Itan 3:10 - Edo Bible (E Baibol Ẹdo) Version 1996

¹⁰ U gha ru ẹe vberriọ, avbe erru ruẹ gha vuọn ne emwiokọ, ayọn gha vbe bun sẹrriọ wẹ, u i sẹtin ruẹn ọnrẹn ye emwi fo.

Itan 3:10 ပူးပေါင်းရင်းမြစ်များ

II Krọnikol 31:10

Ẹre Azaraia ne Ogie Ohẹn, ne ovbi uniẹn e Zadọk na tama rẹn wẹẹ, “Ke ne emwa nii ghi ya suẹn gha viọ emwi ihaoko iran rrie Ọgua Osa gha dee, te ima ghi miẹn re zẹ kọ ẹsẹsẹmwẹse, ma mwẹ ena hia rhunmwuda, e Nọyaẹnmwa fiangbe emwa rẹn.”

II Krọnikol 31:21

Emwi kegha dinnodẹ ne ẹẹn rhunmwuda emwi hia ne ọ ru ne Ọgua Osa ne zẹ vbene uhi khare, orhiọn ẹmwata kevbe ekhọe ne ọ mudia ẹse vbe odaro Osanobua ẹre ọ ya gha ru ẹe.

Psalm 144:13

Te a gha ye emwiokọ ughughan vuọn erru mwa, ne avbe ohuan ne ima rri gha biẹlẹ arriaisẹn vbe ihe igbe.

Itan 19:17

U gha rhie emwi ne ovbiogue, te ọ ye vbe ne a rhie emwi ne Nọyaẹnmwa mọmọ; e Nọyaẹnmwa gha ha ẹre werriegbe nuẹn.

Itan 22:9

Gha zẹ emwi obọ ne u vbe ghae ne avbe ivbiogue vbe evbare ruẹ. Te a ra fiangbe ue yọ.

Joẹl 2:24

Ọka gha vuọn ehe ne a na wiẹn ọka, uvun ni lẹga ehe ne a na min ayọn, ghi gha vuọn kpa kua, ne ayọn kevbe ofigbọn oliv.

Hagai 2:19

A gha rhe miẹn wẹ, ọka kevbe avbe emwiokọ ni khọe i ghi rrọ, avbe erhan azara erhan ohọ, e pomegranẹt, kevbe oliv, ne ọ he mọ i rrọ, sokpan ke ẹghẹ na kpao te I ra gha fiangbe uwa.”

Matiu 10:42

Wa vbe yerre wẹẹ, ọmwaikọmwa ne ọ sa ukpu amẹ nọfurre ne ne ọ kanmwa sẹ vbe uwu iran ni lele mwẹ na, rhunmwuda ighẹ ọmwa ne ọ lele mwẹ nọ, ẹ i mwẹ ọ ma rri ere ẹre.”

Diuteronomi 14:29

Evbare na. ọghe avbe Livai nọ vbe ne a na miẹn wẹ iran imwẹ emwi obọ iran, kevbe avbe orhunmwuyẹn, emọ ne ẹ i mwẹ erha, kevbe avbe ẹgbẹ ni rre ẹvbo uwa. Iran ghi rre do gha viọ emwi ne iran imwẹ hia. Wa ghi ru ọna, e Nọyaẹnmwa Osanobua rua gha vbe fiangbe uwa vbe emwi ne uwa ru hia.

Diuteronomi 28:8

“E Nọyaẹnmwa Osanobua rua gha fiangbe iwinna uwa, ọ ghi vbe ya ọka vuọn erru uwa hia. Ọ gha fiangbe uwa vbe otọ ne ọ ra mu ne uwa.