Itan 24:8 - Edo Bible (E Baibol Ẹdo) Version 1996

⁸ Adeghẹ ọkhọ ọ re u mwamwa vbe ẹghẹ hia, agbọn ghi do rẹn ruẹn ye ọmwa ne ọ si ẹti khian.

Itan 24:8 ပူးပေါင်းရင်းမြစ်များ

I Ọba 2:44

U rẹnrẹn ẹsẹse avbe emwi dan ne u ru erha mwẹ ighẹ Devid re. Te Nọyaẹnmwa rria ruẹ ikhi yọ.

Psalm 21:11

Iran si uma, iran keghi khuan khẹ ọre. Sokpan ẹi dunna ne iran.

Itan 14:22

Adeghẹ uwẹ winna ne emwi gha maa, emwa ọvbehe ghi gha mu ẹtin yan ruẹn, iran ghi vbe gha ya ọghọ ne uẹn; adeghẹ emwi dan wẹ mu aro yi, u ba odẹ ku.

Itan 24:2

Iro ne iran zẹ ma gberra ne a gha si ẹti khian, ẹghẹikẹghẹ ne iran a rhirhi ya rhan unu iran, ọ ghi zẹ ẹbe ne emwa ọvbehe eso.

Itan 24:9

Emwi ne akpa a rhirhi zẹ iro ẹre rre, orukhọ nọ. Emwa hia ọ re ọ khu iwu ọmwa ne ọ zan emwa ọvbehe vbe ẹghẹ hia.

Itan 6:14

Iran ghi gha mwamwa emwi dan vbe ekhọe iran ne ọ mu rhu, iran ghi gbe ẹti lele ehe hia.

Aizaia 32:7

Ọmwa dan ọ re ọzuọ khin, emwi dan ọ re ọ vbe ru vbe ẹghẹ hia. Ọ ghi kun ẹẹn ne ọ ya ohoghe gbe ovbiogue hin oghẹn rre, kevbe ne ọ ghẹ vbe gie emwi ne ọ khẹ ke iran sẹ iran obọ.

Nahum 1:11

E Ninevi ehe ne u ye ọ re okpia ọkpa kegha dee, ọmwa ne ọ vuọn ne uma dan, rẹn keghi vbe khuan khẹ e Nọyaẹnmwa.

Ebe ne Pọl gbẹẹn gie emwa Rom 1:30

Iran ta ewẹwẹwẹ, iran ta egbe ọtakhọ, iran khui iwu Osanobua, iran zẹ vbe udu, iran tọn egbe mu, iran rhuọ, iran ghi gha gualọ iba ọgbọn ne iran gha zẹ, iran i họn ẹmwẹ ne evbibiẹ iran.