Itan 3:9 - Edo Bible (E Baibol Ẹdo) Version 1996

⁹ Ya ọghọ ne Nọyaẹnmwa vbekpa ne u gha na ya avbe emwi ne ọ maa sẹ vbe ugbo ruẹ zẹ ọhẹ gie ẹe.

Itan 3:9 ပူးပေါင်းရင်းမြစ်များ

Gẹnẹsis 28:22

Okuta ne I yi ẹre ama na ọre ọ khian gha re ehe ne a na gaa. I ghi vbe wa emwi ne u viọ mẹ hia ye ihigbe mu obọkpa nuẹn vbọ.”

II Krọnikol 31:10

Ẹre Azaraia ne Ogie Ohẹn, ne ovbi uniẹn e Zadọk na tama rẹn wẹẹ, “Ke ne emwa nii ghi ya suẹn gha viọ emwi ihaoko iran rrie Ọgua Osa gha dee, te ima ghi miẹn re zẹ kọ ẹsẹsẹmwẹse, ma mwẹ ena hia rhunmwuda, e Nọyaẹnmwa fiangbe emwa rẹn.”

II Krọnikol 31:21

Emwi kegha dinnodẹ ne ẹẹn rhunmwuda emwi hia ne ọ ru ne Ọgua Osa ne zẹ vbene uhi khare, orhiọn ẹmwata kevbe ekhọe ne ọ mudia ẹse vbe odaro Osanobua ẹre ọ ya gha ru ẹe.

Psalm 144:13

Te a gha ye emwiokọ ughughan vuọn erru mwa, ne avbe ohuan ne ima rri gha biẹlẹ arriaisẹn vbe ihe igbe.

Ẹksọdọs 22:29

Ghẹ mwẹ u ma gha viọ imuohan gun mwẹ vbe ọka ruẹ, ayọn ruẹn kevbe ofigbọn oliv ruẹ vbe ẹghẹ a sẹ ẹe. Wa ghi gha ya ivbi uwa ne ikpia ne ọdiọn fiohan mẹ.

Ẹksọdọs 23:16

Wa ghi vbe gha ru emwi ukpo Akọrhọre Ọka vbe uwa gha rhọ emwi okaro ne uwa kọ ye ugbo rua. Wa ghi ru emwiukpo Emwiorhọ Okaro vbe ufomwẹ ukpo vbe uwa a ghi rhọ emwiorhọ ke ugbo kevbe agọ rre.

Ẹksọdọs 23:19

Wa ghi viọ avbe ne ọ maa sẹ vbe emwiokọ ne okaro ne uwa ka gha rhọ vbe ugbo uwa gha die owa Nọyaẹnmwa Osanobua rua. Wa ghẹ ye ewẹn ohuan le ovbi ẹre.

Ẹksọdọs 34:26

“Wa ghi gha viọ eni maa sẹ vbe avbe emwiokọ ne uwa ka gha rhọ vbe ugbo rua rriowa Nọyaẹnmwa. “Wa ghẹ le ovbiohuan vbe uwu ewẹn iye ẹe.”

Itan 11:25

Gha zẹ emwi obọ, u gha mwẹ ẹfe, yi emwa ọvbehe obọ, a gha vbe yi uwẹ obọ.

Itan 14:31

U gha zẹ ivbiogue owẹ, Osa ne ọ yi iran ọ re u zan nii, sokpan emwi itohan ne a ru ne ivbiogue, iwinna ugamwẹ nọ.

Aizaia 43:23

Wa ma viọ ese ohuan ne a giẹn uan ọghe uwa gunmwẹ, wa ma ye ese uwa ye ọghọ mẹ. I ma nọ ese ne azọ, ya mu ẹsọn ne uwa gha miẹn ra ne I ya ẹmwẹ eturari ne I nọ, wọ uwa egbe.

Levitikọs 19:25

Sokpan vbe ukpo ne ogisẹn, wa sẹtin gha rri ọmọ erhan nii. Wa gha ru vbenian, erhan uwa ghi kakabọ gha mọ yọ. Mẹ ọre Nọyaẹnmwa Osanobua ruẹ.

Nọmbas 15:20

Iyeke vbe a ghẹ ghi rhọ emwi okọ nẹ ukpukpo, a ghi mu vbe ebrẹd ne a ka ya ẹe le ighẹ ọka ne a rhọ vbọ, ne a ya zẹ ọhẹ kpataki gie Nọyaẹnmwa. Vbene a ya ọka ne a ka gha wiẹn zẹ ọhẹ kpataki, erriọ ọre a ra vbe gha ya ọna zẹ ọhẹ.

Matiu 25:17

Erriọ zẹẹ, ne a mu enaira arriaisẹn eva na, keghi vbe miẹn enaira arriaisẹn eva vbe ere.

I Kọrinti 16:2

Vbe ikpedẹ ne okaro ọghe uzọla hia, dọmwadẹ ọghọe ghi fian igho rhie ye otọ zẹ vbene igho ne ọ khuaẹn vbe sẹ, ne a ya ẹe gbakhua hin, a i rẹn vbe I gha rre, ne a ghẹ ghi vbe gha gbẹn okhuo igho ne a koko.

Diuteronomi 14:29

Evbare na. ọghe avbe Livai nọ vbe ne a na miẹn wẹ iran imwẹ emwi obọ iran, kevbe avbe orhunmwuyẹn, emọ ne ẹ i mwẹ erha, kevbe avbe ẹgbẹ ni rre ẹvbo uwa. Iran ghi rre do gha viọ emwi ne iran imwẹ hia. Wa ghi ru ọna, e Nọyaẹnmwa Osanobua rua gha vbe fiangbe uwa vbe emwi ne uwa ru hia.