Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Itan 3:6 - Edo Bible (E Baibol Ẹdo) Version 1996

6 Gha ye Nọyaẹnmwa rre vbe emwi ne u ru hia, ọ gha vbe gha ma ruẹn odẹ ne ọ kere.

အခန်းကိုကြည့်ပါ။ ကော်ပီ




Itan 3:6
27 ပူးပေါင်းရင်းမြစ်များ  

Rẹn keghi tama Solomọn wẹẹ, “Ovbi mwẹ, I yan tama ruẹn nian ne u rhan obọ miẹn Osanobua erha a, ne u gha ya ekhọe ẹmwata ga ẹe kevbe orhiọn ne ọ ho. Ọ rẹn iziro ekhọe mwa kevbe emwi ne ima gualọ. A dẹghe u bu ẹre gha khian, ọ gha miẹn ruẹn yi, sokpan a dẹghe u fi iyeke gbẹe, ọ gha suẹ rae rhinrin ẹdẹ.


Ẹzra keghi kha wẹẹ, “Wa rho e Nọyaẹnmwa ne Osanobua avbe erha mwẹ odede. Ọ ru ẹe ne ọgbaisi ya ọghọ ne Ọgua Osa e Nọyaẹnmwa ne ọ rre Jerusalẹm vbenian.


Rhunmwuda ọnii họn erhunmwu mwẹ kevbe ọghe eguọmwadia ruẹ nekpa ni yọghọ ne uẹn. Rhie ọdunna mẹ ẹrẹna, nẹ u gie ọgbaisi tohan mwẹ.” Vbe ẹghẹ nii, mẹ ọrọre ne ọ sa ayọn ne ọgbaisi.


Ọgbaisi keghi nọ wẹẹ, “De emwi ne u ghi ho nian?” I keghi na erhunmwu ghe Osanobua Ẹrinmwi, iyeke ọnii,


Osanobua keghi rhie yọ mwẹ ekhọe wẹ ne I si avbe emwa nii koko, kevbe avbe ọkaolotu kevbe iran ni rre ukpo vbe uwu iran, ne I vbe ghe ebe uniẹn iran. I keghi gualọ ebe iran ni ka gha ke iwe rre miẹn, emwi ne I miẹn vbọ ọ re ọna khin:


E Nọyaẹnmwa khare wẹẹ, “I gha ma ruẹn odẹ ne u gha la. I gha ma ruẹn emwi, I ghi vbe bu ruẹ ude.


Uyinmwẹ esi sẹtin ye agbọn rọkhọ ne ọmwa esi rre, sokpan, ọmwa dan ọ re ọ ye obọ si emwi ne ọ gbẹe.


Rinmwian e Nọyaẹnmwa ne ọ yobọ ye emwamwa ruẹn, u gha ra ru ẹe, te ọ wa dunna nuẹn.


Wẹ sẹtin ru emwamwa ọwuẹ. Sokpan Osanobua ọ re ọ ta vbene u gha ru emwi hẹ.


Ghẹ gie ekhọe ruẹ la ghe ẹmwẹ emwa orukhọ, gie ayọghọ ne Nọyaẹnmwa gha re emwi ne u mu aro yi vbe agbọn.


E Nọyaẹnmwa, wẹ ọ re ọ gie odẹ rrie ne emwa esi, odẹ ne iran la khian ye kpẹghẹ.


Wa gha bibi odẹ la obọ erha ọmwa ra obọ iye ọmwa, wa gha họn vbe urhu ẹre a gha tama uwa vbe odieke wẹẹ, “Wa ghe odẹ, wa lelẹe.”


Mẹ ọ re ọ tobọmwẹ kpikpi e Sairọs ne ọ ru emwi ne ọ ru vbene I mwamwaẹn, ne ọ dọlọ emwi hia yi, I gha dia odẹ ne ọ ra la hia, ọ gha dọlọ Jerusalẹm ne okpẹvbo mwẹ bọ ọ ghi fannọ emwa mwẹ ne a viọ ẹre oghunmwu kua. Ọmwa ne ọ vbu ẹe ya winna iwinna na i rrọ, ra ne ọ rhie igho odieke ne ẹẹn. E Nọyaẹnmwa ne Oghodua guan nẹ.”


Osanobua Nọhuanrẹn ọghe Izrẹl, e Nọyaẹnmwa ne ọ miẹn uwa fan khare wẹẹ, “Mẹ ọrọre Nọyaẹnmwa ne Osanobua uwa ọmwa ne ọ ho ne ọ ma uwa emwi ne umamwẹ uwa, ne ọ vbe gha su uwa lele odẹ ne uwa gha la.


Nọyaẹnmwa, mẹ rẹnrẹn wẹ, orhunmwu ọkpa ne ọ mwẹ asẹ yan vbene ọ hi hẹ i rrọọ; orhunmwu ọkpa ne ọ khaemwisẹ yan ẹdagbọn rẹn i rrọọ.


Na erhunmwu ne Nọyaẹnmwa Osanobua mwa ma ima odẹ ne ima gha la kevbe emwi ne ima gha ru.”


Ugbẹnso, omwa ikpẹdẹ eso ọ re okuku nii ya vbe uhunmwu agọ nii, vbene ọ rhirhi gha ye hẹ vbene Nọyaẹnmwa khare iran gha ru deghẹ ne iran mudia vbe agọ nọ, ra ne iran si kpao.


Vbene ọ rhirhi gha ye hẹ, ne uwẹ a rhirhi ru vbọ, te u re nọ re ra te u re ne ọ da, gha ru ehia ne uyi Osanobua.


Ma mobọ kpọnmwẹ Osanobua, ne ọ na ru ẹe wẹ vbene ọ bọbọ ima egbe ne a gha ye uwa obọ, erriọ ọre ọ vbe bọbọ Taitọs egbe.


Ghẹ si osi ye emwi rhọkpa, sokpan gha ya erhunmwu ne a na, nọ emwi ne u ho hia vbe obọ Osanobua, u ghi gha ye ekhọe ọkpọnmwẹ ẹse nọ rẹn vbe ẹghẹ hia.


Emwi ne uwa a rhirhi ta ra emwi ne uwa a rhirhi gha ru, wa gha ru ẹe vbe eni Nọyaẹnmwa Jesu, vbe ne uwa na la ekpa ẹre rhie uyi ne Osanobua ne Evbavba.


Emwikemwi ne uwa rhirhi gha ru, wa ye ẹtin uwa hia gha ruẹe, vbene a miẹn wẹ Nọyaẹnmwa ọre uwa winna na ighẹ ẹ i re ọmwa kẹkan.


Sokpan deghẹ a miẹn ne ẹ i mwẹ ẹwaẹn vbe uwu uwa, wẹ ne ọ na erhunmwu ghe Osanobua, ne ọ gha rhie ẹre nẹẹn, rhunmwuda, ọwọrhọwọrhọ ọre Osanobua viọ emwi ne emwa hia.


E Devid keghi nọ e Nọyaẹnmwa wẹẹ, “Nẹ I khu emwa ni do khọn na ra? Obọ mwẹ gha vba iran ra?” Ọ keghi wanniẹn wẹẹ, “Khu iran, u gha mu iran, u ghi miẹn avbe oghunmwu ni hia fan.”


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