Itan 28:1 - Edo Bible (E Baibol Ẹdo) Version 1996

¹ Ọmwa dan ghi gha lẹ, vbene ọmwa rhọkpa ma na khu ẹe, sokpan ọmwa esi ghi din zẹ vbe oduma.

Itan 28:1 ပူးပေါင်းရင်းမြစ်များ

I Ọba 1:49

Ẹre ohan na mu emwa ne Adonaija tie sẹ owa, iran keghi gua kpao, edọmwadẹ ọghọe na lele odẹ ọre gha rrie.

II Ọba 7:15

Ikpia nii keghi khian sẹ Jọdan, iran keghi miẹn avbe ukpọn kevbe emwi ne a lo ọvbehe hia ne ivbi e Siria hẹkua lele odẹ vbe iran lẹ khian. Ẹre iran na dọlegbe rre do na iyẹn ma ọba.

Nehimaia 6:11

Mẹ keghi wanniẹn wẹẹ, “Mẹ i re okpia ne ọ lẹ fua ya gha lẹre. Wẹ yayi wẹ mẹ gha ya lẹre ye uwu Ọgua Osa ne I ghẹ miẹn ehe na wu? I i ruẹe.”

Job 15:21

Utumwẹ afianma ọ re ọ ra gha tu vbe ehọ ẹre vbe ẹghẹ hia. Avbe izigan ghi hẹ rhu ẹe vbe ẹghẹ ne irẹn gha te ya gha ro ighẹ ẹbe fo.

Psalm 112:7

Afianma iyẹn dan i fian ẹẹn, iyayi ẹre deziẹn e Nọyaẹnmwa rẹn mu ẹtin yan.

Psalm 53:5

Sokpan, iran gha runran vbene iran ma he ka runran ẹdẹ. Rhunmwuda, Osanobua gha zagha ugboloko avbe eghian emwa rẹn. Osanobua he, iran nẹ, rhunmwuda ọnii, te Izrẹl ra wa khọn iran muotọ fẹẹrẹ.

Psalm 53:6

Erhunmwu mwẹ ọrọre wẹ, ne akhọnmiotọ la Zaiọn sẹ Izrẹl obọ, u miẹn vbe ivbi Izrẹl gha ghọghọ hẹ ẹghẹ nii, vbe Osanobua a gie agbọn dọlegbe ma iran!

Ẹksọdọs 11:8

E Mosis keghi kha wẹẹ, “Ẹghẹ nii avbe ekhaẹmwẹ ruẹn na ghi bu mwẹ gha dee, iran ghi ya uhunmwu rhanmwẹ otọ mẹ wẹẹ, ‘Gha khian ke uwẹ kevbe emwa ruẹn. Iyeke ọnii, I ghi kpao.’ ” Ẹre Mosis na guọnmwẹ egbe kpao sẹ ọba Igipt rae.

Itan 10:9

Emwa ni yin ẹse rrọ vbe ai mwẹ ẹbe ẹkun ne ọ sotọ, sokpan obọ gha vba emwa uyinmwẹ orhure.

Itan 27:27

Ni ghi dekẹe vbe ẹwe nii, u gha sẹtin miẹn ewẹn ọnrẹn ne ọ gha sẹ uẹ ya koko egbuẹ kevbe ẹgbẹe ruẹ, deba avbe eguọmwadia emọ ikhuo ni guẹ vbọ.

Aizaia 30:17

Arriaisẹn vbe uwu uwa gha lẹ vbe iran a bẹghe ovbiyokuo avbe eghian ọkpa. Ivbiyokuo isẹn sẹe ne ogha ya uwa hia lẹ kua. Ọkpa ne ọ gha kẹe vbe uwu avbe ivbiyokuo uwa i rrọ gberra ukperhan ọkpa ne a ya tan afiala vbe uhunmwu oke.

Aizaia 7:2

Ọba e Juda ghi họn wẹ okuo e Siria sẹẹ otọe e Juda nẹ, ohan mu irẹn kevbe emwa rẹn sẹrriọ wẹ iran ke gha mian gbẹghẹgbẹghẹ zẹ vbe avbe erhan ne ẹhoho hoho.

Jerimaia 20:4

E Nọyaẹnmwa tobọ ẹre khare wẹẹ, “Rẹn ra ya uwẹ khian ohan ne egbe ruẹ kevbe avbe ọse ruẹ hia, wẹ gha vbe miẹn iran vbe a ya umozo avbe eghian gbele iran hia. I ra do viọ ivbi e Juda hia yan ẹtin ọba e Babilọn obọ. Ọ gha viọ eso vbọ oghunmwu gha rrie ẹvbo irẹn, ọ ghi gbele ni dekẹe ua.

Levitikọs 26:17

I gha werriẹ aro da uwa, vbe ne a gha na miẹn wẹ a khọn miẹn uwa otọ, iran ni khuiwu uwa ghi gha khaemwisẹ yan uwa, wa gha runran sẹrriọ wẹ wa ghi gha lẹ vbene ọmwarhọkpa ma na khu uwa.

Levitikọs 26:36

“I gha runran uwa ni rre imu vbe ẹvbo ẹrrẹe sẹrriọ wẹ, owogho ebe ne ẹhoho mu khian ghi si ulẹ ye uwa egbe. Wa ghi rhulẹ zẹ vbene a miẹn wẹ odaro okuo ọre a na khu uwa khian, wa ghi vbe dele vbe eghian ma sikẹ uwa.

Iwinna 14:3

Avbe ukọ kpẹre ẹsẹse vbe evba, iran kegha ta ẹmwẹ Nọyaẹnmwa vbe ne a na fian afianma, Nọyaẹnmwa keghi vbe rhie maa wẹ ẹmwata ọre orhu ẹsọhẹ ọghe ẹe ne iran kpe khin vbe ekpa ne ọ na rhie ẹtin ne iran ya gha winna iwinna ama kevbe ọyunnuan.

Iwinna 4:13

Unu keghi mobọ yan emwa ni rre Iko nii vbe iran miẹn vbene Pita kevbe Jọn din hẹ, sẹe hia vbe iran ghi vbe do rẹn wẹ emwa kẹkan ni ma ruẹ ebe ọre iran khin. Ẹkpo nii ọre iran na do yerre wẹ Jesu ọre iran ka gha lele khian.

Diuteronomi 28:25

E Nọyaẹnmwa ghi gie eghian uwa gha khọn miẹn uwa otọ. Wa gha la odẹ ọkpa mu igbinna gie iran, sokpan wa ghi la odẹ ihinrọn lẹ hin ehe ne iran ye rre. Afianma ghi gha fian emwa ni rre agbọn hia vbe iran a miẹn emwi ne ọ sunu vbe egbe uwa.

Diuteronomi 28:7

“E Nọyaẹnmwa gha khọn eghian hia mu otọ ne uwa. Odẹ ọkpa iran ra la rre do gu uwa gbinna, sokpan odẹ ihi-nrọn iran ra lẹ la gha rrie.

I Tẹsalonaika 2:2

Wa rẹn vbene a ru ima emwi oya hẹ, ne a na vbe fa ima uan vbe Filipai, ma keghi kpao bu uwa gha die Tẹsalonaika. Ọ rhe ye rriọ, Osanobua keghi ye rhie orhiọn ye ima iwu, ne ima ya kpe orhu iyẹn nii ma uwa, a gha rhe miẹn wẹ, vbe adesẹ igbodan nọkhua nọ.