Itan 27:10 - Edo Bible (E Baibol Ẹdo) Version 1996

¹⁰ Ghẹ mianmian avbe ọse ruẹ ra avbe ọse erha a, u gha mwẹ ọlọghọmwa, ghẹ nọ ọtuẹn iyobọ. Ọmwa ẹdogbo ne ọ sikẹ ọmwa gha sẹtin ru iyobọ nuẹn sẹ ọtẹn ne ọ rre urria.

Itan 27:10 ပူးပေါင်းရင်းမြစ်များ

II Samuẹl 19:24

Ẹre Mẹfibosiẹt ne eyẹ e Sọl na do khian vba ọba. Ọ ma he sa amẹ ya kpe owẹ, ra ne ọ zẹ ẹtu, ra ne ọ họ ukpọn rẹn, ke ẹghẹ ne ọba ya kpao vbe Jerusalẹm do sẹ ẹghẹ ne ọ na werriegbe rre ke irẹn kevbe akhọnmiotọ.

II Samuẹl 19:28

Te ọ te khẹke nu u gbele ẹgbẹe erha mwẹ hia, Umogun sokpan, u keghi ye ru mwẹ ẹse wẹ ne I do gha rri evbare vbe eteburu ruẹ. Ọ ma ghi khẹke mwẹ ne I ye vbu emwi vbe obọ ruẹ Umogun.”

II Samuẹl 21:7

Sokpan, rhunmwuda ihẹn ne irẹn vbe Jonatan vẹn ne egbe, e Devid keghi sẹ Mẹfibosiẹt ne eyẹ e Sọl rae.

II Krọnikol 24:22

Ọba keghi mianmian ugamwẹ vbene Jehoiada ne erha Zẹkaraia ya ekhọe hia gae hẹ, ọ na gbe Zẹkaraia a. Ugbẹn vbe Zẹkaraia ghi ra wu, ọ keghi datu wẹẹ, “Te Nọyaẹnmwa gha bẹghe emwi ne u ru na ne ọ rria ruẹ ikhi yọ.”

Itan 17:17

Avbe ọse ghi gha rhie ahoẹmwọmwa ma. Vbe ẹghẹ hia, ẹdẹ oseghe ọ re a ye etẹn khẹ.

Itan 18:24

Iku eso i tọ, sokpan avbe ọse eso rrọ ni maa sẹ etẹn.

Itan 19:7

Uhin ighe etẹn ovbiogue i vbe ka ẹe ye ọmwa, ghe emwi ne ọ si ẹe ne ẹ i na mwẹ ọse. Vbene ọ khọn rẹn wẹ ne ọ ziga sẹ hẹ, ẹ i miẹn.

Jerimaia 2:5

E Nọyaẹnmwa khare wẹẹ, “De ẹzọ ne avbe erha uwa odede miẹn gunmwẹ gui yi?” De emwi ne iran ghi rhunmwuda ẹre fi iyeke gbe mwẹ? Iran tobọ iran keghi khian ne ẹ i mwẹ esa ne ọ ye.

Iwinna 23:12

Vbe owiẹ ikpẹdẹ ne ọ lele ẹe, iran keghi si uma. Iran keghi vẹn ihẹn wẹ iran i ra re iran i ra da rhinrin iran te do gbe Pọl rua.

Diuteronomi 22:1

“U gha bẹghe ẹre ighẹ ẹmila ra ohuan ọghe ovbi Izrẹl ne ihua ra lẹ fua, ghẹ fi aro a, ya mu ẹẹn werriegbe gie ẹe.