Itan 3:2 - Edo Bible (E Baibol Ẹdo) Version 1996

² Emwi ne I ma ruẹn re gha rhie utọmwẹ nuẹn, ọ ghi vbe ye agbọn ma ruẹn.

Itan 3:2 ပူးပေါင်းရင်းမြစ်များ

I Ọba 3:14

A deghẹ u ghi vbe ya ẹmwẹ mwẹ ru emwi, u na rhie uhi kevbe ilele mwẹ mwẹ, zẹ vbene Devid ne erha a ru, I ghi rhie utọmwẹ ba ruẹ re.”

Job 5:26

Zẹ vbe ọka ne ọ wo, ọ te sẹ ẹghẹ emwi orhọ, u gha tọ wirua a.

Psalm 119:165

Iran ni ho ẹmwẹ uhi ruẹ fe vbe ẹbe fẹẹrẹ, emwi ne ọ gha sẹtin mu iran gbotọ i rrọ.

Psalm 128:6

Te u gha tọ ne u miẹn avbe eyẹ ruẹ! Ọfumwegbe gu Izrẹl rrọọ.

Psalm 21:4

Ọ nọ arrọọ, u keghi rhie ne ẹẹn, arrọọ ne ọ tọ kevbe ne ọ kpẹe.

Psalm 91:16

I gha ya utọmwẹ san iran ẹse I gha miẹn iran fan.”

Itan 10:27

Gha ya ọghọ ne Nọyaẹnmwa, u gha tọ sayọ. Emwa dan i wu uwu ẹhi.

Itan 16:31

Utọmwẹ ọrọre ere ẹmwata, ede uyi ọ re edẹ khin.

Itan 4:10

Danmwehọ mwẹ ovbi mwẹ. Ẹmwẹ ne I tama ruẹn, gha kae ye uhunmwu emwi kpataki, u gha vbe tọ ẹsẹse.

Itan 4:4

erha mwẹ gha ma mwẹ emwi, ọ ghi kha wẹẹ, “Ye ẹmwẹ ne I tae rre ghẹ mianmian ẹẹn. Gha ru vbene I tama ruẹn, u gha diagbọnya.

Itan 9:11

Te ẹwaẹn fian ba ọmwa utọmwẹ. U gha wan, ere ne ọ rrọ, ọwuẹ nọ.

Aizaia 32:17

Rhunmwuda ighe emwa hia ọ re ọ ra gha ru emwi ne ọ gbae, ọfumwegbe kevbe ẹkun ne ọ sotọ ghi gha rrọọ ẹghẹ hia.

Ebe ne Pọl gbẹẹn gie emwa Rom 14:17

Rhunmwuda, Arriọba Osanobua i re ẹmwẹ ne a gha re kevbe ne a gha da, sokpan ọghe nene emwi ẹmwata kevbe ọfumwegbe kevbe ọyẹnmwẹ ne nene Orhiọn Ne Ọ Huanrẹn rhie ne ọmwa.

Ebe ne Pọl gbẹẹn gie emwa Rom 15:13

Te Osanobua obọ ọmwa ne idaehọ hia ke rre gha ya oghogho kevbe ọfumwegbe vuọn uwa, vbekpa iyayi ne uwa mwẹ vbe uwu irẹn, ne idaehọ uwa miẹn ehe na gha muan yọ vbekpa ẹtin Orhiọn Ne Ọ Huanrẹn.

Ebe ne Pọl gbẹẹn gie emwa Rom 5:1

Vbene a ghi na miẹn wẹ a la ekpa iyayi ya ima khian emwa ni gu Osanobua mudia ẹse, te ima ghi mwẹ ọfumwegbe vbe ehe ne Osanobua ye vbekpa Nọyaẹnmwa Jesu Kristi.

Diuteronomi 11:21

Ẹghẹ nii, wa kevbe avbe ivbi uwa ghi tọ vbe otọ ne Nọyaẹnmwa Osanobua uwa yan rẹn ne ọ mu ne avbe erha uwa odede, wa ghi gha rre evba, wa ghi vbe kpẹe vbọ sẹ vbene ọ gha kpẹe sẹ hẹ wẹ iso ye rre odukhunmwu otọe.

Diuteronomi 5:32

“Ivbi Izrẹl, wa gie a miẹn wẹ wa ru emwi ne Nọyaẹnmwa Osanobua ruẹ tama ruẹn. Ghẹ i rra uhi ẹre rhọkpa.

I Timoti 4:8

Egbe ne a ya sa ekhae, vbe maa, sokpan odẹ hia ọre isekhae ọghe orhiọn na maa, rhunmwuda, a rẹnrẹn ighẹ a gha la ẹe miẹn arrọọ, vbe ẹghẹ na kevbe ẹghẹ ne ọ dee.