Itan 30:12 - Edo Bible (E Baibol Ẹdo) Version 1996

¹² Emwa eso rrọ ni ro wẹ te iran wa huan, vberriọ te iran wa gbe iruẹn sẹlẹkẹ.

Itan 30:12 ပူးပေါင်းရင်းမြစ်များ

Job 33:9

‘I ma rri abe. I ma rukhọ, I ma rẹn ọkpa I ma rẹn eva, orukhọ i gue mwẹ.

Psalm 36:2

Rhunmwuda ukpo ne ọ yo ne ọ ro egbe ẹre yi, rẹn ro wẹ, Osanobua i ra miẹn otọ orukhọ ẹre, ne ọ bu abe gbẹe.

Psalm 51:2

Khuẹ emwi dan mwẹ hia kua ne u vbe khuẹ mwẹ huan hin orukhọ mwẹ rre.

Psalm 51:7

Khiẹn orukhọ mwẹ hin rre mẹ gha huan, khuẹ mwẹ mẹ gha fua sẹẹ isonorhọ.

Itan 16:2

U sẹtin gha ro wẹ emwi ne u ru hia wa gba, sokpan, e Nọyaẹnmwa ghi ghe emwi ne ọ ya uwẹ ru ẹe.

Itan 21:2

U sẹtin gha ro wẹ emwi ne u ru hia ọ re ọ wa gba, sokpan ye rre wẹ iro ne u zẹ u ke ya ru emwi ọ re Nọyaẹnmwa ghe.

Aizaia 1:16

Wa khuẹ, ne egbe uwa huan. Wa dobọ emwi dan ne imẹ miẹn ighe uwa ru na yi. Ẹn, wa dobọ emwi dan ne a ru yi,

Aizaia 65:5

Vbe iyeke ọnii, iran ghi gha tama emwa ọvbehe wẹẹ, wa gban egbe ne ima, ma huan gberra ne ọ kere ne uwa gha ya obọ kan! I i ho ne I gha bẹghe emwa vbenian, ohu iran ne ọ mu mwẹ yevbe erhẹn ne ẹ i dọyọ.

Jerimaia 2:35

Te uwa ye kha wẹẹ, ‘I ma rẹn okpa I ma rẹn eva, e Nọyaẹnmwa i ghi mu ohu mwẹ ọvbehe.’ Sokpan, mẹ ne Nọyaẹnmwa gha rri uwa oya, rhunmwuda ne uwa na siẹn ne uwa na tae na ighe wa ma rukhọ.

Jerimaia 4:14

E Jerusalẹm, kpe ọkhọ hin uwu ekhọe ruẹ rre, ne u miẹn ehe na miẹn uhunmwu. Vbe u a gha zẹ iro dan kpee sẹhẹ vbe ekhọe ruẹ?

Ezikiẹl 36:25

I gha miẹn amẹ afọ yan uwa, awua ẹbọ ghi lahin uwa egbe rre, deba avbe emwi ọvbehe hia ne ọ te mu awua ye uwa egbe.

Hozia 12:9

Sokpan, mẹ ne Nọyaẹnmwa ne Osanobua uwa, ne ọ viọ uwa ke Igipt ladian gha dee, I gha dọlegbe ru ẹe ne uwa dọlegbe ya gha di okhogbo ya. Zẹ vbene uwa gha ru ẹe vbe ẹghẹ ne I na bu uwa rre vbe uwu ato.

Zẹkaraia 13:1

E Nọyaẹnmwa ne Oghodua khare wẹẹ, “Ọ gha sẹ ẹghẹ ne a kha na, a gha kie uhunmwu ẹzẹ ọkpa a, nẹ ọ khue ivbi uniẹn e Devid kevbe ivbi e Jerusalẹm huan hin orukhọ iran kevbe ẹbọ ne a gho rre.

Iyẹn ne ọ Maan Ọghe Luk 16:15

Jesu keghi khama iran wẹẹ, “Wa na ọre ọ rhie egbe ma emwa ne agbọn zẹ vbe emwata, sokpan Osanobua rẹn ekhọe uwa. Rhunmwuda, emwi ne emwa ne agbọn ghe gẹdẹgbẹ, ọ ma sẹ emwi rhọkpa vbe odaro Osanobua.

Iyẹn ne ọ Maan Ọghe Luk 18:11

E Farisi ne ọ rrọọ keghi mudia, ọ keghi na erhunmwu vbe nian: ‘Osanobua, I kpọnmwẹ ọn ighẹ mẹ i zuan, I i ru ero, I ma sakaan vbe ne emwa ọvbehe ye, I kpọnmwẹ ọn ighẹ I i ye vbe ne ọ koko igho uhunmwu nii.

I Kọrinti 6:11

Erriọ eso vbe uwu uwa te ye, sokpan, akhuẹ uwa hin oru khọ rre nẹ, a ya uwa fi ohan ne Osanobua nẹ, a dọlọ uwa kugbe ba Osanobua vbe ekpa eni Jesu Kristi Nọyaẹnmwa kevbe vbe ekpa Orhiọn Osanobua mwa.

II Timoti 3:5

Iran de obọ mu avbe emwi ne a ru ne agbọn miẹn, ni rre iyayi mwa, iran ghi he ẹtin ne ọ rrọọ. Wa bi egbe ne avbe emwa na.

Taitọs 3:5

Ọ keghi miẹn ima fan. Ẹ i re rhunmwuda iwinna esi ne ima tobọ mwa winna, sokpan, rhunmwuda itohan rẹn ọre ọ na miẹn ima fan, vbe ekpa akhuẹ ne Orhiọn Ne Ọ Huanrẹn ya dọlọ mwa biẹ, ọ na vbe rhie arrọọ ọghe ọgbọn ne ima.

Arhie Maan 1:5

Kevbe ke ehe ne Jesu Kristi ne ọre osẹe ẹmwata ye ghe dee, ọmọdiọn ne a biẹe kevbe ne a vbe huẹn kpao vbe idin, ọmwa ne ọre ne ọ khaemwisẹ yan avbe ọba ni rre otọ agbọn hia. Rẹn ho ẹmwẹ mwa, ọ keghi ya ekpa uwu ne ọ wu fannọ ima kua hin obọ orukhọ mwa rre.

Giọgis 17:13

E Maika keghi kha wẹẹ, “Banbanna nian, I rẹnrẹn wẹ e Nọyaẹnmwa gha gie agbọn ma mwẹ vbene I ghi na mwẹ ohẹn ne ọ re e Livai na.”

Giọgis 17:5

Okpia na ighẹ e Maika mwẹ ehe ne a na ga ọghe obọ ẹre ọ keghi mannọ avbe amazẹ, ọ kevbe mwẹ adaghọ, ọ na rhi ovbi ẹre ọkpa yọ ne ọ gha re ohẹn ọnrẹn.