Itan 24:17 - Edo Bible (E Baibol Ẹdo) Version 1996

¹⁷ Ghẹ gha ghọghọ vbe emwi dan a rruan oghian an; ọ gha de, ghẹ vbe ghọghọ ua.

Itan 24:17 ပူးပေါင်းရင်းမြစ်များ

Obedaia 1:12

Ọ ma te kei ne u gha gbe ọvẹ ye emwi dan ne ọ rruan etuẹn ni rre Juda. Ọ ma te ke ne ẹko gha sẹ uẹ ọyẹnmwẹ vbe ẹdẹ ne iran fuan. Ọ ma te ke ne u gha giẹ iran vbe iran miẹn usẹ.

Job 31:29

“I ma he ghọghọ vbe oghian mwẹ a gha rri oya ẹdẹ, ra ne I sẹ ọyẹnmwẹ vbe ẹbe a rruan iran,

Itan 17:5

U gha ya ivbiogue gbe ogiẹ, te u zan Osanobua ne ọ yi iran. A gha rri uwẹ oya adeghẹ te uwẹ ghọghọ ye emwi ne ọ rruan ọmwa ọvbehe.

Psalm 42:10

Ihẹn ne iran tie mẹ rẹnkhẹn mwẹ uan Vbene iran na nọ mwẹ yan egbe wẹẹ, “Osanobua ruẹ vbọ?”

Psalm 35:19

Ghẹ gie iran ne eghian mwẹ, avbe ọhọn ohoghe nii, ghọghọ mwẹ wẹ obọ vba mwẹ. Ghẹ gie iran ni khuiwu mwẹ vbe ai mwẹ otọ, ye igiogio gbe mwẹ ye akhiẹ mwẹ.

Psalm 35:15

Sokpan, mẹ ghi rre uwu ọlọghọmwa nian, iran kegha ghọghọ, iran kegha gbe ẹbu ya mwẹ gbogiẹ. Avbe orhunmwuyẹn gbe mwẹ iran kegha liki mwẹ.

II Samuẹl 3:32

Iran keghi re Abna ye Hibrọn. Ọba keghi kpe orhu eve ua vbe ọkpẹn idin ẹnrẹn, erriọ emwa rẹn hia vbe ru.

Itan 24:18

E Nọyaẹnmwa gha rẹn adeghẹ te u giẹ ọe, ẹ i ra yẹ ọre. U gha ghe, ẹ i ra vbe rri ọre oya.

Maika 7:8

Emwi ne ọ gha zẹ ne eghian mwa gha na gha gbe ọvẹ yan mwa i rrọọ. Ma dele nẹ, sokpan, ma gha vbe kpaegbe. Uwu ebiebi ma ye na, sokpan Osanobua gha rhie uwanmwẹ ne ima.