Itan 27:25 - Edo Bible (E Baibol Ẹdo) Version 1996

²⁵ U ghẹghi gia irunmwu ẹsin nẹ, u ghi gbẹn irunmwu ni rre ọkpẹn oke vbene avbe irunmwu ẹsin ni wa vbe ya wan dee.

Itan 27:25 ပူးပေါင်းရင်းမြစ်များ

Psalm 104:14

U gie avbe irunmwu zọ ne ẹmila, kevbe ivbi erhan ne ọmwa nagbọn gha lo ne ọ miẹn ehe na gbe ugbo emwiokọ ẹre.

Psalm 147:8

Ọ tan okuku amẹ gue iso, ọ gie amẹ rhọ ye otọ, ọ keghi gie avbe irunmwu zọ vbe avbe uhunmwu oke.

Itan 10:5

Umẹwaẹn ghi ya rhọ emwiokọ vbe ọ gha wo nẹ, sokpan, emwiekhue nọ ne ọmwa wa ye ẹghẹ emwiorhọ vbiẹ.

Itan 27:26

U sẹtin ye eto ohuan ruẹn do ukpọn, u ghi vbe ya igho ne u miẹn vbe ẹwe ruẹ ne u khiẹn dẹ otọ.

Aizaia 17:5

Izrẹl ghi do ye vbe ugbo ne a na fian ọka rhọ emwiokọ ni rrọ nẹ. Ọ ghi dihoi rua zẹ vbe ugbo ni rre iya e Refeim vbe a ghi wa gbẹn ọẹn mu otọ nẹ.

Jerimaia 40:10

Mẹ tobọmwẹ gha mudia vbe Mizpa ne I gha ta ne unu uwa vbe ivbi e Babilọn a rre. Sokpan, wa sẹtin gualọ ayọn gha viọ hin rre, kevbe emwiokọ kevbe ofigbọn oliv, ne uwa vbe yin avbe igue ne uwa ye.”

Jerimaia 40:12

Iran keghi rhunmwuda ọnii kpao vbe avbe ehe ne iran te ka zagha lele, iran na werriegbe gha die Juda. Iran keghi bu e Gedalaia gha die Mizpa, iran keghi si ayọn kevbe emwiokọ ọrhẹnrhẹn gbo vbe evba.