Itan 23:4 - Edo Bible (E Baibol Ẹdo) Version 1996

⁴ Gie ẹwaẹn gba nuẹn sẹrriọ ne u i ra na wiẹn egbe ruẹ ua ighẹ te u gualọ ẹfe.

Itan 23:4 ပူးပေါင်းရင်းမြစ်များ

Job 27:19

Uhukpa, ẹdẹ ọkpa, iran ya lovbiẹ zẹ vbe ọmwa ẹfe, iran ghẹ ghi rhiọrre, iran ghi ho ẹfe iran bẹkun.

Itan 15:27

Hia ne u ya la odẹ ero gha khuan viọ ye ẹkpo, u gha si ẹti ye igiowa ruẹ egbe. Ghẹ miẹn ọmwa igho odieke, u gha wa tọ.

Itan 26:12

Ọzuọ ne ọ ghi wa kọn sẹ vbe ehia, ọ maa sẹ ọmwa ne ọ ro wẹ rẹn wan vbe ne ẹ i na wan hiehiere.

Itan 27:24

Rhunmwuda ẹfe i re emwi etẹbitẹ. Uhunmwu ẹvbo tobọ ọre, ne ọ re etẹbitẹ i rrọ.

Itan 28:20

Emwa ni mwẹ uyinmwẹ ne ọ diae, te ẹdagbọn iran wa ye ọyẹnmwẹ sẹ ota, sokpan, u gha wẹ ẹfe ẹgiẹgiẹ ọ re u gualọ, a gha rriọ oya.

Itan 3:5

Ya ẹtin ruẹn hia mu ẹtin yan e Nọyaẹnmwa. Ghẹ mu ẹtin yan emwi ne uwẹ ro ighe uwẹ rẹnrẹn.

Itan 3:7

Ghẹ gie ekhọe ruẹ gha guẹ zẹ iro wẹ u wan sẹẹ vbe ne u ye; emwi ọkpa wa nọ wẹ ne u gha họn ẹmwẹ ne Nọyaẹnmwa, ne u vbe gha biegbe hin abakuru rre.

Asan-Ibo 5:13

Vbe ghe emwiọkpa ne ọ mu ọmwa ohan ne I vbe miẹn vbe agbọn na: emwa ghi gha si igho koko hinrre khẹ ẹdẹ ne a gha ho sẹ ọre egbe.

Aizaia 5:21

Ọghe uwa fo nẹ! Wa ro ighe uwa wan, ighe uwa guẹ emwi gbe.

Jerimaia 9:22

Ikun orinmwi wa tagha lele ehe hia zẹ vbe emwi ne ọ ya otọ khian nọmaa emwiokọ nibun, zẹ vbe ọka ne iran ni rhọ emwiokọ giagia nẹ, iran na sẹ ọe rae, avbe ọka ne ọmwa rhọkpa ma viọ. Ẹmwẹ ne Nọyaẹnmwa wẹ ne I ta ọ re ọnii khin.”

Matiu 6:19

“Wa ghẹ si ẹfe koko ye agbọn na ne egbe ruẹ, ehe ne ọkhọe kevbe ọtọn na sẹtin rhia rua, ehe ne avbe oyi na gbe urho ya gha rhaa.

Iyẹn ne ọ Maan Ọghe Mak 4:19

Sokpan orhikhan ẹmwẹ agbọn na, ẹmwẹ ẹfe, kevbe emwi ni ghi viẹn ye emwa aro hia, keghi hihiẹ rre, iran keghi khuakhua ẹmwẹ ni gbua, ọ ma ghi mọ.

Iyẹn ne ọ Maan Ọghe Jọn 6:27

Wa ghẹ miẹn ẹsọn ye evbare ne ọ sẹtin rhia, sokpan emwi ne ọ kere ne uwa miẹn ẹsọn yi ọrọre evbare ne ọ sẹtin gha rrọọ ya sẹ agbọn etẹbitẹ. Ovbi Ọmwa gha rhie evbare na ne uwa rhunmwuda Osanobua ne Erha ye obọ yọ ọre nẹ.”

Ebe ne Pọl gbẹẹn gie emwa Rom 11:25

Ẹmwata ọkpa rrọọ. oro wa nọ, sokpan i ho ne uwa rẹn ọnrẹn etẹn mwẹ, ọnii gha kie uwa ukpẹ ne uwa na ro ighẹ uwa wan gbe. Ọre ọnii khin wẹẹ, Izevbudu ivbi Izrẹl, ẹ i re emwi etẹbitẹ, sokpan, ọ gha ye gha khian rhinrin emwa ne ẹ i re Ju ne ogha bu Osanobua rre to do gba.

Ebe ne Pọl gbẹẹn gie emwa Rom 12:16

Gha ya obọ ọkpa mu emwa hia, ghẹ gha tọn egbe mu, gha rhan obọ miẹn iwinna ne ọ ma te khẹke ukpo ne u ye. Wa ghẹ gha ka egbe uwa ye umẹwaẹn.

Hibru 13:5

Fannọ obọ igho ne a ho ẹmwẹ ọnrẹn hin ẹdẹ agbọn ruẹn egbe rre. Vbe gie emwi ne u mwẹ gha suẹ ọkẹn, rhunmwuda Osanobua kha nẹ wẹẹ, “Mẹ i ra sẹ uẹ rae ẹdẹ, mẹ i re he uwẹ ye otọ ẹdẹ.”