Itan 3:12 - Edo Bible (E Baibol Ẹdo) Version 1996

¹² Emwa ne Nọyaẹnmwa ho ẹmwẹ ọnrẹn ọ re ọ dia ye odẹ, zẹ vbene erha dia ọmọ ne ọ ya hio ye odẹ.

Itan 3:12 ပူးပေါင်းရင်းမြစ်များ

Psalm 103:13

Zẹ vbene erha tohan ivbi ẹre, erriọ e Nọyaẹnmwa tohan iran ni ya ọghọ ne ẹẹn.

Psalm 94:12

Nọyaẹnmwa, afiangbe nọ ne ọmwa ne uwẹ ma ẹre emwi, ọmwa ne uwẹ ma ẹre uhi ruẹ!

Itan 13:24

Adeghẹ u i gbe ovbuẹ hin ọkhọ rre, ọnii rhie ma wẹ u i ho ẹmwẹ ọnrẹn. Adeghẹ u ho ẹmwẹ ọnrẹn, te u gha dia ẹre ye odẹ.

Itan 29:17

Ma ovbuẹ emwi, te u ra ya ẹe gha hio. Ẹ i vbe mwẹ ẹghẹ okpa ne ọ gha ya ye ekhue mu ẹẹn.

Diuteronomi 8:5

Wa ye rre wẹ te Nọyaẹnmwa gha dia rua, ọ na vbe gha rri uwa oya zẹ vbene erha gbele ivbi ẹre hin ọkhọ rre zẹẹ.

Hibru 12:6

Rhunmwuda ne Nọyaẹnmwa ho ẹmwẹ ọnrẹn, ọre ọ gbe hin ọkhọ rre. Ne ọ tie ẹre ovbi ẹre, ọre ọ gbe ẹre asan.”

Arhie Maan 3:19

Ọmwa ne I ho ẹmwẹ ọnrẹn ọre I gu gui, ọre I vbe gbe hin ọkhọ rre. Mu aro yọ khekherriọ, ne u fiwerriẹ hin orukhọ ruẹ rre.