Itan 24:12 - Edo Bible (E Baibol Ẹdo) Version 1996

¹² U sẹtin kha wẹ ọ ma kan ruẹn, sokpan Osanobua rẹnrẹn, ọ vbe ghe ekhọe ruẹ. Ọ wa rhie aro lele uẹ, ọ rẹnrẹn, ọ gha vbe ha ẹre nuẹn zẹ vbene u vbe ru.

Itan 24:12 ပူးပေါင်းရင်းမြစ်များ

Job 34:11

Te irẹn san emwa ẹse emwi ne iran ru, ọ ghi vbe gha ru iran emwi ne ọ maa iran.

Psalm 121:3

Rẹn i ra giẹ uwẹ de, ọmwa ne ọ rhie ruẹ lẹre, ẹ i vbiẹ.

Psalm 121:8

ọ gha degue ruẹ vbe uwẹ a gha dee kevbe u a gha khian, banbanna kevbe ẹdẹdẹmwẹdẹ.

Psalm 17:3

U gba ekhọe mwẹ. Wẹ ka bu mwẹ rre yi vbe asọn, u gualọ otọ mwẹ fo fẹẹrẹ. U ma vbe miẹn iho emwi dan vbe uwu ekhọe mwẹ, I ma ta ẹmwẹ dan.

Psalm 44:21

wẹ gha wa gualọ ẹe miẹn nẹ, rhunmwuda, wẹ rẹn iro ẹkhokho ekhọe mwa.

Psalm 62:12

Kevbe wẹ aho irẹn i beghe. Nọyaẹnmwa, wẹ ọ re ọ tobọruẹ hae ne dọmwadẹ ọghọe vbene iwinna rẹn khare.

Psalm 66:9

Rẹn ọ re ọ gie ima gha rre agbọn, Ọ ma vbe gie ima dele.

Psalm 7:9

Osanobua ẹmwata ọ re uwẹ khin, wẹ keghi vbe bu ohiẹn iro ne ima zẹ, kevbe emwi ne ima ho. Dobọ emwi dan avbe emwa dan yi. Ne u vbe san avbe emwa esi ẹse.

Psalm 94:9

Osanobua ne ọ yi ehọ ima, ẹ i họn ẹmwẹ ra? Rẹn ọ re ọ yi aro ima, ẹ i bẹghe ra?

Itan 12:14

Ẹmwẹ ne u guan, kevbe emwi ne u ru, ọ re a vbe lele ya san ruẹn ẹse, emwi ne ọ khẹke uẹ ọ re ọ gha vbe sẹ uẹ obọ.

Itan 16:2

U sẹtin gha ro wẹ emwi ne u ru hia wa gba, sokpan, e Nọyaẹnmwa ghi ghe emwi ne ọ ya uwẹ ru ẹe.

Itan 21:2

U sẹtin gha ro wẹ emwi ne u ru hia ọ re ọ wa gba, sokpan ye rre wẹ iro ne u zẹ u ke ya ru emwi ọ re Nọyaẹnmwa ghe.

Itan 5:21

E Nọyaẹnmwa bẹghe emwi ne u ru hia, ehe ne u a rhirhi la, ọ ghe ruẹ.

Itan 5:22

Orukhọ ne ọmwa dan ru ifi ọ re nọ. Ọgua ọghe orukhọ ẹre ghi vbe muẹn.

Asan-Ibo 5:8

Ghẹ giee yan uwe unu uan adeghẹ arriọba kpokpo ovbiogue, ighe ọ ma vbe gie a bu ohiẹn ẹmwata ne iran, ra ne a rhie emwi ne ọ khẹke iran ne iran. Dọmwadẹ ọmwa iwinna, ọmwa ne irẹn rre ototọ ẹre, ọ re ọ sinmwi ne ẹẹn, ọmwa ne ukpo ẹre ghi vbe yo sẹẹ ọ re ọ sinmwi ne iran eveva.

Jerimaia 17:10

Mẹ ne Nọyaẹnmwa ọ re ọ gualọ otọ ẹko ghe, I vbe gualọ otọ ekhọe ọmwa, vbe ne dọmwadẹ ọghọe ru emwi, ọ re I vbe ya ye ohọ mu ẹẹn. Zẹ vbene emwi ne ọ ru vbe ye.”

Jerimaia 32:19

Wẹ ru emwamwa ẹwaẹn, u keghi vbe winna iwinna ẹtin, u bẹghe emwi ne emwa hia ru, u keghi vbe hae ne iran zẹ vbene uyinmwẹ iran khare.

Eve Orriara 3:36

A gha khiẹn ohiẹn bu vbe iko, ọ vbe rẹn.

Daniẹl 5:23

U keghi ru emwi ne ẹ i yẹ e Nọyaẹnmwa ẹrinmwi, u keghi ya viọ avbe ukpu kevbe avbe ọkpan ne a viọ ye Ọgua Osa. Wẹ kevbe avbe ekhaẹmwẹ ruẹn, avbe amwẹ ọn kevbe avbe egbakhian ruẹn kegha ya iran da ayọn, wa na gha go wan avbe ẹbọ ne a ya igoru esiliva, oze, ematọn, erhan kevbe okuta ru — avbe ẹbọ ni i bẹghe kevbe ni i họn ẹmwẹ kevbe ni i sẹtin ru emwi rhọkpa. Sokpan, wẹ ma da ne Osanobua ne ọ tae a deghẹ u gha rre agbọn ra u gha wu, kevbe ne ẹmwẹ emwi ne u ru hia rre ọre obọ.

