Itan 30:8 - Edo Bible (E Baibol Ẹdo) Version 1996

⁸ Ghẹ gun mwẹ gha ta ohoghe, ghẹ gun mwẹ gha mwẹ ẹfe, ghẹ gunmwẹ khian ovbiogue. Rhunmwuda ọnii, ye evbare ne ọ gha vuọn mwẹ ẹko, koko mwẹ.

Itan 30:8 ပူးပေါင်းရင်းမြစ်များ

Gẹnẹsis 28:20

Ẹre Jekọb ghi na yan vbe odaro Nọyaẹnmwa Osanobua wẹẹ, “A deghẹ u yaba mwẹ, u na degue mwẹ vbe okhian ne I ye na, u na rhie evbare kevbe ukpọn mẹ,

II Ọba 25:30

Vbe ikpẹdẹ ne ọ ghi ya vbe agbọn hia, ẹdẹgbegbe, ọre a ghi ya gha rhie igho ne ọ gha sẹ e lo vbe ẹdẹ nẹdẹrriọ ne ẹẹn.

Job 23:12

Emwi ne Osanobua tae ọ re I ru vbe ẹghẹ hia; emwi ne ọ ho ọre I ru, ẹ i re ọghomwẹ.

Psalm 119:29

Ma mwẹ re ne I ghẹ bibi odẹ. Vbe uwu umamwẹ ruẹn ma mwẹ uhi ruẹ.

Psalm 119:37

Rhie mwẹ aro hin emwi oya rre, gha ru mwẹ ẹse vbene u yan rẹn.

Ẹksọdọs 16:15

Ugbẹn vbe ivbi Izrẹl ghi miẹn ọẹn, iran ma rẹn emwi ne ọ khin, iran na gha nọ egbe ọta wẹẹ, vbe ọna khin yi? E Mosis keghi tama iran wẹẹ, “Ebrẹd ne Nọyaẹnmwa viọ gie uwa re ọre ena khin.

Ẹksọdọs 16:18

Iran ghi do mwa rẹn, iran nii rhọ bun gbe ma ghi mwẹ ne ọ bun gbe, iran nii vbe rhọ ne ọ ma sẹ ma vbe gha mwẹ nọ ma sẹ. Ehia keghi rhọ zẹ vbene ọ khẹ ke dọmwadẹ ọghọe.

Ẹksọdọs 16:29

Yerre wẹ mẹ ne Nọyaẹnmwa ọre ọ rhie Ẹdẹ Ikẹtin ne uwa, ọnii ọre ọ zẹe ne I na viọ evbare ukhukhu eva ne uwa vbe ikpẹdẹ ne ogiehan. Dọmwadẹ ọghọe ghi gha rre ehe ne ọ ye vbe ẹdẹ ne ne ogihinrọn, ọmwa rhọkpa ghe kpa hin owa rre.”

Ẹksọdọs 16:35

Ukpo iyeva ọre ivbi Izrẹl rri emana la, iran te do sẹ otọe Kenan ne iran yinrin.

Itan 13:5

Ohoghe ne a ta i yẹ emwa ẹmwata, sokpan, ẹmwẹ ne unu emwa dan, ne ọ mu ekhue kevbe ne ọ fa ọmwa ran ọ re nọ.

Itan 21:6

Ẹfe ne u ya uyinmwẹ ogberhu miẹn, te ọ rherhe zagha, sokpan, ọ te zagha, ọ ghi ka siọ sẹ agbanmwẹ idin nẹ.

Itan 22:8

U gha gbọ inian a i ta ẹmwata, ọfuan ọ re ọ ra yuo ladian vbọ, ufomwẹ ọghe ne u na zẹ emwa kpokpo ghi rrie.

Itan 23:5

Igho ruẹ sẹtin wa ru gbee, vbene a miẹn wẹ te ọ zẹ ifuẹn, ọ na tin gha rrie zẹvbe oghohọn.

Itan 30:7

Osanobua, emwi eva ọ re I wẹ ne u gunmwẹ gha mwẹ I te wu.

Asan-Ibo 1:2

Ẹ i mwẹ esa, ẹ i mwẹ esa, erriọ ọre Asan-ibo khare. Agbọn na i mwẹ esa, ẹ i zẹdẹ mwẹ esa hiehiere.

Aizaia 5:18

Ọghe uwa fo nẹ! Wa ma sẹtin zobọ vbe orukhọ ne uwa ru.

Aizaia 59:4

Wa gha yo iko, a i bu ohiẹn ne uwa. Ohoghe ọ re uwa mu ẹtin yan ighẹ uwa gha ya rri ase vbe ẹzọ uwa. Wa gha sii uma emwi dan ne uwa ra ru ẹrrẹe re nẹ, wa ghi gele ru ẹe.

Jerimaia 37:21

Rhunmwudọnii, e Zedekaia ne ọba na ghi wẹ ne a khui mwẹ ye ẹwẹdọ ne ọ rre ọre ẹguae. Evba ọ re I ghi gha ye, iran keghi gha mu ududu ẹbrẹd ọkpọkpa ke ehẹn ne a na le gunmwẹ ẹdẹgbegbe, a te miẹn wẹ ebrẹd fo vbe ore ẹvbo na hia fẹẹrẹ.

Jerimaia 52:34

Inu ẹghẹ ne ọ ghi ya vbe agbọn, a keghi gha rhie igho ne ọ gha sẹ ọe lo ya dẹlẹ emwi ne ọ ho ne ẹẹn vbe ẹghẹ ne ọ kei yi.

Matiu 6:11

Rhie evbare ne ọ sẹe ne ima ẹre na.

Matiu 6:33

Emwi ne uwa gha ru ọrọre ne uwa ka mu aro ye ẹmwẹ Arriọba Osanobua kẹe kevbe emwi ni lelẹe khian nẹ, rẹn gha ye emwi ni ghi dekẹe hia sẹ uwa ọkẹn.

Iyẹn ne ọ Maan Ọghe Luk 11:3

Rhie evbare ne ọ sẹe ne ima ẹdẹgbegbe,

Iyẹn ne ọ Maan Ọghe Jọn 2:8

Iyeke ọnii, ọ tama iran wẹẹ, “Wa sa vbe amẹ nii mu gie ọwaemwi.” Iran keghi gele sa mu bu ẹre.

Iwinna 14:15

“Iho mwa, vbọzẹ ne uwa na ru emwi na yi? Emwa kẹkan vbe ne uwa ye ọre ima vbe khin. Iyẹn Ne ọ maa ọre ima rre do kpe orhu ẹre vbe edinran, ne a miẹn ehe na fi uwa ekhọe werriẹ hin emwi akuọkan na rre ghe Osanobua ne ọ rrọọ, ọmwa ne ọ yi ẹrinmwi kevbe agbọn kevbe okun kevbe emwi hia ni rre uwu iran.