Itan 30:9 - Edo Bible (E Baibol Ẹdo) Version 1996

⁹ I gha do gha mwẹ gberra vberriọ, ne I ghẹ do ya gha kha wẹ u i mwẹ emwi ne u ye mẹ. Sokpan, I gha re ovbiogue, ne a ghẹ miẹn wẹ te I ghi ya rha, I na fa Osanobua mwẹ uan.

Itan 30:9 ပူးပေါင်းရင်းမြစ်များ

Psalm 125:3

Avbe emwa dan i ra wa gha khaemwisẹ, yan otọ emwa ẹmwata ẹdẹdẹmwẹdẹ; iran gha ru vberriọ, iran ne ẹmwata tobọ iran sẹtin ya ru emwi dan.

Ẹksọdọs 20:7

“Ohan i gie uwẹ lo eni imẹ ne Nọyaẹnmwa Osanobua ruẹ vbe odẹ ọkhọ rhunmwuda ọmwa ne ọ lo eni mwẹ ihan, I gha rria ẹre ikhi.

Ẹksọdọs 5:2

E Fero keghi wanniẹn wẹẹ, “Gha ọre Nọyaẹnmwa yi? Vbọzẹ ne I gha na danmwehọ ẹre yi ne 1 gele gie ivbi Izrẹl kpao. Mẹ ma rẹn Nọyaẹnmwa, mẹ i ra vbe gie Izrẹl gha khian.”

Itan 29:24

Ogieva oyi ọrọre eghian rẹn ne ọ khọ sẹẹ ehia, ọ gha ta ẹmwata vbe iko, a gha rri ọre oya, adeghẹ ọ ma ta ẹmwata, Osanobua gha fi ẹre unu.

Aizaia 59:13

Ma sẹmwẹ ru ẹ, ma he uwẹ yotọ, ma ma ghi lele uwẹ, ma wọ avbe ẹrrẹe uhunmwu ma keghi fi iyeke gbe uwẹ. Ohoghe iro ne ima zẹ khin, ẹmwẹ ne ima ta i re ẹmwata.

Jerimaia 2:31

Ivbi Izrẹl, wa danmwehọ ẹmwẹ ne I guan. Mẹ he ye vbe ato ne uwa ẹdẹ ra, zẹ vbe ẹvbo dan ne ọ su ebiebi. Vbe uwa ghi na kha hẹ wẹ emwi ne ọ khọn uwa ọ re uwa ra gha ru ighe wa i dọlegbe bu mwẹ dee.

Jerimaia 5:12

Emwa e Nọyaẹnmwa siẹn ọẹn, iran keghi kha wẹẹ, “Vbe ẹmwata, ẹ i ra ru emwi rhọkpa, ma i ra miẹn emwi ne ọ ba vbe aro, ma i ra miẹn okuo ra ukhunmwu.”

Ezikiẹl 23:35

Banbanna nian, vbenian ọ re Nọyaẹnmwa ne Udazi khare, “Rhunmwuda ighe u mianmian mwẹ, u keghi fi iyeke gbe mwẹ, u gha rri oya ye ẹmwẹ orriarria ruẹ kevbe ebabotu ne u gbe.”

Daniẹl 4:17

Vbene ọ khare ọnii khin ighe odibosa ne aro ẹre gba emwi hia nii. Rhunmwuda ọnii, wa gie emwa hia rẹn vbe ehe hia wẹ Osanobua ne ọ Sẹehia mwẹ ẹtin vbe uhunmwu avbe arriọba emwa nagbọn, kevbe wẹ ọ sẹtin munọ iran ne ọmwa ne ọ rhirhi khọn rẹn, uhin ya sẹ egbe ọmwa ne ẹ i mwẹ asa ne ọ gu agbọn ye.’ ”

Daniẹl 4:30

o keghi kha wẹẹ, “Ghe vbene Babilọn kpọlọ hẹ. Mẹ ọ re ọ bọọ ẹe ya ru igiogbe otọe mwẹ ne I ya rhie ma vbene ẹtin mwẹ kpọlọ sẹ hẹ kevbe iwegbe mwẹ, kevbe ẹtin ọba mwẹ.”

Hozia 13:6

Sokpan, wa ghi la otọe esi nii nẹ, ẹko keghi vuọn uwu, ọ keghi vbe sẹ uwa ọkẹn, wa keghi do gha hio, wa na mianmian mwẹ.

Levitikọs 5:1

“Avbe emwi vbenian ọre a gha zọ ese orukhọ yi. A gha la odẹ ne a ru ẹe la tie ọmwa ne ọ do sẹ osẹe vbe iko, a deghẹ ọ ma ta ẹmwẹ nii zẹ vbene aro ẹre sẹ ọe, ra vbene a tama irẹn hẹ, ọ rri abe.

Matiu 26:72

Pita keghi vbe dọlegbe siẹn ọ wanniẹn wẹẹ, “I gha zẹdẹ rẹn ọnrẹn ne I vẹn ihẹn.”

Matiu 26:74

Ẹghẹ ni, Pita ghi na suẹn gha vẹn ihẹn, ọ wẹẹ, “I gha ta ohoghe, ne Osanobua mu mwẹ rhia, I ma zẹdẹ rẹn ọmwa nii!” Vbe ọwarọkpa nii, ọkpa keghi viẹ.

Diuteronomi 31:20

I gha viọ iran gha rrie otọe esiesi ne ọ maa emwiokọ na, zẹ vbene I tama avbe erha iran odede. Evba nii i. iran gha miẹn dọmwadẹ evbare ne iran ho, iran gha vbe gha rrọ vbe uwu ẹkovọnmwẹ, sokpan iran gha fi iyeke gbe, iran ghi ya gha gho ẹbọ ọvbehe. Iran gha he mwẹ ye otọ, iran ghi vbe rra ile mwẹ.

Diuteronomi 32:15

“Emwa e Nọyaẹnmwa keghi fe, sokpan iran keghi sọtẹ, iran kegha kpolo, evbare na gbe iran ẹko ua. Iran he Osanobua ne ọ yi iran ye otọ, iran keghi he ọmiọnmwafan iran nọkhua ye otọ.

Jọsua 24:27

ọ keghi tama emwa ni hia wẹẹ, “Wa ghe okuta na; ọ na ọ re ọ ra gha re osẹe ima. Ọ họn ẹmwẹ hia ne Nọyaẹnmwa tama ima. Rhunmwuda rẹn ọ re ọ ra sẹ osẹe gbe uwa, ne ọ ghẹ gie uwa ya sọtẹ ghe Osanobua uwa.”