Itan 27:18 - Edo Bible (E Baibol Ẹdo) Version 1996

¹⁸ Gbe aro ghe erhan ohọ, u gha miẹn ọmọ rẹn kọlọ re. Ọguọmwadia ne ọ ga arowa ẹre, te a gha rhie uyi ye ọ re egbe.

Itan 27:18 ပူးပေါင်းရင်းမြစ်များ

II Ọba 18:31

Wa ghẹ danmwehọ e Hẹzekaia, Ọgbaisi ọghe Asiria wẹ ne uwa ladian ke ore ẹvbo uwa gha dee ne uwa viọ egbe uwa ye irẹn obọ, a gha gie uwa rhọ emwiokọ uwa, ne uwa gha re ne uwa gha da, ne uwa vbe gha samẹ wọn vbe uhae uwa,

II Ọba 3:11

E Jehosiafat ne ọba keghi nọ wẹẹ, “A gha miẹn akhasẹ ne a gha la obọ ẹre gualọ otọ ẹre vbe obọ e Nọyaẹnmwa vbe emwa na ra?” Ọkaokuo ọkpa vbe ẹghẹ ọghe Joram ne ọba keghi kha wẹẹ, “Elaisia ne ovbi e Siafat rre emwa, ewasẹ Elaija rẹn te gha khin.”

II Ọba 5:25

Ọ ghi la uwu owa, Elaisia keghi nọ rẹn wẹẹ, “Vbe u a yo?” Ọ wanniẹn wẹẹ, “Ti! I ma zẹdẹ ye ehe rhọkpa enọwanrẹn.”

II Ọba 5:27

Banbanna nian, emianmwẹ e Naaman gha hihiẹ yan ruẹn, ọ ghi gha rre uwẹ kevbe avbe ivbi uniẹn ruẹn egbe ẹdẹdẹmwẹdẹ.” E Gehazi ghi kpao, emianmwẹ nii kegha rre ọre egbe, ikpakpa egbe ẹre ke gha fua zẹ vbe isonorhọ.

Ẹsta 6:11

Ẹre Haman na ya viọ ẹwu kevbe nene ẹsin. Ọ keghi hẹ ẹwu ni ye Modekai egbe. E Modekai keghi hin nene ẹsin, ẹre Haman na rhie ẹre la ore ẹvbo nii, ọna gha tama emwa nii vbe ehe ne ọ na rhie ẹre khian nii wẹẹ, “Wa ghe vbene ọba san ọmwa ne ọ ho ne ọ mu uyi re ọre egbe ẹse hẹ.”

Psalm 123:2

Zẹ vbene ọguọmwadia ye egbe yan arowa ẹre, zẹ vbene ọguọmwadia okhuo ye egbe yan aro wa ẹre nokhuo, erriọ ma khian gha ghe ruẹ obọ Nọyaẹnmwa Osanobua mwa a te do miẹn wẹ u tohan mwa.

Ẹksọdọs 24:13

E Mosis keghi rhie Jọsua ne ọguọmwadia ẹre ba egbe, iran ke hin uhunmwu oke Osanobua.

Itan 17:2

Ọguọmwadia ne aro sẹ ọre otọ, ọ re ọ ra gha kha yan ọmọ oya ne arowa ẹre hiẹe, ọ gha vbe sẹ ọ re obọ vbe ukhu ẹre.

Itan 22:29

Ma mwẹ ọmwa ne ọ winna iwinna rẹn ẹse, I gha vbe ma ruẹn ọmwa ne ọ maa sẹẹ emwa nibun kevbe ọmwa ne ọ sẹe ne ọ gha gu ọba tota.

Itan 27:17

Te a ruẹ ẹwaẹn vbe obọ egbe, zẹ vbe ne ematọn lọ ematọn ne ọ gha mu.

Itan 27:19

Aro ruẹ ọ re u bẹghe aghọnghọn rẹn vbe uwu amẹ, wẹ tobọ ruẹ ọ re u bẹghe vbe uwu ekhọe ruẹ.

Ihuan Ne Ọ Sọọ Ihuan Hia 8:12

E Solomọn sẹtin rhie arriaisẹn ọghọe, ne avbe ọgbugbo viọ arriaisẹn eva. Mẹ mwẹ ogba azara obọ mwẹ.

Aizaia 36:16

Wa ghẹ zẹye Hẹzekaia re! Ọgbaisi Asiria wẹ ne uwa ladian, ne uwa do rinmwian. A gha kue ne uwa gha rri ọmọ erhan azara uwa, ne uwa vbe gha rri ọmọ erhan ohọ uwa, ne uwa vbe gha wọn amẹ uhae ne uwa fiaẹn

Matiu 24:25

Ghe I tama uwa yotọ nẹ.

Matiu 24:46

U miẹn vbe ọ gha ma ne ọguọmwadia ni hẹẹ vbe arowa ẹre a do vba ighe ọ gele ru vberriọ!

