Itan 26:26 - Edo Bible (E Baibol Ẹdo) Version 1996

²⁶ Ọ sẹtin rhuan gue izohu ẹre sokpan agbọn hia miẹn emwi dan ne ọ ru.

Itan 26:26 ပူးပေါင်းရင်းမြစ်များ

Gẹnẹsis 4:8

Ẹre Keni na khama Ebẹl ne ọtiọnrẹn nokpia wẹẹ, “Gie ima khian ladian ghe oha.” Ugbẹn vbe iran ghi sẹ uwe oha, Keni ke ye emwi yan ọtiọnrẹn nokpia, ọ na gbẹe rua.

Itan 10:9

Emwa ni yin ẹse rrọ vbe ai mwẹ ẹbe ẹkun ne ọ sotọ, sokpan obọ gha vba emwa uyinmwẹ orhure.

Matiu 23:28

Erriọ ọre uwa ye zẹẹ, agbọn ghi gha ghe uwa ighẹ uwa maa, sokpan ẹko uwa vuọn ne ohoghe kevbe orukhọ.

Iyẹn ne ọ Maan Ọghe Luk 8:17

“Emwi ne a rhirhi rhie lẹre gha dinna azagba, a gha vbe miẹn emwi ne a guere a ghi mu ẹn dinna idagbo.

I Samuẹl 18:17

Ẹre Sọl na tama e Devid wẹẹ, “Ghe Mẹrab ne ovbi mwẹ nokhuo ne ọdiọn, u gha ga mwẹ zẹ vbe ovbiyokuo ne ọ din kevbe ne a gba ẹko ẹre, u na vbe gha khọn avbe okuo e Nọyaẹnmwa, I gha rhie ẹre nuẹn rhie rọnmwẹ.” (E Sọl keghi te gha ro wẹ erriọ ọ re obọ ivbi e Filistin gha na vba e Devid ya gbe ua, ne irẹn ghẹ tobọ irẹn ru ẹe.)

I Samuẹl 18:21

Ọ keghi kha wẹẹ, “I gha rhie Mikal ne Devid, I gha ya ẹe khuẹn ifi muẹn ne ivbi e Filistin gbe ẹe rua.” Rhunmwuda ọnii, e Sọl keghi tama Devid ukpogieva wẹẹ, “I gha ya ọmọ ne uẹn.”