Itan 27:20 - Edo Bible (E Baibol Ẹdo) Version 1996

²⁰ Emwi ne ekhọe ọmwa ne agbọn ho, te ọ yevbe ehe ne avbe orinmwi dia, a i miẹn ẹghẹ ne a ya kha ighe otọe i ghi gua.

Itan 27:20 ပူးပေါင်းရင်းမြစ်များ

Job 26:6

Odaro Osanobua ọ re agbọn iran ni wulo nẹ ye. Emwi ne ọ degue ẹre hin ehe ne ọ ye rre i rrọ.

Itan 15:11

Emwa ẹvbo iran ni wulo nẹ i sẹtin rhie emwi ni rre ehe ne iran ye lẹre ne Nọyaẹnmwa, vbe ọmwa nagbọn ra na sẹtin rhie iro ekhọe ẹre lẹre ne Nọyaẹnmwa, hẹ?

Itan 23:5

Igho ruẹ sẹtin wa ru gbee, vbene a miẹn wẹ te ọ zẹ ifuẹn, ọ na tin gha rrie zẹvbe oghohọn.

Itan 27:19

Aro ruẹ ọ re u bẹghe aghọnghọn rẹn vbe uwu amẹ, wẹ tobọ ruẹ ọ re u bẹghe vbe uwu ekhọe ruẹ.

Asan-Ibo 1:8

Te emwi hia wa ya egbe wọ ọmwa, egbe wọmwẹ ne ẹ i gia gie. Ẹko emwi ne a bẹghe i vuọn aro, ra ne ehọ kha ighe ne irẹn he họn sẹe.

Asan-Ibo 4:8

Wa ghe ọmwa na ne irẹn okpa vbe ẹhi ẹre rre owa. Ẹ i mwẹ ọmọ, ẹ i mwẹ etẹn, sokpan, ẹsọn ọ re ọ miẹn vbe ẹghẹ hia, ẹfe ne ọ mwẹ i ye vuọn ẹre aro. De ọmwa ne ọ ghi miẹn ẹsọn na na yi ne ẹ i na hẹwẹ gbe amẹ sa wọn? Ọna i zẹdẹ ma hiehie, agbọn usẹ ọ re nọ.

Asan-Ibo 6:7

Ọmwa ghi winna iwinna rẹn ne ọ sẹtin miẹn evbare unu re, sokpan ẹ i mwẹ ọnrẹn sẹ ọkẹn.

Aizaia 5:14

Ohanmwẹ iran wa gbe ẹvbo avbe iran ne orinmwi, ọ vbe rhan unu yotọ khẹ iran gbodoo. Ọ minọ emwa nekhua ni rre Jerusalẹm re deba avbe emwa kẹkan ni gbe izabọbọ bi lele iran khian.

Jerimaia 22:17

Sokpan, emwi ne ọ re ọghe ne egbe uẹ okpa ọ re u bẹghe; u gbe ọmwa ne ọ ma rukhọ, u kegha ye ọkhọ wọ emwa ruẹn uhunmwu. E Nọyaẹnmwa guaan nẹ.

Habakọk 2:5

Emwi ne ọ rẹrẹ ọmwa ọ re ẹfe khin. Emwa ne ẹho tọlọ, te iran tọn egbe mu, ekhọe iran i vbe sẹ otọ, zẹ vbene uwu tobọ ẹre ye, ne ẹko i na vuọn ẹẹn, erriọ, ẹko i vbe vuọn iran. Ọnii ọ si ẹe ne iran na khọn ẹvbo yan ẹvbo mu ne egbe iran.

Hagai 1:9

“Emwiorhọ ọrhẹnrhẹn ọ re uwa te rhie aro yi, sokpan, a keghi do miẹn wẹ ekherhe ọ re nọ. Wa ghi vbe viọ nene emwiorhọ sẹ owa nẹ, I keghi ya ẹhoho kpolo ẹe kua. Vbọzẹ ne I na ru ẹe vberriọ? Rhunmwuda, edọmwadẹ ọghe ọe gha khọn bọlọ owa iran, vbe Ọgua Osa mwẹ ye re itowa.

I Jọn 2:16

Emwi hia ni re ọghe agbọn na, emwi ne ọ yẹ egbe orukhọ na, emwi ne emwa ne agbọn bẹghe ne ọ vbe ya ghan, ọkpa ne ọ ke ehe ne Evbavba ye rre, ẹ i rrọọ, agbọn na ọre ehia ke rre.