Iyẹn ne ọ Maan Ọghe Mak 10:43

Sokpan ẹ i sẹtin gha yerriọ vbe ehe ne uwa ye. Deghẹ orhiọnkpa ho ne irẹn gha re ne ọ kpolo, gie ẹe gha re ọguọmwadia eni dekẹe hia.

Iyẹn ne ọ Maan Ọghe Luk 12:37

Ọ gha ma ne avbe eguọmwadia ni gbe vbe arowa iran aa do vba ighe iran ma vbiẹ, ighe iran re ọkhẹ. Ne I tama uwa, rẹn gha gba ukugba, ọ ghi wẹ ne iran tota, ọ ghi gho iran.

Iyẹn ne ọ Maan Ọghe Luk 12:42

Nọyaẹnmwa wanniẹn wẹ, “Gha ọre ọguọmwadia ne ekhọe esi kevbe ne ọ waan? Rẹn ọrọre ọmwa ni ne arowa ẹre mu owa nẹẹn gha su, ne ovbe gha ghae evbare ne eguọmwadia ne kpa vbe ẹghẹ a sẹ.

Iyẹn ne ọ Maan Ọghe Luk 19:17

Rẹn keghi tama rẹn wẹẹ, ‘Ọbevbaru, ọguọmwadia esi ọre u khin. Vbene u ma na ru ero ye emwi nekherhe na, I gha mu ẹvbo igbe nuẹn ne u gha gbe aro ghe.’

Iyẹn ne ọ Maan Ọghe Jọn 12:26

Ọmwa ne ọ ho ne ọ gha ga mwẹ, ọ kere ne ogha lele mwẹ, ọnii nọ wẹẹ, ehe ne imẹ ye ọre ọguọmwadia mwẹ gha vbe gha ye. Erha mwẹ gha ye ọghọ ne ọmwa ne ọ rhirhi ga mwẹ.

Iwinna 10:7

Odibosa ne ọ gu ẹe guan nii ghi kpao nẹ, Kọniliọs keghi tie eva vbe uwu avbe eguọmwadia ẹre deba ovbiyokuo ọkpa, ọmwa, ne ọ mwẹ ekhọe iyayi, ọkpa vbe uwu iran ne ọ hẹ gaga egbe.

I Kọrinti 3:8

Alughaẹn ẹ i rrọọ ne nọ kọe kevbe ne ọ gbe amẹ khakhae. Osanobua gha san dọmwadẹ ọghọe ẹse zẹ vbe ne ọ winnaẹn.

I Kọrinti 9:13

Vbe ne a i na gbe awẹawẹ, wa rẹnrẹn wẹ, iran ni winna vbe uwu Ọgua Osa, uwu Ọgua Osa iran na viọ evbare ne iran re, kevbe wẹ iran ni gbe emwi ne a ya zọ ese vbe aka, vbe ghae vbe emwi ne a ya zọ ese nii.

I Kọrinti 9:7

Wa he vbe họn ovbiyokuo ne ọ ya igho obọ ẹre ha osa ne egbe ẹre vbe ọ gbinna vbe okuo? Ra ọgbugbo ne ẹ i re vbe emwiokọ ne ugbo ẹre? Ra ọsuohuan ne ẹ i rri ewẹn ne a mi vbe ohuan irẹn?

Kọlose 3:22

Wa ne eviẹn, wa gha họn ẹmwẹ ne arowa uwa ne agbọn na, vbe emwi hia, wa gha ru vberriọ, ẹ i re vbe iran a gha bẹghe uwa ọkpa, ne iran ba miẹn ehe na gha ye aro esi ghe uwa, sokpan wa gha ye ẹkoata ru ẹe, rhunmwuda ọghọ, ne uwa rhie ne Nọyaẹnmwa.

II Timoti 2:6

Ọwẹe ne ọ winna iwinna ne ọ wo vbe egbe, ọre ọ kere ne ọ ka gha zẹ, vbe emwi ne a rhọre vbe ugbo.

I Pita 2:18

Wa ne eguọmwadia, wa gha gbe uhunmwu ke otọ ne iran ne arowa uwa, wa ghi wa gha ya ọghọ ne iran, ẹ i re iran ni fu ni mu ẹmwẹ ọmwa ro ọkpa, sokpan kevbe iran ni khọ ba ẹre.

I Pita 2:21

Ọna ọre Osanobua rhunmwuda ẹre tie uwa, rhunmwuda wẹ, Kristi tobọ ẹre rri oya, ọ keghi rhie igiemwi ne uwa wẹẹ, ne uwa gha lele ukpowẹ irẹn.

I Samuẹl 2:30

Mẹ ne Nọyaẹnmwa ne Osanobua ọghe Izrẹl ọ re ọ yan rẹn vbe ẹghẹ ne ọ gberra wẹ ẹwae ruẹ kevbe ẹgbẹe ruẹ, gha ga mwẹ zẹ vbe ohẹn ẹdẹdẹmwẹdẹ sokpan, banbanna nian, I khare wẹ I i ghi mwẹ obọ vbọ sokpan, I gha daa ne iran ni daa mẹ, sokpan, iran ni zan mwẹ, I gha fa iran an.