Itan 26:21 - Edo Bible (E Baibol Ẹdo) Version 1996

²¹ Ogiọnmwẹ erhẹn ọ re ọ ye erhẹn viẹn kpoo, erhan ọ re ọ ye erhẹn gha ba gidigidi, avbe ọgbẹti ọ re ẹ i gie imuamwẹ fo vbotọ.

Itan 26:21 ပူးပေါင်းရင်းမြစ်များ

II Samuẹl 20:1

A keghi vbe miẹn wẹ ọmwa oya ọkpa ne a tie ẹre Siẹba kegha rre evba, ovbi e Bikri ne ovbi ẹwae ẹ Bẹnjamin. Ọ keghi si urhu, ọ na kha wẹẹ, “Wa sẹ e Devid rae, ma i lele ẹe. Ivbi Izrẹl, wa gia gha rrie.”

I Ọba 12:20

Ugbẹn vbe ivbi Izrẹl ghi họn ighẹ e Jeroboam werriegbe ke Igipt rre nẹ, iran keghi tie ẹre gha die iko ẹvbo, iran na ya ẹe ma ọba Izrẹl. Ewae ọghe Juda ọkpa ọre ọ ghi gha ga ivbi e Devid.

Psalm 120:4

Ifẹnmwẹ ne ọ mu, ọghe ovbiyokuo nọ, erhẹn ne ọ yan kpoo nọ.

Itan 10:12

Otighi ọ re ikhuiwu si rre, sokpan te aho ẹmwẹ ọmwa ye abakuru hia bọ ọmwa.

Itan 15:18

Ibalegbe ọ re ọ si imuan ẹmwẹ rre, sokpan, te izin egbe rhie ọfumwegbe rre.

Itan 29:22

Emwa ne egbe balọ, te iran wa si ẹzọ kevbe otighi rre ẹghẹ hia.

Itan 30:33

U gha kpogho ewẹn ẹmila, u ghi do gha mwẹ ewẹn ẹmila ne ọ kiri. U gha fi ọmwa emwi vbe ihue, ọ ghi gha tue. U gha ya ohu mu emwa, u gha la ẹmwẹ.