Itan 28:5 - Edo Bible (E Baibol Ẹdo) Version 1996

⁵ Emwa dan ma rẹn emwi ne a ya ohiẹn ẹmwata kha, sokpan, iran ni ga e Nọyaẹnmwa, rẹn ọnrẹn ẹsẹse.

Itan 28:5 ပူးပေါင်းရင်းမြစ်များ

Psalm 119:100

I mwẹ ẹwaẹn sẹ avbe eniwanrẹn, rhunmwuda, te I mu iyi ruẹ hia sẹ.

Psalm 119:98

Iyi ruẹ rrọ mwẹ ekhọe vbe ẹghẹ hia, ọ keghi ya mwẹ wan sẹ avbe eghian mwẹ.

Psalm 25:14

Ọse iran ni họn ẹmwẹ ne ẹẹn, ọ re Nọyaẹnmwa khin. Ọ ghi gha so igie ye ile ne ọ gu iran ta.

Psalm 92:6

Emwi ne akpa i sẹtin rẹn ọ re ọna khin ọzuọ i sẹtin rẹn otọ ẹre,

Itan 15:24

Odẹ ne ọ hin odukhunmwu rrie arrọọ ọ re avbe umẹwaẹn la ighẹ ẹ i re odẹ ne ọ tuorre rrie uwu.

Itan 2:9

U gha rhie ehọ mẹ ta yi, u gha rẹn emwi ne ọ gbae, ne ọ kere kevbe ne ọ khẹke.

Itan 24:7

Ẹmwẹ ẹwaẹn dinmwi gbe ne ọzuọ gha sẹtin rẹn otọ ẹre. Ẹ i miẹn ẹmwẹ okpa ta vbe a gha guan yan emwi kpataki.

Aizaia 1:3

Avbe ẹmila rẹn emwa ni yan iran, avbe ekẹtẹkẹtẹ vbe rẹn ehe ne nọyan iran na rhie evbare ne iran. Sokpan, Izrẹl ne emwa mwẹ ma rẹn sẹ vberriọ. Iran ma zẹdẹ rẹn otọe ẹre hiehiere.”

Aizaia 44:18

Emwa vberriọ akpa ni i sẹtin rẹn emwi ne iran ru ọ re iran khin. Iran yin ehọ iran yin ẹwaẹn, iran ma ghi sẹtin rẹn emwi ne ọ re ẹmwata.

Aizaia 6:9

Ẹre ọ na tama mwẹ wẹ ne I ya ta uhunmwu na ma avbe emwa nii wẹẹ, “Vbene ọ rhirhi a khọn uwa ne uwa rhie aro yotọ sẹ, wa i ra rẹn emwi ne ọ sunu.”

Jerimaia 4:22

E Nọyaẹnmwa khare wẹẹ, “Akpa ọ re avbe emwa mwẹ khin, iran ma rẹn mwẹ. Iran ye vbe emọ ni kọẹn iran imwẹ irẹnmwi hiehiere. Iguẹsẹ iran khin vbe emwi dan ne a ru emwi esi ne a ru i dunna ne iran.”

Emọs 3:10

E Nọyaẹnmwa khare wẹẹ, “Emwi ne emwa na ya okuo igbe kevbe imu viọ, ọ re iran viọ vuọn owa iran ne mose mose. Iran ma kue rẹn vbene a ru emwi uhẹn hẹ.

Iyẹn ne ọ Maan Ọghe Jọn 7:17

Ọmwaikọmwa ne ọ ho ne irẹn ru vbene Osanobua ho gha rẹn deghẹ emwi ne I ma emwa ẹre obọ Osanobua ọre ọ ke rre ra ẹmwẹ obọ mwẹ ọre I zẹ ta.

Jems 1:5

Sokpan deghẹ a miẹn ne ẹ i mwẹ ẹwaẹn vbe uwu uwa, wẹ ne ọ na erhunmwu ghe Osanobua, ne ọ gha rhie ẹre nẹẹn, rhunmwuda, ọwọrhọwọrhọ ọre Osanobua viọ emwi ne emwa hia.

I Jọn 2:20

Sokpan, Kristi tue Orhiọn Ne Ọ Huanrẹn yan uwa nẹ, rhunmwuda ọnii, wa hia rẹn nene ẹmwata nẹ.

I Jọn 2:27

Sokpan zẹ vbe ọ ghe uwa, Kristi tue Orhiọn rẹn yan uwa nẹ. Ugbẹn vbe Orhiọn a ye gha rre uwu uwa, wa i ghi vbe gualọ ọmwa ọvbehe ne ọ gha ma uwa emwi. Rhunmwuda, Orhiọn ni ọre ọ ma uwa emwi vbe ekpa emwi hia, emwi ne ọ ma uwa ẹre, ẹmwata vbe nọ, ohoghe i rrọọ, wa gha rhie emwi ne ọ ma uwa ẹre khekherriọ, ne uwa vbe gha rre uwu Kristi.