itan 4:15 - Edo Bible (E Baibol Ẹdo) Version 1996

¹⁵ Ghẹ danmwẹ ọẹn. Lẹ ne emwi dan! Fieghe uhunmwu yọ ne u lele odẹ ruẹ gha khian.

Itan 4:15 ပူးပေါင်းရင်းမြစ်များ

Job 11:14

Viọ avbe emwi dan kevbe ni la ihan hin owa ruẹ rre.

Job 22:23

Ẹn, hẹko ya imuegberriotọ werriegbe bu Osanobua. Ne u kie ehia ukpe ighẹ avbe emwi dan ne a ru vbe owa ruẹ.

Ẹksọdọs 23:7

Wa gha lẹ ne ẹmwẹ ne a ba ọmwa ẹre. Wa ghẹ gbe ọmwa ne ọ ma rukhọ rua, rhunmwuda I gha bu ohiẹn uwa gbe ọmwa ne ọ ru emwi dan vberriọ.

Itan 1:15

Ovbi mwẹ, ghẹ gu emwa vberriọ mu obọ. Gban egbe ne iran.

Itan 24:1

Ghẹ gbe ọ ma kan uwa ne emwa dan, ghẹ vbe gu iran ru ọse.

Itan 4:14

Ghẹ yo ehe ne avbe emwa dan yo. Ghẹ ya egbe ta emwa dan.

Itan 4:16

Emwa dan i miẹn ovbe vbiẹ vbe ẹ i re te iran ru emwi eso ne ọ ma gba nẹ. Iran ghi rhan aro ua ye ukpo, sokpan te iran ghi kuan emwa eso nẹ.

Itan 5:8

Wa gha lẹ ne egbe okhuo vberriọ! Ghẹ vbe sikẹ onurho ẹre hiehiere!

Itan 6:5

Zẹ egbe vbe ifi nii zẹ vbene ahianmwẹ ra ẹrhuẹ lẹ fe ohuẹ.

Aizaia 33:15

Wa gha miẹn uhunmwu adeghẹ wa ta, wa na vbe gha ru emwi ne ọgbae. Wa ghẹ ya ẹtin uwa gbe ovbiogue rhu, wa ghẹ miẹn igho erinmwian odieke. Wa ghẹ yegbe ba iran ni kun vbene iran gha do izigha hẹ ra ne iran ru emwi dan ọvbehe.

Ẹfisọs 5:11

Wa ghẹ gu iran ni ru emwi oya ne a ru vbe uwu ebiebi mu obọ. Sokpan wa gha viọ iran ladian la idagbo. (

I Tẹsalonaika 5:22

Wa gha lẹ ne emwi dan hia ne ọ rhirhi gha khin.