Itan 4:12 - Edo Bible (E Baibol Ẹdo) Version 1996

¹² Idobo rhọkpa i ra vbe gha rre uwẹ odẹ, a dẹghe u ye ewaẹn khian, a deghẹ u vbe rhulẹ, u i ra rrua owẹ.

Itan 4:12 ပူးပေါင်းရင်းမြစ်များ

II Samuẹl 22:37

Wẹ ọ re ọ ma gia mu mwẹ oghunmwu. I ma he vbe de ẹdẹ.

Psalm 119:165

Iran ni ho ẹmwẹ uhi ruẹ fe vbe ẹbe fẹẹrẹ, emwi ne ọ gha sẹtin mu iran gbotọ i rrọ.

Psalm 119:45

Mẹ gha rrọọ, zẹ vbe ọmwa ne ọ yan egbe ẹre rhunmwuda mẹ hia ne I gha mu iruẹmwi ruẹn sẹ.

Psalm 18:36

We ọ re ọ ma gie obọ gba mwẹ, mẹ ma he de ẹdẹ.

Itan 2:9

U gha rhie ehọ mẹ ta yi, u gha rẹn emwi ne ọ gbae, ne ọ kere kevbe ne ọ khẹke.

Itan 3:23

U gha sẹtin lele odẹ ruẹ gha khian, vbene u i na vbe rrua owẹ.

Itan 4:19

Sokpan, te odẹ ne ọmwa dan la khian yevbe asọn. Iran ghi dele sokpan iran i bẹghe emwi ne ọ rrua iran owẹ.

Itan 6:22

Emwi ne iran ma ruẹn re gha su uẹ vbe u a yo ehe, ọ gha degue ruẹ vbe asọn, ọ ghi vbe gha bu ruẹ ude vbe ẹghẹ avan.

Jerimaia 31:9

Avbe emwa mwẹ gha werriegbe rre vbe ne iran na viẹ, iran ghi vbe gha na erhunmwu vbe ehe ne I na viọ iran werriegbe dee ni. I gha ma iran odẹ gha rrie ẹzẹ amẹ, vbe odẹ ne ọ rriẹe kpẹghẹ, ehe ne iran i ra na rrua owẹ. Te I ye vbe erha ne Izrẹl Ifreim ọrọre ovbi mwẹ nọdiọn.”

I Pita 2:8

Ebe ọvbehe keghi vbe kha wẹ: “Ọna ọ re okuta ne emwa gha na gha rrua owẹ, okuta ne ọ gha munọ iran gbe otọ.” Iran rrua owẹ rhunmwuda iran ma ya nene ẹmwẹ yi, ehe ne Osanobua mwamwa iran yi ọre ọnii khin.