Itan 30:4 - Edo Bible (E Baibol Ẹdo) Version 1996

⁴ De ọmwa ne ọ he ruẹ irẹnmwi ẹrinmwi guẹ? De ọmwa ne ọ he gue ẹhoho ye obọ ẹre ẹdẹ? Ra ne ọ ya ukpọn gbalọ amẹ? Ra ne ọ vin uwu ye ehe ne agbọn sẹe? Gha nọ adeghẹ wẹ rẹn ọnrẹn, gha ọ re ovbi ẹre?

Itan 30:4 ပူးပေါင်းရင်းမြစ်များ

Gẹnẹsis 32:29

E Jekọb keghi kha wẹẹ, “Lahọ ta eni ruẹn ma mwẹ.” Sokpan rẹn wanniẹn wẹẹ, “Vbọzẹ ne u na nọ eni mwẹ?” Ẹre ọ ghi na fiangbe Jekọb.

Job 11:7

“Wẹ gha sẹtin rẹn okhiẹ kevbe ukpẹ ọre ra ighẹ ẹtin kevbe ukpọlọmwẹ Osanobua?

Job 11:8

Iso i he re ehe ne Osanobua isẹtin gberra, sokpan ọ gberra ehe ne ẹtin ruẹn sẹe. Osanobua rẹn ehe ne iran ni wulo nẹ ye, sokpan wẹ ma rẹn ọnrẹn.

Job 26:8

Osanobua ọre ọ ye amẹ vuọn ikpakpa iso, ọ ma vbe giẹ ukhuamwẹ ihẹ ne ọ mu, ya ẹe vẹ ua.

Psalm 135:7

Ọ mu okpẹhoho okuku amẹ ke ehe ne agbọn sẹe gha dee, ọ ru ayan ne okpẹhoho, ọ kevbe kie okpẹhoho ke uwu aza ẹre ladian.

Psalm 2:7

Ọba khare wẹẹ, “Mẹ gha wewe ẹmwẹ ne Nọyaẹnmwa tama mwẹ. Rẹn khama mwẹ wẹẹ, ‘Wẹ ọrọre ovbi mwẹ, ẹrẹ ọ re imẹ khian erhaa.

Psalm 22:27

Agbọn ẹvbo hia gha ye Nọyaẹnmwa rre, iran gha ke igienenẹ agbọn, bu ẹre rre. Ivbi ẹvbo ughughan gha rho ẹre.

Psalm 24:2

Ọ bọ ẹe yan odin amẹ ne ọ rre uwu otọ. Ọ kevbe gbe ẹyotọ ẹre yan orinmwi amẹ okun.

Psalm 68:18

Ọ hin odukhunmwu gha rriẹ ehe ne ọ yo ọ viọ avbe oghunmwu nibun mwẹ gha khian ọ keghi vbe miẹn emwi ihaoko, vbe obọ avbe emwa ni sọtẹ. E Nọyaẹnmwa Osanobua gha di evba nii ya.

Ẹksọdọs 15:10

Sokpan, ẹhoho uhiọnrọnmwẹ okpa ke ehe ne u ye rre, okun keghi gue ivbi Igipt muotọ. Iran na dinmwi zẹ vbe oze, gha rrie ototọ amẹ ne ọ gbe orrirri nii.

Ẹksọdọs 6:3

I rhie egbe ma Ebraham, Aizik kevbe Jekọb zẹ vbe Osanobua Ne Oghodua. Sokpan, I ma ya eni mwẹ ne ọ huanrẹn ighẹ Nọyaẹnmwa rhie egbe ma iran.

Aizaia 45:18

E Nọyaẹnmwa ọ re ọ yii iso, rẹn ọrọre ọmwa ne ọ re Osanobua! Rẹn ọ re ọ dọnmwẹ agbọn, ọ na yii ẹe ọ ru ẹe gbain kevbe ne ọ vbe tọ, ọ ma yi ẹre ne ọ dihoi rua ne ọ rhiaẹe. Sokpan ehe ne emwa gha yin. Rẹn ọrọre ọmwa ne ọ khare wẹẹ, “Mẹ ọrọre Nọyaẹnmwa, osa ọvbehe i ghi vbe rrọọ.

