Itan 26:3 - Edo Bible (E Baibol Ẹdo) Version 1996

³ Te a ye asan gbe ẹsin, te a rrọ ekagha ye ekẹtẹkẹtẹ unu, ugbemwẹ ọre a gbe ọzuọ.

Itan 26:3 ပူးပေါင်းရင်းမြစ်များ

Psalm 32:9

Wẹ ghẹ zurọ ua zẹvbe ẹsin ra ẹmila, ne a rrọ ekagha ye ọre unu ya winna, ne ọ miẹn ehe na gha họn ẹmwẹ.”

Itan 10:13

Ẹmwẹ ẹwaẹn ọ re ọ ke unu avbe umẹwaẹn rre, sokpan, te ọ kere ne a gha rri avbe akpa oya.

Itan 17:10

Ẹwaẹn ne umẹwaẹn miẹn ruẹ vbe a gha gu ẹe gui uhukpa, bun sẹẹ ne ọzuọ miẹn ruẹ vbe a gha gbe ẹe igba iyisẹn.

Itan 19:25

Ọ kere ne a rri ọmwa oya ye itengbemu, ne avbe iran ni ma vbe rẹn emwi gberra ọnii, sẹtin miẹn ọnii ya wan. Adeghẹ ọmọ ne ọ wan ọ re uwẹ khin, a gha guẹ gui, u ghi miẹn emwi ruẹ vbọ.

Itan 19:29

Ọzuọ ne ọ ye obọ rra ẹwẹe, ẹ i mwẹ obọ ma rhanmwẹ ọẹn.

Itan 27:22

Ọ gha khọn ruẹn, gbe ọzuọ ne ọ kẹ ekherhe ne ọ wu, u i sẹtin gbe ukọnmwẹ ọnrẹn hin ẹre ẹko rre.

I Kọrinti 4:21

De ne ọ yẹ uwa sẹẹ, vbọ? Ne I rhie asan bu uwa gha dee ra ne I gha dee vbe ọghọ kevbe ute?

II Kọrinti 10:6

Ugbẹn vbe uwa ghi rhie maa nẹ nian fẹẹrẹ ighẹ wa i re etẹ, te ima ghẹ ghi rri uyinmwẹ isọtẹ hia oya.

II Kọrinti 13:2

I ho ne I tama uwa hia ni ru orukhọ vbe ẹghẹ ne ọ gberra, kevbe iran nekpa hia, I ka tae vbe ẹghẹ ne I na rre ukpogieva, I gha ye vbe dọlegbe tae nian, vbe nana miẹn ighẹ I i ghi rre ehe ne uwa ye na. I gha ghi dọlegbe rre, orhiọnkpa ne oya na re gha la ban ẹ i rrọọ.