Itan 3:25 - Edo Bible (E Baibol Ẹdo) Version 1996

²⁵ U i ra vbe hawa ye ẹmwẹ ọkhọ udomwurri, egbe ne ọ hẹ rhu emwa dan zẹ vbe okpẹhoho.

Itan 3:25 ပူးပေါင်းရင်းမြစ်များ

Psalm 112:7

Afianma iyẹn dan i fian ẹẹn, iyayi ẹre deziẹn e Nọyaẹnmwa rẹn mu ẹtin yan.

Psalm 73:19

A fuẹn iran an vbe udomwurri, ufomwẹ iran keghi khọrhiọn.

Psalm 91:5

Wẹ i ra mu ohan ẹbe ke ẹbe vbe asọn, ra odekun udomwurri vbe avan.

Itan 1:27

Ẹghẹ ne ọ gha na hihiẹ yan uwa zẹ vbe okpẹhoho, ọ ghi si ẹhoho dan ọghe ọlọghọmwa rre, wa ghi gha rre obalọ kevbe orriara.

Aizaia 54:14

Ẹmwata kevbe uhunmwu ẹmwẹ gha ya uwa wegbe. Wa gha fe vbe obọ ukpokpo kevbe ohan.

Maika 4:4

Edọmwadẹ ọghọe gha rrọọ vbe ọfumwegbe vbe ugbo azara kevbe oliv ẹre, ọmwarhọkpa i ghi vbe runran ẹẹn. E Nọyaẹnmwa ne Oghodua ru eyan na nẹ.

Zẹkaraia 9:8

I gha tobọ mwẹ gha gbe aro ghe ẹvbo mwẹ, I i ghi ra vbe gie ivbiyokuo gha la ẹe gberra. I i ghi ra kue ne emwa dan gha wọ emwa mwẹ uhunmwu ọvbehe. I miẹn vbene emwa mwẹ he rri oya sẹhẹ.”

Matiu 24:15

“Wa ghẹ ghi miẹn ighe Omurhia Ne ọ gbe orrirri ne Daniẹl ne akhasẹ ta ẹmwẹ ọnrẹn miẹn dia ye ehe ne ọ huanrẹn.” (Wẹ ne ọ tie ebe na, hia ne u rẹn evba yae kha.)

Matiu 24:6

Wa gha họn ẹmwẹ okuo ne ọ rre urria kevbe ogbigbi okuo ne ọ sikẹ uwa, sokpan ọnii ma rhie ma ighe ufomwẹ sẹ otọ nẹ.

Iyẹn ne ọ Maan Ọghe Mak 4:40

Ẹkpo ni ọre Jesu ghi na tama avbe erhuanegbe ẹre wẹẹ, “Vbọzẹ ne uwa na runran vberriọ yi? Wa i ye mwẹ iyayi?”

Iyẹn ne ọ Maan Ọghe Luk 21:9

Wa gha họn ẹmwẹ okuo kevbe isọtẹ, wa ghẹ fian afianma egbe emwi vberriọ gha ka sunu nẹ sokpan ọnii ma rhie maa ighẹ ufomwẹ bu otọ nẹ.”

Iyẹn ne ọ Maan Ọghe Jọn 14:1

“Wa ghẹ gie ekhọe uwa lighi. Wa ya Osanobua yi. Wa vbe ya mwẹ yi ba ẹre.

I Pita 3:14

Sokpan, gie a kha ighẹ te uwa gele rri oya ye ẹmwẹ emwi esi ne uwa ru, ọma kaan uwa! Wa ghẹ fian afianma ọmwa rhọkpa, wa ghẹ vbe si osi.