Aizaia 53:8

A mu ẹẹn, a bu ohiẹn uwu gbe ẹe, a na rhie ẹre kpao ne ọ ya wu a ma vbe miẹn ọmwa ne ọ zẹẹ ye emwi ne ọ rruan rẹn. A gbe ẹe rua ba ẹmwẹ orukhọ emwa ima.

Aizaia 7:14

Vbene ọ ghi ye na nian, e Nọyaẹnmwa gha tobọ ẹre rhie iyama nuẹn: okhuo ọvbokhan ọkpa ne ọ ma rẹn okpia gha hanmwa, ọ gha biẹ ọmọ okpia ọkpa, ọ ghi he ẹre ‘Imanuẹl.’

Aizaia 9:6

A biẹ ọmọ ọkpa ne ima! A rhie ọmọ okpia ọkpa ne ima! Rẹn ọ ra gha re ogie mwa. Eni ne a ra gha tie ẹre ọrọre, “Ọbude Ọyunnuan.” “Osa ne Oghodua,” “Erha Etẹbitẹ,” “Okoro Ọfumwegbe.”

Jerimaia 23:6

Ẹghẹ ne ọ gha ya vbe ọba, ivbi e Juda gha rrọọ vbe a i mwẹ ẹbe, ivbi Izrẹl ghi vbe gha rrọọ vbe ọfumwegbe, a gha vbe gha tie ẹre, ‘E Nọyaẹnmwa ne Imiẹnfan Mwa.’

Matiu 11:27

“Erhamwẹ viọ emwi hia mẹ nẹ. Gberra Evbavba, ọmwa ọvbehe ne ọ rẹn ọmọ ẹ i rrọọ, gberra ọmọ, ọmwa ọvbehe ne ọ vbe rẹn Evbavba, ẹ i rrọọ, vbe ẹ i re iran ne ọmọ ho ne ọ rhie ẹre maa.

Iyẹn ne ọ Maan Ọghe Luk 10:22

“Erha mwẹ viọ emwi hia mẹ nẹ. Ọmwa ne ọ rẹn ọmwa ne ọmọ khin i rrọọ, sokpan Evbavba, ọmwa ne ọ vbe rẹn ọmwa ne Evbavba khin ẹ i rrọọ, sokpan Ọmọ kevbe iran ne Ọmọ ho ne ọ rhie ẹre maa.”

Iyẹn ne ọ Maan Ọghe Jọn 3:13

Ọmwa ne ọ he hin odukhunmwu gha rrie ẹrinmwi ẹ i rrọọ gberra Ovbi Ọmwa ne ọ ke ẹrinmwi tuorre gha dee.”

Ebe ne Pọl gbẹẹn gie emwa Rom 10:6

Sokpan vbe ọghe wẹ ne a rhunmwuda iyayi dọlọ ọmwa kugbe ba Osanobua, ọ wẹẹ, “Ghẹ gbe agbanmwẹ wẹẹ, ‘De ọmwa ne ọ khian yo odukhunmwu vbe ẹrinmwi yi?’ ” (Ọnii nọ wẹ ne ọ ya tie Kristi rre.)

Diuteronomi 28:58

“Wa ya ẹkoata gha lele emwi ne Osanobua ma uwa ẹre ne a gbẹnnẹ ye uwu ebe na, ne uwa vbe gha ya ọghọ ne eni ọyunnuan kevbe ne ọ mu ohan ọghe Nọyaẹnmwa Osanobua rua.

Diuteronomi 30:12

Ẹ i re odukhunmwu vbe iso ọ re ọ ye amawẹ wa ghi kha wẹẹ, ‘Gha ọ ghi ra yo iso ne ima ne ọ ya mu ẹẹn tuorre ne ima họn ẹẹn kevbe ne ima vbe gha ya ẹe ru emwi?’

Arhie Maan 19:12

Aro ẹre keghi ye vbe ọgẹn erhẹn, ọ keghi viọ erhu ẹde ni bun rhuẹ ye uhunmwu ẹnrẹn. A keghi gbẹn eni ẹnrẹn yan rẹn, ọmwa ọvbehe ne ọ rẹn emwi ne a ya ẹe kha ẹ i rrọọ gberra irẹn tobọ ẹre.

Giọgis 13:18

Odibo nii nọ rẹn wẹẹ, “Vbọzẹ ne u na ho ne u rẹn eni mwẹ yi? Ẹhi ọyunnuan nọ.”