Itan 31:9 - Edo Bible (E Baibol Ẹdo) Version 1996

⁹ Guan ne iran, ne u do gha re nọbuohiẹn ẹmwata. Mu ẹzọ avbe ivbiogue kevbe ni i mwẹ gui.”

Itan 31:9 ပူးပေါင်းရင်းမြစ်များ

II Samuẹl 8:15

E Devid kegha khaemwisẹ yan Izrẹl hia, ọ keghi gie a miẹn wẹ uyinmwẹ ẹmwata ne ọ gbae ọre a yin ghe emwa hia.

Job 29:12

Avbe ivbiogue gha tu ladian, I ghi yi iran obọ. I kegha ru iyohọ ne avbe emọ ne ẹ i mwẹ erha, ni ma miẹn emwa tu ma.

Psalm 82:3

Wa gha mu ẹzọ ivbiogue kevbe emọ ni i mwẹ erha gui, wa gha ru emwi ẹse ne ne ẹ i mwẹ kevbe ne ẹtin fo.

Itan 16:12

Avbe ọba i zẹdẹ rhie otọ ne ọkhọ; rhunmwuda uhunmwu ẹmwẹ ọ re ọ ye arriọba khian ne ọ wegbe.

Itan 20:8

Ọba gha tota gha bu ohiẹn, ọ gha bẹghe emwi dan, te ọ wa rẹn ọnrẹn.

Itan 29:7

Ọmwa esi rẹn emwi ne ọ sẹ avbe ivbiogue egbe, sokpan, emwa dan i sẹtin rẹn otọ egbe emwi vberriọ.

Aizaia 1:17

ne uwa ruẹ vbene a ru emwi esi hẹ. Wa miẹn wẹ a ru emwi vbene ọ kei yi, wa gha ru iyobọ ne iran ne a zẹ kpokpo, rhie emwi ne ọ khẹke avbe ne ẹ i mwẹ erha ne iran, wa rria ikhi ne avbe ẹgbẹ.”

Aizaia 1:23

Etẹ ọ re avbe ọkaolotu ruẹ khin, kevbe avbe ọse avbe oyi, ẹghẹ hia ọ re iran ya miẹn emwa emwi ihaoko kevbe igho odieke. Iran i guan ne avbe ne ẹ i mwẹ erha vbe iko ẹzọ, erriọ iran i vbe zẹye avbe ẹgbẹ re vbe iran a do gui ma iran.

Aizaia 11:4

ọ gha bu ohiẹn ẹmwata ne ivbiogue ọ ghi mu ẹzọ iran ne ẹ i mwẹ gui ọ ghi yi iyi wẹ ne a rri avbe emwa nii oya, avbe emwa dan gha vbe wulo.

Jerimaia 22:3

“Mẹ ne Nọyaẹnmwa ọ re ọ tama uwa ne uwa gha ru vbene ọ kere kevbe vbene ọ hẹnhẹn. Degue ọmwa ne a mu ru hin obọ ọmwa ne ọ mu ẹẹn ru. Ghẹ ya obọ dan mu ọrriọvbe ra ne u gha wọ iran uhunmwu, kevbe avbe emọ ne ẹ i mwẹ erha kevbe ẹgbẹ, ghẹ vbe gbe emwa ni ma rukhọ ua vbe ehe nọhuanrẹn na.

Jerimaia 23:5

E Nọyaẹnmwa khare wẹẹ, “Ẹghẹ dee ne I gha na zẹ ọba vbe ivbi e Devid ni mwẹ ekhọe esi vbọ. Ọba nii gha ya ẹwaẹn khaemwisẹ, ọ ghi ru emwi ne ọ here ke ne ọ hẹnhẹn vbe otọe nii hia.

Jerimaia 5:28

Ọnii ọ re ọ vbe sii ẹe ne iran na kọnkọn egbe, ẹko kevbe vuọn iran. Emwi dan ne iran ru i mwẹ okhiẹ. Iran i rhie emwi ni khẹke emọ ni i mwẹ erha ne iran, ra ne a bu ohiẹn ẹse ne ọmwa ne a zẹ kpokpo.

Daniẹl 4:27

Rhunmwuda ọnii nian, Umogun, u ghi rhie ude ne I bu ruẹ re. Da obọ orukhọ ne a ru yi, gha ru emwi ne ọ kere, vbe gha tohan avbe ivbiogue. Ẹghẹ nii, agbọn ghi gha ma ruẹn khian.”

Levitikọs 19:15

Gha re ne ọ ta ẹmwata kevbe uhunmwu ẹmwẹ; u gha ra bu ohiẹn, ghẹ yaba ovbiogue ra ne u mu ohan enọfe.

Zẹkaraia 7:9

“Vbe ẹghẹ ne ọ kpee fua, I keghi gu avbe emwa mwẹ guan wẹẹ, ‘Wa gia miẹn wẹ vbene ọ khẹke ọ re a ru emwi yi wa ghi vbe gha tohan egbe, wa ghi gha mwẹ ẹnina egbe.

Zẹkaraia 9:9

Wa gha ghọghọ, wa gha ghọghọ ivbi e Zaiọn! Wa gha wee ne oghọghọ, wa ne ivbi e Jerusalẹm! Wa ghe ighẹ ọba uwa dee! Ọ dee vbe ọmwa ne ọ ru rho obọ, ọ vbe khọnmiotọ. Sokpan, ọmẹhẹ ne ọ hin ekẹtẹkẹtẹ ne kherhe, ne sọguọsọguọ rẹn khin.

Iyẹn ne ọ Maan Ọghe Jọn 7:24

Wa ghẹ gha lele erriọ I họn bu ohiẹn, wa gha lele odẹ ẹmwata bu ohiẹn.”

Diuteronomi 1:16

Vbe ẹghẹ nii, I keghi rhie igiodẹ ne iran wẹẹ, ‘Wa gha danmwehọ imuaẹmwẹ ni rre uwu avbe emwa uwa. Wa ghi gha bu ohiẹn ẹmwata, ọ re emwa uwa ọkpa ọ re ẹzọ sunu na ra te ọ vbe dekan avbe orhunmwuyẹn ni rre uwa ẹvbo.

Hibru 1:9

U hoẹmwẹ emwi ne a ru ẹse, u sọnnọ emwi ne a ma ru ẹse. Ọnii ọ si ẹe ne Osa, Osanobua ruẹ na hannọ uẹn zẹ, ọna rhie oghọghọ uyi ne ọ sẹ ne ọ rhie ne ihua ẹsẹse nuẹn.”

Arhie Maan 19:11

I keghi miẹn vbe ẹrinmwi kie ye otọ, ẹsin nọfua ọkpa kegha rrọọ, a kegha tie ọmwa ne ọ hin ẹnrẹn, Ọmwata kevbe Ne ọ ta uhunmwu ẹmwẹ. Ẹmwata ọre ọ ya bu ohiẹn kevbe ne ọ vbe ya khọn okuo ẹre.

I Samuẹl 19:4

E Jonatan keghi tian e Devid ma e Sọl wẹẹ, “Dọmọ ọ, ghẹ ru e Devid ne ọguọmwadia ruẹ emwi ne ọ ma gba, ọ ma he ru emwi ne ọ ma gba ghe ruẹ ẹdẹ, sokpan, vbe ẹmwata, emwi ne ọ he ru hia, nẹ ọ rhie ere nọkhua gie uẹ ọ re ehia khin.

I Samuẹl 20:32

E Jonatan keghi wanniẹn wẹẹ, “Vbọzẹ ne ọ gha na wu yi? De emwi ne ọ ru?”