Itan 30:3 - Edo Bible (E Baibol Ẹdo) Version 1996

³ I ma he ruẹ emwi ẹwaẹn ẹdẹ, I ma vbe rẹn emwirhọkpa hiehie vbekpa Osanobua.

Itan 30:3 ပူးပေါင်းရင်းမြစ်များ

Itan 30:4

De ọmwa ne ọ he ruẹ irẹnmwi ẹrinmwi guẹ? De ọmwa ne ọ he gue ẹhoho ye obọ ẹre ẹdẹ? Ra ne ọ ya ukpọn gbalọ amẹ? Ra ne ọ vin uwu ye ehe ne agbọn sẹe? Gha nọ adeghẹ wẹ rẹn ọnrẹn, gha ọ re ovbi ẹre?

Itan 9:10

A deghẹ u ho ne u gha wan, u ghi ka gha ya ọghọ ne Nọyaẹnmwa nẹ. A dẹghe wẹ rẹn Ọmwa Nọhuanrẹn nii, wẹ mwẹ irẹnmwi.

Aizaia 30:11

Biegbe vbe odẹ ne u ghẹ degue ima odẹ. Ma i ho ne ima ghi họn vbekpa ọghe Osanobua nọhuanrẹn Izrẹl ruẹ na.”

Aizaia 57:15

“Mẹ ọrọre Osanobua ne ọ yo kevbe ne ọ kpọlọ ne ọ rrọ ẹdẹdẹmwẹdẹ. Ehe ne ọ yo kevbe ne ọ huanrẹn ọ re imẹ dia, sokpan mẹ vbe di ọghe iran ni mu egbe rriotọ, kevbe ni roiro fi uyinmwẹ werriẹ ya, ne imẹ miẹn ehe na rhie idaehọ kevbe imuẹntiyan ọghe iran werriegbe ye ihe.

Aizaia 6:10

Rẹn keghi vbe tama mwẹ wẹẹ, “Gie ekhọe iran ne emwa na gbin, gie ehọ iran yin, ne aro iran vbe rhu. Ne iran ghẹ bẹghe ra ne iran họn, ra ne iran rẹn emwi ne a yae kha. Ọ gha gie iran ru, iran sẹtin fiwerriẹ bu mwẹ gha dee, mẹ ghi mu iran egbe rran.”

Aizaia 6:3

Iran keghi gha go tama egbe wẹẹ: “Huanrẹn, huanrẹn, huanrẹn! Ne ọ huanrẹn ọ re Nọyaẹnmwa ne Oghodua khin! Uyi ẹre vuọn agbọn hia.”

Matiu 11:27

“Erhamwẹ viọ emwi hia mẹ nẹ. Gberra Evbavba, ọmwa ọvbehe ne ọ rẹn ọmọ ẹ i rrọọ, gberra ọmọ, ọmwa ọvbehe ne ọ vbe rẹn Evbavba, ẹ i rrọọ, vbe ẹ i re iran ne ọmọ ho ne ọ rhie ẹre maa.

Matiu 16:17

Jesu wanniẹn wẹẹ, “Saimọn ne ovbi Jona, ọ ma nuẹn ẹsẹse rhunmwuda ẹ i re ọmwa kẹkan ọre ọ rhie ẹmwata na ma ruẹn, obọ Erha mwẹ ne ọ rre ẹrinmwi taara ọre ọ ke bu ruẹ gha dee.

Iyẹn ne ọ Maan Ọghe Jọn 17:3

Ọna ọrọre nene arrọọ ne ẹ i fo wẹ ne emwa ne agbọn rẹn ruẹn zẹ vbe Osanobua ọkpa ne ọ re ọghe ẹmwata kevbe ne iran rẹn Jesu Kristi, ọmwa ne uwẹ gie.

Ebe ne Pọl gbẹẹn gie emwa Rom 11:33

U miẹn vbe ẹfe Osanobua bun hẹẹ! U miẹn vbene ẹwaẹn kevbe irẹnmwi ọnrẹn dinmwi hẹẹ! De ọmwa nọ gha sẹtin rhan otọ vbene ọ ta ẹmwẹ yi hẹẹ? Gha ọ rẹn vbene ọ ru emwi hẹẹ.

Arhie Maan 3:7

“Gbẹn ebe gie odibosa esọsi ne ọ rre Filadẹlfia wẹ: “Uhunmwu ne ọ gie rre ọ na khin ighẹ ọmwa ne ọ re ọmwata kevbe ne ọ huanrẹn, ọmwa ne ọ rhie isahẹn Devid mwẹ, ọmwa ne ọ gha kie nẹ, a i miẹn ne ọ khui, ọ gha khui, a i miẹn ne ọ kie.

Arhie Maan 4:8

Ọkpọkpa vbe uwu avbe emwi ne a yi ni ma he wu ni, keghi mwẹ ifuẹn ehan, aro keghi vuọn iran egbe hia ke aro kevbe iyeke, iran i vbe da obọ ihuan ne iran so yi avan kevbe asọn wẹẹ: “Ne ọ huanrẹn, ne ọ huanrẹn, ne ọ huanrẹn, ọre Osanobua ne Oghodua khin. Ọmwa ne ọ ka rrọọ de, ne ọ rrọọ banbanna, kevbe ne ọ khian gha rrọọ vbe ẹghẹ ne ọ dee.”