Itan 27:24 - Edo Bible (E Baibol Ẹdo) Version 1996

²⁴ Rhunmwuda ẹfe i re emwi etẹbitẹ. Uhunmwu ẹvbo tobọ ọre, ne ọ re etẹbitẹ i rrọ.

Itan 27:24 ပူးပေါင်းရင်းမြစ်များ

II Samuẹl 7:16

U gha mwẹ uniẹn ruẹn khian rhinrin. I ghi vbe gie arriọba ruẹ gha rrọọ rhinrin ẹdẹ. Akhaemwisẹ arriọba ruẹ ẹ i ra fo ẹdẹ.’ ”

Job 19:9

Ọ viọ ẹfe ne I mwẹ hia kpao. Ọ rhia uyi ne I te mwẹ hia a.

Psalm 89:36

Te a gha miẹn ivbi uniẹn ọnrẹn ẹdẹdẹmwẹdẹ. Mẹ gha vbe gha wan lẹga arriọba ẹre la ẹghẹ ne ovẹn gha vbe yunmwu la.

Psalm 89:39

U so ile ne u gu ọguọmwadia ruẹ ta gọ nẹ, u keghi fi ẹde ẹre fi otiku.

Itan 23:4

Gie ẹwaẹn gba nuẹn sẹrriọ ne u i ra na wiẹn egbe ruẹ ua ighẹ te u gualọ ẹfe.

Itan 23:5

Igho ruẹ sẹtin wa ru gbee, vbene a miẹn wẹ te ọ zẹ ifuẹn, ọ na tin gha rrie zẹvbe oghohọn.

Asan-Ibo 5:13

Vbe ghe emwiọkpa ne ọ mu ọmwa ohan ne I vbe miẹn vbe agbọn na: emwa ghi gha si igho koko hinrre khẹ ẹdẹ ne a gha ho sẹ ọre egbe.

Aizaia 9:7

Te ẹtin arriọba ẹre ra gha muan yọ, ọfumwegbe ọ re otọe arriọba ẹre ra gha ye vbe ẹghẹ hia te irẹn ra rriọba zẹvbe ọmwa ne ọ rriọba lele Devid ne Ọba ẹmwata kevbe uhunmwu ẹmwẹ ọ re irẹn ra ya gha mwẹ ẹtin; ke ẹghẹ na kpao ya sẹ ufomwẹ agbọn. E Nọyaẹnmwa ne Oghodua tae nẹ ighe erriọ rẹn ra ru ehia.

Jerimaia 13:18

E Nọyaẹnmwa keghi tama mwẹ wẹẹ, “Tama ọba ke ẹe kevbe iye ẹe wẹ ne iran tuorre vbe ẹkete gha die otọ rhunmwuda, ẹde iran ne mose mose dele hin iran uhunmwu rre nẹ.

Eve Orriara 5:16

Avbe emwi ne ima te ya ghan hia okpa ma ghi kẹe vbọ. Ma ru orukhọ nẹ, banbanna, ọghe ima fo.

Ezikiẹl 21:26

Mẹ ne Nọyaẹnmwa ne Udazi tae nẹ. Wa viọ ẹde uwa kevbe ukpọn ne uwa ya gbalọ uhunmwu egie hin rre. Emwi okpa ne ọ gha ye dunna vbene ọ ka ye dee yi, ẹ i ghi rrọọ. Wa tọn ivbiogue mu ye ukpo ọdakha. Wa ya iran ni te khaemwisẹ owẹ yotọ.

Zẹfanaia 1:18

Vbe ẹdẹ nii ne Nọyaẹnmwa gha rhie izohu ẹre maa, igoru kevbe esiliva iran hia ne ọ gha sẹtin miẹn iran fan, ẹ i rrọọ. Erhẹn ohu ẹre gha fuẹn agbọn na hia a. Ọ gha rhie ufomwẹ udomwurri ye ẹmwẹ emwa ni rre agbọn na hia.

Jems 1:10

Erriọ vbe nọ ne ọtẹn ne ọ fe, a deghẹ Nọyaẹnmwa ghi vbe si ẹe kẹ otọ. Rhunmwuda, ọmwa ẹfe gha fafaa zẹ vbene obobo ne ọ rre uwu oha.

I Samuẹl 13:14

Sokpan, banbanna nian, arriọba ruẹ i khian gha rrọọ khian. E Nọyaẹnmwa gha gualọ ọmwa ekhọe ẹre ne ọ ya ẹe ma ọba yan emwa rẹn, rhunmwuda, u ma họn ẹmwẹ ne Nọyaẹnmwa.”