Itan 23:5 - Edo Bible (E Baibol Ẹdo) Version 1996

⁵ Igho ruẹ sẹtin wa ru gbee, vbene a miẹn wẹ te ọ zẹ ifuẹn, ọ na tin gha rrie zẹvbe oghohọn.

Itan 23:5 ပူးပေါင်းရင်းမြစ်များ

Gẹnẹsis 42:36

Erha iran keghi kha ma iran wẹẹ, “Te uwa ra ya mwẹ khian ne ẹ i ghi mwẹ emọ hiehiere. E Josẹf kpaa, Simiọn I ghi rrọọ, Bẹnjamin ọ re uwa ghi ho ne uwa vbe rhie, uhunmwu mwẹ ọre usẹ na ye!”

Job 27:19

Uhukpa, ẹdẹ ọkpa, iran ya lovbiẹ zẹ vbe ọmwa ẹfe, iran ghẹ ghi rhiọrre, iran ghi ho ẹfe iran bẹkun.

Psalm 39:6

Ọ ma vbe gberra aghọnghọn, emwi ne ọ ru kẹkan ehia khin, ọ si ẹfe koko, ọ ma vbe rẹn ọmwa ne ọ gha viọ ẹre.

Itan 27:24

Rhunmwuda ẹfe i re emwi etẹbitẹ. Uhunmwu ẹvbo tobọ ọre, ne ọ re etẹbitẹ i rrọ.

Asan-Ibo 1:2

Ẹ i mwẹ esa, ẹ i mwẹ esa, erriọ ọre Asan-ibo khare. Agbọn na i mwẹ esa, ẹ i zẹdẹ mwẹ esa hiehiere.

Asan-Ibo 12:8

Ẹ i mwẹ esa, ẹ i mwẹ esa, erriọ ọ re Asan-ibo khare. Erhọkpa i zẹdẹ mwẹ esa.

Aizaia 55:2

Vbọzẹ ne uwa na lo igho ye avbe emwi ne ẹ i vuọn ẹko yi? Vbe uwa ghi na lo igho ne uwa miẹn hẹ, ohanmwẹ ghi ye gha gbe uwa? Wa danmwehọ mwẹ, ne uwa vbe ru vbene I khare, wa gha miẹn evbare ne ọ maa sẹ gha re.

Jerimaia 22:17

Sokpan, emwi ne ọ re ọghe ne egbe uẹ okpa ọ re u bẹghe; u gbe ọmwa ne ọ ma rukhọ, u kegha ye ọkhọ wọ emwa ruẹn uhunmwu. E Nọyaẹnmwa guaan nẹ.

Jerimaia 39:12

“Wa ya gualọ e Jerimaia, ne uwa gbearoghe ẹre ẹsẹse, wa ghẹ kuan ẹre egbe sokpan, wa ru emwi ne ọ rhirhi nọ ne ẹẹn.”

Matiu 6:19

“Wa ghẹ si ẹfe koko ye agbọn na ne egbe ruẹ, ehe ne ọkhọe kevbe ọtọn na sẹtin rhia rua, ehe ne avbe oyi na gbe urho ya gha rhaa.

I Timoti 6:17

Tama iran ni fe vbe emwi agbọn na wẹ, ne iran ghẹ tọn egbe mu, kevbe wẹ, ne iran ghẹ mu ẹtin yan egbe emwi ne ọ mu yo mu rre vbe ne ẹfe ye, sokpan ne iran mu ẹtin yan Osanobua, ọmwa ne ọ viọ emwi hia ne ima wọrhọwọrhọ ne a ya gha zọmọ.

I Jọn 2:16

Emwi hia ni re ọghe agbọn na, emwi ne ọ yẹ egbe orukhọ na, emwi ne emwa ne agbọn bẹghe ne ọ vbe ya ghan, ọkpa ne ọ ke ehe ne Evbavba ye rre, ẹ i rrọọ, agbọn na ọre ehia ke rre.