Itan 24:5 - Edo Bible (E Baibol Ẹdo) Version 1996

⁵ A waan ọ re ọ maa sẹ a wegbe, vbe ne ẹmwata, irẹnmwi ọ re ọ ru emwi kpataki sẹẹ ẹtin.

Itan 24:5 ပူးပေါင်းရင်းမြစ်များ

Psalm 84:7

Vbene iran ya nana sikẹ odaro, erriọ orhiọn ya la iran iwu. Iran gha miẹn Osanobua, ne ọ yan avbe osa hia, vbe uhunmwu e Zaiọn.

Itan 10:29

E Nọyaẹnmwa ọ re ọ degue emwa ẹmwata, sokpan, ọ ghi gha rẹnkhẹn iran ni ru emwi dan an.

Itan 21:22

Ọkaokuo ne ọ ye ẹwaẹn agbe aro kotọ ru emwi, gha sẹtin khọn mu ẹvbo ne emwa ẹtin wan ga, ọ ghi vbe dunmwu ekẹn ne a gbe ga ẹre ne iran ya khẹ egbe ua.

Itan 24:6

Agbọn hia rẹnrẹn wẹ, te a ka mwamwa ẹẹn nẹ, a kevbe ya khọn okuo, vbe ne a ya bu ruẹ ude esi, ọ re a vbe ya rhie aro yọ wẹ, u gha khọn miotọ.

Itan 8:14

I gha zẹ iro emwi, I ghi vbe ru ẹe, I mwẹ irẹnmwi, I vbe wegbe.

Asan-Ibo 7:19

Ẹwaẹn gha sẹtin ru emwi ne ọmwa, sẹẹ vbene enikhaemwisẹ igbe gha sẹtin ru ne ẹvbo ọkpa.

Aizaia 36:5

Ọ keghi nọ wẹẹ, “Wẹ yayi wẹ unu ne a mwẹ gha winna iwinna ẹtin kevbe iguemwi ọghe okuo ra? De ọmwa ne uwẹ ro ighe ọ gha rhie obọ yuẹ iyeke ne u ya sọtẹ Asiria yi?

Aizaia 40:31

Sokpan iran ni mu ẹtin yan iyobọ Nọyaẹnmwa, a gha ya ẹtin iran khian ọghọgbọn. Iran gha ya ifuẹn iran tin kpao vbe oghohọn iran gha rhulẹ, egbe i ra wọ iran iran gha khian, ẹtin i ra vbe fo iran.

Kọlose 1:11

Te ẹtin ẹnrẹn hia, ne ọ ke uwu ẹtin uyi ẹre rre, gha ye uwa khian ne ọ wo vbe egbe, ne uwa miẹn ehe na sẹtin ye i ziengbe ye egbe miẹn emwi hia.