Itan 31:4 - Edo Bible (E Baibol Ẹdo) Version 1996

⁴ Danmwehọ, Lemuẹl ọ ma kei ne avbe ọba gha da ayọn ra ne ayọn ne ọ fian gha khọn iran.

Itan 31:4 ပူးပေါင်းရင်းမြစ်များ

I Ọba 16:9

E Zimri ne ọ re ọkpa vbe uwu emwa rẹn ni gbe aro ghe obọkpa vbe a wa ikẹkẹ okuo ọba ye ihe eva keghi khuan khẹ ọre. Ẹdẹ ọkpa, ọba keghi da ayọn ne ọ gha gbe ẹe vbe Tiza vbe owa Aza ne ọ gbearoghe ẹguae.

I Ọba 20:12

Ehe ne Benhadad kevbe avbe ihua ẹre na da ayọn vbe uwu agọ ukpọn rẹn, ọ re iran na do na iyẹn na ma rẹn. Ọ keghi tama emwa rẹn ne iran ya khọn ẹvbo nii, edọmwadẹ ọghọe keghi mudia ye ihe ẹre.

Ẹsta 1:10

Ọ ghi sẹ ikpẹdẹ ne ogihinrọn ne iran kegha rri evbare na, ọba kegha da ayọn, ẹko hia na gha sẹ ọre ọyẹnmwẹ, ọ keghi tie avbe ọghẹrriẹnoguan ihinrọn ni wa re odibo irẹn tobọ ẹre, iran na ọ re Mehuman, e Bizta, e Habona, e Bigta, Abagta, e Zeta kevbe Kakas.

Ẹsta 3:15

Zẹ vbene ọba khare, ọ keghi ya ẹmwẹ na wewe vbe Susa ne igiogbẹ ẹvbo ni, iran ni rhulẹ keghi rhie iyẹn ni gha rrie dọmwadẹ iyaẹvbo. Ọba kevbe Haman keghi tota, iran na gha da ayọn, vbene adesẹ ore ẹvbo ni na khian ne a fian otighi fi.

Itan 20:1

U gha da ayọn gbe u ghi gha vannọ ọghe ọzuọ. Ukọnmwẹ wa nọ ne ọmwa da ayọn gbe egbe.

Itan 23:34

Ọ ghi yevbe ne a miẹn wẹ te u gua okọ yo uwu okun, ighe te u khuọnmwi emianmwẹ ẹzẹ ne ọ fiọ yo fiọ rre.

Asan-Ibo 10:17

Sokpan, uwa ọ re ẹvbo nii ye adeghẹ iran mwẹ ọba ne ọ tobọ ẹre ta vbene irẹn gha ru emwi hẹ kevbe avbe ọkaolotu ni rri evbare ye ẹghẹ, Emwa ni mu egbe iran yọghọ kevbe ne ẹ i da ayọn gbe egbe.

Aizaia 5:22

Ọghe uwa fo nẹ! Wa ni re asukpekhae vbe egbe ọgọ ayọn. Emwa ni din kevbe ne ohan i mu vbe ọ gha sẹ egbe ayọn ne a gua.

Habakọk 2:5

Emwi ne ọ rẹrẹ ọmwa ọ re ẹfe khin. Emwa ne ẹho tọlọ, te iran tọn egbe mu, ekhọe iran i vbe sẹ otọ, zẹ vbene uwu tobọ ẹre ye, ne ẹko i na vuọn ẹẹn, erriọ, ẹko i vbe vuọn iran. Ọnii ọ si ẹe ne iran na khọn ẹvbo yan ẹvbo mu ne egbe iran.