Itan 25:2 - Edo Bible (E Baibol Ẹdo) Version 1996

² Emwi ne Osanobua viọ lẹre ọ re ọ ya ima yi ọghọ nẹẹn, emwi ne avbe ọba rhan otọ ẹre, ọ re ọ ya ima rhie ọghọ ne iran.

Itan 25:2 ပူးပေါင်းရင်းမြစ်များ

II Samuẹl 1:5

E Devid keghi nọ rẹn wẹẹ, “Vbe u a ya rẹn he yi ighẹ e Sọl kevbe Jonatan wulo?”

II Samuẹl 14:19

Ọ na nọ rẹn wẹẹ, “E Joab ọ re ọ kun ẹmwẹ na mu ye uẹ obọ ra?” Okhuo ni wanniẹn wẹẹ, “I ya emwi ni ghi re ni huanrẹn vẹn ihẹn Umogun, we a i miẹn ehe gọgọ ẹmwẹ ruẹn na la, ne a ghẹ rhie ewanniẹn yọ. E Joab ne ọka iwinna ruẹn ọ re ọ tama mwẹ emwi ne I gha ru kevbe ẹmwẹ ne I gha ta.

Ẹzra 4:15

ne a ya gualọ uwu emwi ne avbe enikaro, avbe erha a odede gbẹnnẹ yotọ. A gha ru ẹe vberriọ, u gha miẹn wẹ te ẹvbo na wa sọtẹ ẹdẹdẹmwẹdẹ, kevbe wẹ ke ẹkpo nẹdẹ gha dee, ukpokpo ọ re ọ rhie ne avbe ọba kevbe avbe ogie isi hia. Ivbi ẹvbo ni, keghi re emwa nẹ i gie a kha yan. Ọnii ọ re ọ si ẹe ne a na dunmwu ẹvbo ni uan.

Ẹzra 4:19

I vbe gie nẹ wẹ ne a gualotọ ẹre, a keghi gele miẹn wẹ ke ẹkpo nẹdẹ gha dee, te Jerusalẹm wa sọtẹ ọba, kevbe wẹ etẹ kevbe ọgbẹti ọ re a miẹn vbọ.

Ẹzra 5:17

“Wanwanna nian Umogun, a deghẹ ọ yẹ ruẹ, u sẹtin wẹ ne a gualọ otọe emwi na vbe ehe ne a gbẹnnẹ ẹmwẹ ẹguae yi, ne a miẹn ehe na rẹn a deghẹ e Sairọs gele wẹ ne a dọlọ Ọgua Osa ne ọ rre Jerusalẹm bọ ra ẹn o, vbe iyeke ọnii, wẹ ghi vbe gie ima rẹn vbene ẹmwẹ na ye hẹ vbe ekhọe uwẹ.”

Ẹzra 6:1

Ẹre Dariọs Nọgbaisi ghi na wẹ ne a gualọ ehe ne a gbẹnnẹ ẹmwẹ ẹguae yi ni rre Babilọn.

Job 29:16

I keghi mudia ye ihe erha ne ivbiogue, I na gha mu ẹzọ orhunmwuyẹn ne ẹ i mwẹ evbare gui.

Job 38:4

Wẹ rre evba vbe I yi agbọn ra? Adeghẹ u gele rẹn emwi sẹ evba, ta ẹe ma mwẹ.

Job 42:3

U nọ rẹn wẹ vbọzẹ ne imẹ ne ọ ma rẹn na ye, na gbikhaẹn ye ẹmwẹ ẹwaẹn ruẹn? I guan vbe ekpa emwi ne I ma rẹn otọ ẹre vbe ekpa emwi ọyunnuan ne ọ kpọlọ gberra ne I gha sẹtin rẹn.

Itan 25:27

Owọn gha bun gbe, ẹ i ghi maa ne ọmwa, erriọ ọ re ọ vbe ye vbe ọmwa a vbe gha ho gbe ne a gha tian irẹn.

Itan 25:3

A i sẹtin rẹn emwi ne ọ rre ọba ẹko, iro ẹko ẹre yo sẹẹ ima zẹ vbene uyomwẹ iso ye, ra udinmwimwẹ okun.

Asan-Ibo 1:13

I keghi wa yan tae, I keghi vbe mu aro yọ wẹ, I gha gualotọ emwi hia ne a ru vbe agbọn na. Agbọn usẹ ọ re Osanobua mwamwa ne ima.

Diuteronomi 29:28

Ohu keghi kakabọ mu e Nọyaẹnmwa, vbe uwu ohu ẹre nii, ọ keghi kpọlọ iran hin otọe iran rre, ọ na filo iran ku ẹvbo ẹrrẹe, evba iran ghi ye ẹrẹna.’

Diuteronomi 29:29

“Oro eso rrọ ne Nọyaẹnmwa ma he rhie ladian, sokpan, ọ rhie uhi ẹre ladian nẹ, te ima kevbe emọ ne ima gha biẹlẹ, gha ya ẹe gha ru emwi ẹdẹdẹmwẹdẹ.