Matiu 16:27

Rhunmwuda ẹ i ghi rrie Ovbi Ọmwa la uwu uyi Erha ẹe gha khian, ke irẹn kevbe avbe odibosa ẹre, ẹghẹ nii, ọre ọ gha na ha osa ne edọmwadẹ ọghọe zẹ vbene iwinna rẹn ye.

Iwinna 17:28

Rhunmwuda, “ ‘Uwu irẹn ọre ima ye, ọre ima na khian ọre ima na rrọọ.’ Zẹ vbene eso vbe uwu umẹwaẹn uwa ta ẹe wẹẹ, ‘Ivbi ẹre ọre ima vbe khin.’

Ebe ne Pọl gbẹẹn gie emwa Rom 2:16

Zẹ vbene Iyẹn Ne ọ maa ne I kpe orhu ẹre kha re, erriọ ọre ọ khian gha ye vbe Ẹdẹnẹdẹrriọ, ne Osanobua gha la obọ Jesu Kristi bu ohiẹn iro ẹkhokho ni rre ekhọe emwa hia.

Ebe ne Pọl gbẹẹn gie emwa Rom 2:6

Rhunmwuda Osanobua gha hae ne dọmwadẹ ọghọe, zẹ vbe iwinna ne ọ winnaẹn.

I Kọrinti 4:5

Rhunmwuda ọnii, wa ghẹ gha bu ohiẹn ọmwarhọkpa ọ te do sẹ ẹghẹ ne ọ kei yi. Wa sẹ ibuohiẹn ne okiekie rae khẹ ẹghẹ ne Nọyaẹnmwa gha na rre, rẹn ọre ọra we dọmwadẹ ọghọe uhe ua, ọ ghi ta iro ne ọmwa do zẹ vbe ekhọe ẹre ladian. Ẹghẹ ni ọre Osanobua gha na tian dọmwadẹ ọghọe vbene ọ ke gie ẹe.

II Kọrinti 5:10

Rhunmwuda, ẹ i mwẹ ma hia ma mudia ye odaro Kristi, ne ọ miẹn ehe na bu ohiẹn mwa. ne dọmwadẹ ọghọe miẹn ehe na miẹn emwi ne ọ khẹ kẹe rhie, zẹ vbene ọ ye obọ ru vbe ọ rre agbọn, deghẹ ne ọ maa nọ ra ne ẹ i maa.

Arhie Maan 1:18

Mẹ ọrọre ọmwa ne ọ rre agbọn, I te ka wu yi, sokpan banbanna nian, I rre agbọn ẹdẹ kevbe ẹdẹdẹmwẹdẹ.” I mwẹ asẹ vbe uhunmwu uwu tobọ ẹre kevbe ẹvbo iran ne orinmwi.

Arhie Maan 2:18

“Gbẹn ebe gie odibosa esọsi ne ọ rre Tiatira wẹ: “Uhunmwu ne ọ gie rre ọre ọ na khin ighẹ Ovbi Osanobua ne aro ẹre kpannọ kua vbe Ogiọnmwẹ erhẹn, ne owẹ ọre fi wainwain, zẹ vbe ẹrọnmwọ ne a kpee.

Arhie Maan 2:23

I gha vbe gbele ẹre emọ, ẹghẹ nii, avbe esọsi hia ghi do rẹn wẹ, mẹ ọrọre ọmwa ne ọ rẹn iro ne ọmwa zẹ vbe ekhọe ẹre kevbe emwi ne ọ hoo. I gha do hae ne edọmwadẹ ọghọe vbe uwu uwa zẹ vbe iwinna ne uwa winnaẹn.

Arhie Maan 22:12

Jesu wẹẹ, “Danmwehọ, I dee ẹgiẹgiẹ! I gha viọ emwi ne I ya san ẹse rre ne I viọ ne dọmwadẹ ọghọe vbene iwinna rẹn khare.

I Samuẹl 16:7

Sokpan, e Nọyaẹnmwa tama rẹn wẹẹ, “Ghẹ ghe ẹre wẹ ọ tanẹn ra wẹ ọ mose, mẹ he ẹe nẹ, rhunmwuda, ẹ i re vbene ọmwa ne agbọn ghe emwi ọ re imẹ ghe ẹre. Agbọn ghe ikpakpa, sokpan, ekhọe imẹ ghe.”

I Samuẹl 2:3

Dobọ owogho oghagha ruẹ yi gie ẹmwẹ uhiomwẹ ruẹn gbẹdọ, rhunmwuda, e Nọyaẹnmwa, Osanobua ne ọ rẹn emwi ne ọ sunu nọ, ọ vbe bu ohiẹn emwi ne emwa ru hia.

I Samuẹl 2:6

E Nọyaẹnmwa ọ re ọ gbe, rẹn ọ vbe huẹn. Rẹn ọ re ọ gie emwa yo ẹvbo eni wulo nẹ. Ọ ghi vbe dọlegbe viọ iran gha dee.

I Samuẹl 25:29

Adeghẹ ọmwaikọmwa vbe dekun ruẹn, ọ na wẹ rẹn ra gbe ua, e Nọyaẹnmwa, Osanobua ruẹ gha rhie ruẹ lẹre, zẹ vbene ọmwa rhie emwi ighobioye lẹre. Zẹ vbe ọghe avbe eghian ruẹn, vbene ọ rhirhi a gha ye hẹ, e Nọyaẹnmwa gha filo iran kua zẹ vbe ne ọmwa ye umọvọn filo okuta kua.