Itan 23:9 - Edo Bible (E Baibol Ẹdo) Version 1996

⁹ Ghẹ gu ọzuọ zẹ iro agbọn, ẹ i zẹ yọ.

Itan 23:9 ပူးပေါင်းရင်းမြစ်များ

Itan 1:7

Ọmwa ne ọ ho ne ọ gha wan, ọ ghi ka gha ya ọghọ ne Nọyaẹnmwa nẹ. Avbe ọzuọ i zẹdẹ da ne ẹwaẹn, iran ghi vbe he ne iran ruẹ emwi.

Itan 14:7

Ladian hin ẹbu avbe akpa rre, iran i ra miẹn emwi ma ruẹn re.

Aizaia 36:21

Emwa nii keghi wa hunwan zẹ vbene Hẹzekaia tama iran, iran ma vbe ta ukpẹmwẹ ọkpa.

Matiu 7:6

“Ghẹ rhie emwi nọhuanrẹn ne ekita, te ọ ra gha gbọọ ruẹ kẹkan. Ghẹ rhie emwi uzọmọ ye odaro esiebo, te ọ ra ya owẹ rri ẹe ginna otọ.

Iyẹn ne ọ Maan Ọghe Luk 16:14

Avbe Farisi eso ni họn avbe ẹmwẹ na kegha vin ihue ye Jesu akhọe, rhunmwuda iran ho ẹmwẹ igho ẹsẹse.

Iyẹn ne ọ Maan Ọghe Jọn 10:20

Ni bun vbe uwu iran kegha kha wẹẹ, “Ọ mwẹ orhiọn esu, te ọ mwẹmwẹ, vbọzẹ ne uwa na rhie ehọ nẹ ẹn gha ta yi?”

Iyẹn ne ọ Maan Ọghe Jọn 8:52

Avbe Ju wanniẹn tama rẹn wẹ, “Aro ima dae nian ighe u gele mwẹ orhiọn esu. Ebraham wu, avbe akhasẹ vbe wulo, wẹ ghi ra kha, u wẹẹ, ‘Ọmwa ne ọ ya ẹmwẹ mwẹ ru emwi, ẹ i wu ẹdẹ.’

Iyẹn ne ọ Maan Ọghe Jọn 9:40

Eso vbe avbe Farisi ni rre evba ghi họn vbe ọ ta ẹmwẹ na, iran nọ rẹn wẹẹ, “Te ima ghi vbe rhu aro ra?”

Iwinna 17:18

Avbe ọmamwaemwi Epikurian kevbe Stoik eso keghi vbe guee gha muan ẹmwẹ. Eso vbọ kegha kha wẹ, “De emwi ne ole unu na vbe miẹn gha ta yi?” Eso vbọ keghi vbe kha wẹ, “Ọ ye vbe ẹmwẹ ẹbọ ne ima mannọẹn ọre ọ ta.” Emwi ne ọ ye iran ta ẹmwẹ na ọrọre wẹ te Pọl gha kpe orhu Jesu kevbe arhiọkpaegbe.

Iwinna 17:32

Ugbẹn vbe iran ghi họn vbe Pọl ya unu kan ẹmwẹ arhiọkpaegbe vbe idin orinmwi, eso kegha yae gbe ogiẹ, sokpan eso vbọ keghi vbe kha wẹ, “Ma gha ho ne u dọlegbe guan kan ẹmwẹ na.