Itan 28:8 - Edo Bible (E Baibol Ẹdo) Version 1996

⁸ Adeghẹ igho isu kevbe igho ne u miẹn vbe obọ emwa ne emwi ba so ọ re u ya fe, ẹfe ruẹ gha gberra gha rrie obọ ọmwa ne ọ tohan ivbiogue.

Itan 28:8 ပူးပေါင်းရင်းမြစ်များ

II Samuẹl 12:6

Ọ ghi vbe ha ẹre werriegbe igba enẹ ighẹ emwi ne ọ rhiere rhunmwuda emwi dan ne ọ ru na.”

Psalm 72:13

Ọ tohan iran ni ma wegbe kevbe ivbiogue, ọ ghi vbe gie iran ni vbabọ miẹn uhunmwu.

Ẹksọdọs 22:25

“A deghẹ wa rhie igho ne emwa mwẹ mọmọ, ne iran ne ivbiogue vbe uwu uwa, wa ghẹ ru zẹ vbe ọmwa ne ọ rhie igho isu ne ọmwa, wa ghẹ wẹ ne ọ su ẹe rre.

Itan 13:22

Ọmwa esi gha miẹn emwi sẹrae ye avbe eyẹ ọre otọ, sokpan, emwa esi ọ re ọ ra ya emwa dan emwi ru.

Itan 14:21

U gha ho ne u gha mwẹ ẹko rhiẹnrhiẹnmwẹ, gha tohan ivbiogue; orukhọ nọ ne a gha zan ọmwaikọmwa.

Itan 14:31

U gha zẹ ivbiogue owẹ, Osa ne ọ yi iran ọ re u zan nii, sokpan emwi itohan ne a ru ne ivbiogue, iwinna ugamwẹ nọ.

Itan 19:7

Uhin ighe etẹn ovbiogue i vbe ka ẹe ye ọmwa, ghe emwi ne ọ si ẹe ne ẹ i na mwẹ ọse. Vbene ọ khọn rẹn wẹ ne ọ ziga sẹ hẹ, ẹ i miẹn.

Asan-Ibo 2:26

Osanobua ọ re ọ rhie ẹwaẹn, irẹnmwi kevbe ọyẹnmwẹ ne emwa ne ọ ru ne ọ yẹ ọre, sokpan, ọ ghi ya emwa orukhọ gha winna, iran ghi miẹn igho, iran ghi ya ẹe gbakhua hinrre, ne a miẹn ehe na viọ okhuan ne iran khuaẹn ne emwa ni ru ne ọ yẹ ọ re. Ena hia i maa, te ọ yevbe ne a khu ẹhoho khian.

Ezikiẹl 18:13

Ọ vbe rhie igho isu ne emwa mọmọ. Rẹn gha diagbọnya ra? Hiehiere, ẹ i diagbọnya. Ọ ru avbe emwi osọnnọ na hia nẹ, rhunmwuda ọnii, te ọ gha wu. Obọ irẹn ọ re a ra vbe lẹ ẹmwẹ uwu irẹn ginna.

Ezikiẹl 18:17

Ọ lẹ hin orukhọ ne a ru rre, ẹ i vbe rhie igho isu ne ọmwa mọmọ. Ọ rhi uhi mwẹ mwẹ, ọ keghi vbe ya iyi mwẹ ru emwi. Ẹ i ra wu ye orukhọ erha ẹe sokpan, te ọ gha rre agbọn.

Ezikiẹl 18:8

Ẹ i rhie igho isu ne ọmwa. Ọ he ne ọ ru orukhọ, ọ vbe ta uhunmwu ẹmwẹ vbe ẹmwẹ ne a wẹ ne a guan yi hia.

Levitikọs 25:36

Ghẹ fian igho isu nẹ, sokpan gha mu ohan Osanobua ne u vbe gie ovbi Izrẹl ne ihua gha yin diake uẹ.