Itan 23:3 - Edo Bible (E Baibol Ẹdo) Version 1996

³ Ghẹ fifi ye evbare ne ọ rhiẹnrhiẹn ne ọ viọ yotọ, ughaghe te ọ hẹko lẹga ruẹ.

Itan 23:3 ပူးပေါင်းရင်းမြစ်များ

Psalm 141:4

Ghẹ gunmwẹ gha ho ne I ru emwi ne ọ ma gba, ra ne I deba emwa dan vbe uyimwẹ ọkhọ iran. I i gha gu iran rri evbare kugbe ẹdẹ.

Itan 23:6

Ghẹ rri evbare vbe eteburu ọkhẹnemwidamwẹ ra ne u gha fifi ye evbare ne ọ rhiẹnrhiẹn ne ọ viọ ye otọ.

Daniẹl 1:5

Ọba keghi vbe kha wẹ evbare ne ivbi ọba re kevbe ayọn ne ivbiọba da ọ re a gha vbe ya gha koko iran. A ghẹ ghi koko iran la ikpira nẹ vberriọ, a ghi viọ iran gie ọba ghe.

Daniẹl 1:8

E Daniẹl keghi wa yan yọ wẹ rẹn i ra ya egbe hẹ awua vbekpa ne irẹn gha na rri evbare kevbe ne irẹn vbe gha da ayọn ẹguae, ọ keghi rhunmwuda ọnii rinmwian Aspenaz wẹ ne ọ ru iyobọ ne irẹn.

Iyẹn ne ọ Maan Ọghe Luk 21:34

“Wa gha begbe! Wa ghẹ gie iwinna evbare ne a re, ayọn ne ọ wegbe ra osi ẹmwẹ agbọn na mu uwa, ne Ẹdẹ nẹdẹrriọ ghẹ do hẹ rhu uwa vbe udomwirri.

Ẹfisọs 4:22

Rhunmwuda ọnii wa muẹn fua ighẹ emwi ne uwa guẹe nẹdẹ, ne ọ ye uwa gha ru emwi ne uwa te ka ru nẹdẹ nii, ne emwi erẹrẹ ne ọ ho te ya rrie.